სსიპ - ნიკო ლორთქიფანიძის სახელობის წყალტუბოს მუნიციპალიტეტის სოფელ წყალტუბოს საჯარო სკოლა

ხედვა: 1)პროფესიონალიზმით, საქმის სიყვარულითა და თანამშრომლობით მოსწავლეთა აღჭურვა ისეთი უნარებით რომლებიც ხელს შეუწყობს მათ დამკვიდრებას კონკურენტულ გარემოში, 2) სკოლაში არსებული ტექნოლოგიური შესაძლებლობების ინტენსიური ათვისებითა და პროექტული სწავლების დანერგვით, პროფესიული განათლების კუთხით სხვადასხვა სექტორთან თანამშრომლობით 7 წლის პერსპექტივაში პროფესიული განვითარების და ი.ს.ტ მიმართულებით თემში შემავალი სკოლებს შორის ადგილობრივ ჰაბად ჩამოყალიბების პერსპექტივის რეალიზება. მისია: საუკეთესო გამოცდილებით, თანამედროვე სწავლების მეთოდებითა და მოსწავლეთა საჭიროებებზე მორგებული სასწავლო პროგრამებით აღმოაჩინოს თითოეულ მოსწავლეში განსაკუთრებული უნარები, გააღვივოს მათში შემოქმედებითი აზროვნება ხელი შეუწყოს მათ ისეთი ცოდნის მიღებაში რომელიც დაეხმარება ახალგაზრდებს კონკურენტუნარიანი მზარდი გამოწვევების საზოგადოებაში საკუთარი ადგილის დასამკვიდრებლად. ღირებულებებია სკოლის მისიის განხორციელების მიზნით, სასკოლო საზოგადოება თანხმდება, რომ დაწყებით და საშუალო საფეხურზე გავაღრმავოთ უცხოური ენებისა და საზოგადოებრივი მეცნიერებების სწავლება. სკოლა თანხმდება, რომ სკოლამ მთლიანობაში და მისმა ყოველმა თანამშრომელმა თავიანთი ყოველდღიური საქმიანობის განხორციელებისას, უნდა იხელმძღვანელოს შემდეგი სამუშაო პრინციპებითა და მიდგომებით: • საქმის უზადო პროფესიონალიზმი და ერთგულება; • პატიოსნება და კეთილსინდისიერება; • სხვათა შრომის, მიღწევებისა და აზრის პატივისცემა; • მიუკერძოებლობა; • ერთგულება; • ინოვაციური მიდგომები და წარსული გამოცდილების გათვალისწინება; • ინიციატივების სწორი შეფასება და განხორციელებაში ხელშეწყობა; • პროფესიული ზრდა და განვითარება; • გუნდურად მუშაობა.

სკოლის დირექცია (დირექტორი, დირექტორის მოადგილე, ბუღალტერი) სკოლის ადმინისტრაცია (ადმინისტრატორი, საქმისმწარმოებელი, ბიბლიოთეკარი, მატერიალურ-ტექნიკური უზრუნველყოფის კოორდინატორი) სამეურვეო საბჭო, დისციპლინური კომიტეტი, მოსწავლეთა თვითმმართველობა, პედაგოგიური საბჭო, საგნობრივი კათედრები, ტექნიკური პერსონალი, სკოლის ექიმი.

სკოლა ახორციელებს სასწავლო პროცესებს დაწყებით, საბაზო და საშუალო საფეხურზე. დამატებით საგანმანათლებლო მომსახურების კუთხით სკოლაში ფუნქციონირებს ქორეოგრაფიული წრე, საზოგადოებრივი და საბუნებისმეტყველო მეცნიერებების კათედრების ,,ეკო კლუბი".

სკოლაში ქცევის წესები რეგულირდება სკოლის შინაგანაწესით, ხოლო აპელაციის საკითხებს განიხილავს დისციპლინარული კომიტეტი. აპელაციის მექანიზმები: 1. კანონმდებლობით გათვალისწინებული უფლებების დარღვევის შემთხვევაში მოსწავლეს, მასწავლებელს და მშობელს უფლება აქვს წერილობითი საჩივრით მიმართოს სკოლის დირექტორს ორი კვირის განმავლობაში, რაც მისთვის ცნობილი გახდა უფლების დარღვევის შესახებ. 2. დირექტორი საჩივარს განიხილავს საჩივრის შეტანიდან ორი კვირის ვადაში. 3. დირექტორის გადაწყვეტილება და მისი მოქმედება ან უმოქმედობა შეიძლება გასაჩივრდეს სამეურვეო საბჭოში გადაწყვეტილების გაცნობიდან ორი კვირის ვადაში . სამეურვეო საბჭო ვალდებულია განიხილოს საჩივარი 1 თვის ვადაში.

სკოლის ინფრასტრუქტურა შეესაბამება თანამედროვე მოთხოვნებს, სკოლის შენობა გაიხსნა 2021 წელს და აღჭყრვილია თანამედროვე მოთხოვნების შესაბამისად

1. სკოლის მიმდინარე ხარჯები , დაფინანსება ხორციელდება საქართველოს კანონმდებლობით დადგენილი წესით სახელმწიფოს მიერ ვაუჩერის გაცემით. 2.სკოლის კაპიტალური ხარჯების ანაზღაურება ხდება სახელმწიფოს მიერ ვაუჩერის გაცემით. 3. სკოლას აქვს უფლება მოიზიდოს საქართველოს კანონმდებლობით ნებადართული სხვა ფინანსური სახსრები. მათ შორის მიიღოს შემოსავალი ეკონომიკური საქმიანობით, თუ ეს საქმიანობა არ ახდენს მავნე ზეგავლენას მოსწავლეთა ფიზიკურ და ზნეობრივ განვითარებაზე. მიღებული სახსრები კანონმდებლობის შესაბამისად ხმარდება მხოლოდ სკოლის მიზნებისა და ფუნქციების განხორციელებას. 4. სკოლის ყველა შემოსავალი და ხარჯი აისახება მის ბიუჯეტში.