სსიპ - ჭიათურის მუნიციპალიტეტის სოფელ რგანის საჯარო სკოლა

სკოლის მისია სასკოლო სასწავლო გეგმა ეფუძნება ზოგადი განათლების სისტემისათვის ფუნდამენტური მნიშვნელობის მქონე დოკუმენტებს: „ზოგადი განათლების ეროვნულ მიზნებსა“ და ეროვნულ სასწავლო გეგმას, რომლებიც განსაზღვრავენ თუ როგორი თაობების აღზრდას უნდა შეუწყოს ხელი საქართველოს ზოგადი განათლების სისტემამ. სკოლის მისია ემსახურება ეროვნული და ზოგადსაკაცობრიო ღირებულებების მატარებელ თავისუფალი პიროვნების ჩამოყალიბებისათვის ხელსაყრელი პირობების შექმნას, ასევე ისეთი აქტიური პიროვნების აღზრდას, რომელსაც შეეძლება პრობლემის დამოუკიდებლად იდენტიფიცირება და მისი გადაჭრის გზების მოძებნა, სწრაფი და უმტკივნეულო ადაპტაცია ცვალებად სამყაროში.შექმნას ეროვნული მიზნების მისაღწევი საგანმანათლებლო გარემო და რესურსები. ამ მიზნიდან გამომდინარე, იგი ირჩევს პიროვნების განვითარებაზე ორიენტირებულ საგანმანათლებლო კონცეფციას, რომელიც უზრუნველყოფს მყარი, დინამიური და ფუნქციური ცოდნის კონსტრუირებას. შესაბამისად ისეთი მოქალაქის აღზრდას, რომელიც თანამედროვე სამყაროს გამოწვევებსა და მოთხოვნებს უპასუხებს. სკოლის ხედვა ორიენტირებულია საგანმანათლებლო პროცესის ცენტრში მდგომ მოსწავლეზე, მის განვითარებასა და მიღწეულ შედეგებზე. შედეგზე ორიენტირება გულისხმობს მოსწავლისათვის არა მხოლოდ დამახსოვრებას, არამედ ამ ინფორმაციის მყარ, დინამიურ და ფუნქციურ ცოდნად გარდაქმნას. სკოლამ უნდა მისცეს მოსწავლეს საჭირო ცოდნა, დაუმკვიდროს ჯანსაღი ცხოვრების წესი, ჩამოუყალიბოს ლიბერალურ და დემოკრატიულ ღირებულებებზე დამყარებული სამოქალაქო ცნობიერება და მიეხმაროს მათ ოჯახის, საზოგადოებისა და სახელმწიფოს წინაშე საკუთარი უფლება-მოვალეობების გაცნობიერებაში. ღირებულებები • ხარისხზე ორიენტირება- ეროვნული სასწავლო გეგმის სტანდარტთან შესაბამისი განათლების ხარისხი. • თანამშრომლობა- ურთიერთპატივისცემაზე დამყარებული ურთიერთობები სასკოლო საზოგადოების წევრებს შორის. • სამართლიანობა- სკოლაში მიღებული გადაწყვეტილებები არის საჯარო ობიექტური და სამართლიანი. • სოციალური პასუხისმგებლობა- სკოლის მოსწავლეები და მასწავლებლები აქტიურად ერთვებიან სხვადასხვა სოციალურ პროექტში, თანამშრომლობენ თემთან.

სსიპ ჭიათურის მუნიციპალიტეტის სოფელ რგანის საჯარო სკოლის ორგანიზაციული სტრუქტურა შემდეგნაირად გამოიყურება: პედაგოგიური საბჭო, სამეურვეო საბჭო, მოსწავლეთა თვითმართველობა, საგნობრივი კათედრები, დირექცია-ადმინისტრაცია, შტატგარეშე ერთეული.

სკოლაში მოსწავლეთა ტრანსპორტით მომსახურება ხორციელდება საქართველოს განათლების და მეცნიერების სამინისტროს პროგრამა „საჯარო სკოლის მოსწავლეთა ტრანსპორტირება“ ფარგლებში, რომელსაც კურირებს ადგილობრივი მუნიციპალიტეტი. ყოველწლიურად ან ყოველი სემესტრის ბოლოს სკოლა მშობელთა განცხადებების საფუძველზე საჭიროებისა და ყველა კრიტერიუმების გათვალისწინებით რეისების დამატების ან გაუქმების მოთხოვნით მიმართავს ადგილობრივ მუნიციპალიტეტს. სკოლაში ბუფეტისთვის გამოყოფილი ფართი მოწესრიგებულია და შესაბამისობაშია მის ფუნქციისთვის განკუთვნილ ნორმებთან. ამჟამად კვების ობიექტი არ ფუნქციონირებს, თუმცა უნდა ავღნიშნოთ, რომ სკოლას დაწყებული აქვს პროცესი ბუფეტის ამუშავების მიმართულებით, კერძოდ, აუდიტის მიერ მიმდინარეობს ბუფეტის ფართის შეფასება მისი ღირებულების დადგენის მიზნით, რათა მოხდეს შემდგოში აღნიშნული ფართის გაიჯარება. სხვა არასავალდებულო მომსახურება სკოლაში არ ხორციელდება, რადგან არ ყოფილა ამის საჭიროება. არასავალდებულო მომსახურების საჭიროების გამოვლენის შემთხვევაში სკოლას აქვს მზაობა გააატაროს შესაბამის ღონისძიებები.

სკოლა ქცევის წესების დასარეგულირებლად იყენებს სკოლის შინაგანაწესს.

სკოლის ბიუჯეტის ამსახველი მასალა.