სსიპ - აკაკი წერეთლის სახელობის ზესტაფონის მუნიციპალიტეტის სოფელ მეორე სვირის №1 საჯარო სკოლა

ზოგადსაგანმანათლებლო დაწესებულების მისია: სსიპ აკაკი წერეთლის სახელობის ზესტაფონის მუნიციპალიტეტის მეორე სვირის N1 საჯარო სკოლის მისიაა ორგანიზებული სასწავლო პროცესითა და მაღალხარისხიანი განათლებით დემოკრატიული ღირებულებების მქონე მოსწავლე–ახალგაზრდობის აღზრდა, პიროვნულ განვითარებაზე ორიენტირებული , სოციო-კულტურული სივრცის შექმნა, სადაც ყველა მოსწავლე შეძლებს საკუთარი შესაძლებლობების მაქსიმალურ გამოვლენას და რეალიზებას, ჩამოყალიბდება როგორც კრიტიკულად მოაზროვნე, ზნეობრივად, ფიზიკურად და გონებრივად ჯანსაღი, ეროვნული მიზნებისა და ტრადიციების დამცველი პიროვნება. ჩვენი სკოლის მოსწავლეები აღიჭურვებიან სათანადო ცოდნითა და უნარ-ჩვევებით, რათა ადგილი დაიმკვიდრონ და შეძლონ საკუთარი შესაძლებლობების რეალიზება თანამედროვე გამოწვევების შესაბამისად. სასწავლო დაწესებულება ორიენტირებულია მოსწავლე/პროფესიული სტუდენტი იყოს მეტად კონკურენტუნარიანი, მაქსიმალურად შეძლოს საკუთარი შესაძლებლობების რეალიზაცია და პიროვნული ფასეულობებითა და მიღებული ცოდნით უპასუხოს თანამედროვე შრომის ბაზრის გამოწვევებს. სკოლა ხელს შეუწყობს პროფესიული სტუდენტის უწყვეტ პროფესიულ განათლებას და წვლილს შეიტანს ქვეყნის სოციალურ ეკონომიკურ განვითარებაში. სკოლა იქნება კონკურენტუნარიანი, ორიენტირებული მრავალპროფილური პროგრამების დანერგვაზე, მაღალი შედეგების მიღწევასა და მოსწავლეთა კონტიგენტის გაზრდაზე. ვიყო ლიდერი დაწესებულება და ჩემი წვლილი შევიტანო ქვეყნის ეკონომიკურ განვითარებაში. 2030 წლისთვის მრავალპროფილური პროფესიული პროგრამების მიმართულებით პროფესიული პროგრამის სტუდენტებმა შეძლონ შრომის ბაზრის მოთხოვნის დაკამყოფილება 90%-ით. სკოლის ხედვა: 1. ჩვენი სკოლა იყოს უსაფრთხო და დაცული ადგილი 2. გაზიარებული იქნება პასუხისმგებლობა მოსწავლეებს/პროფესიულ სტუდენტებს, ოჯახებს, სკოლის პერსონალსა და სასკოლო საზოგადოებას შორის. 3. სკოლა მოსწავლეების/პროფესიული სტუდენტების ინდივიდუალურ საჭიროებებს ითვალისწინებს და ამისთვის მათ მრავალფეროვან პროგრამებს შესთავაზებს 4. სკოლა ხელს შეუწყობს უახლესი ტექნოლოგიების გამოყენებით სწავლა-სწავლების პროცესს. 5. ჩვენი სკოლა იქნება კონკურენტუნარიანი, მაღალი შედეგების მაჩვენებელი და მოსწავლეთა კონტიგენტის გაზრდაზე ორიენტირებული ( 10%-20 %). სკოლის ღირებულებებია: • სამართლიანობა • გუნდურობა/თანამშრომლობა • ზრუნვა • ღიაობა