სსიპ - ოზურგეთის მუნიციპალიტეტის დაბა ლაითურის საჯარო სკოლა

სსიპ ოზურგეთის მუნიციპალიტეტის დაბა ლაითურის საჯარო სკოლის მისია, ხედვა და ღირებულებები

სსიპ ოზურგეთის მუნიციპალიტეტის დაბა ლაითურის საჯარო სკოლის სტრუქტურა

სსიპ დაბა ლაითურის საჯარო სკოლის მოსწავლეთა ინიციატივების მხარდაჭერის და მათი გადაწყვეტილებების მიღების პროცესში ჩართვის პოლიტიკა სსიპ სსიპ დაბა ლაითურის საჯარო სკოლის მოსწავლეთა ინიციატივების მხარდამჭერა ვრცელდება სკოლის ყველა მოსწავლეზე სასწავლო და სამუშაო პროცესში: 1. მოსწავლეს უფლება აქვს კანონმდებლობით დადგენილი წესით, წერილობით ან/და ზეპირად გამოხატოს საკუთარი აზრი და გამოიჩინოს ინიციატივა 2. მოსწავლეს ან/და მოსწავლეთა გარკვეულ ჯგუფს შეუძლია ინიციატივით მიმართოს სკოლის მოსწავლეთა თვითმმართველობას/კლასის დამრიგებელს/დირექციას და ჩაერთოს ინიციატივის განხილვის პროცესში 3. მოსწავლეთა თვითმმართველობა ან/და კლასის დამრიგებელი უფლებამოსილია მხარი დაუჭიროს მოსწავლის ან/და მოსწავლეთა გარკვეული ჯგუფის ინიციატივას და მიმართოს სკოლის დირექციას. მოსწავლეთა ჩართვა ნიშნავს მათთვის ხმის უფლების მიცემას იმ ყველაფერთან დაკავშირებით, რაც სკოლაში ხდება. სასკოლო ცხოვრების თითქმის ყველა მიმართულებით; ეს მოსწავლეს ეხმარება ადამიანებთან, თანატოლებთან ურთიერთობაში, მატებს თავდაჯერებულობას; აცნობიერებს, რომ მის ინიციატივას პატივს სცემენ, მისი აზრი მიღებული და გათვალისწინებულია, შეუძლია სკოლის ცხოვრების უკეთესობისკენ შეცვლა; აძლევს მოტივაციას სწავლის მიმართულებით და აუმჯობესებს აკადემიური მოსწრების ხარისხს; ყალიბდება აქტიერ მოსწავლედ ,რაც სამომავლოდ აქტიური მოქალაქეობის გარანტი ხდება. ავითარებს და აუმჯობესებს იმ უნარებს , რაც ცხოვრებაში წარმატების მიღწევაში დაეხმარება. ექნება სურვილი და შესაძლებლობა, დადებითად შეცვალოს სხვების ცხოვრება ადგილობრივ, ეროვნულ თუ საერთაშორისო დონეზე; მოსწავლეთა ინიციატივების მხარდაჭერა , წახალისება დადებითად აისახება სასკოლო ცხოვრებაზე. მასწავლებელს: უადვილებს ურთიერთობებს მოსწავლეებთან, რაც დადებითად გავლენას ახდენს პოზიტიური სასკოლო კულტურის ჩამოყალიბებაში. დირექტორს ეხმარება მმართველობის ხარისხის გაუმჯობესებაში; სკოლის პოზიტიური კულტურის შექმნაში, პრობლემური ქცევის შემცირებაში. მოსწავლეთა მონაწილეობის შესაძლებლობები თავისთავად არ წარმოიქმნება, საჭიროა მისი დაგეგმვა და ორგანიზება. რაც ნიშნავს, ისეთი სასკოლო პერსონალის არსებობას, რომლისთვისაც გასაგებია მოსწავლეებთან თანამშრომლობისა და მათთვის გადაწყვეტილების მიღების საშუალების მინიჭების დადებითი მხარეები. ამ საბაზისო მოთხოვნების გარდა, არსებობს რამდენიმე სხვა ფაქტორი, რომელიც გავლენას ახდენს სკოლებში მოსწავლეთა მონაწილეობის უზრუნველყოფაზე. ესენია: • მხარდამჭერი სასკოლო კლიმატი, სადაც ყველა ბავშვი თავს დაფასებულად და საზოგადოების ნაწილად იგრძნობს; • კეთილგანწყობილი სკოლის ლიდერები, რომლებიც წარმოადგენენ ღია და გაზიარებული ლიდერობის ფორმების მოდელს; • თავდაჯერებული მასწავლებლები, რომლებმაც იციან, თუ როგორ უნდა ჩართონ მოსწავლე სწავლების პროცესში; • კლასგარეშე აქტივობების შესაძლებლობა, რაც ბავშვებს საშუალებას მისცემს, მონაწილეობა მიიღონ თვითონ მოსწავლეების, სკოლისა და საზოგადოების მიერ ნაკარნახევ რიგ აქტივობებში; • მოსწავლეთა აქტიური თვითმმართველობა, რომელიც მოიცავს მოსწავლეთა მთელ კონტინგენტს; • მიმღები სამეურვეო საბჭო, რომელიც ეძიებს მოსწავლეთა მოსაზრებებს და მოქმედებს მათ საფუძველზე; • მოსწავლეთა მონაწილეობა არ შემოიფარგლება სასკოლო ცხოვრების ერთი სფეროთი. ის მოიცავს სკოლის ყველა ასპექტს და მოითხოვს საერთო სასკოლო მიდგომას. • მრჩეველთა საბჭო, სადაც მოსწავლის ინიციატივას აქვს მხარდაჭერა , სასკოლო ცხოვრების, სკოლის ინფრასტრუქტურის გაუმჯობესების თვალსაზრისით. სკოლა ინკლუზიური განათლების მიმართულებით ემსახურება 18 მოსწავლეს. მათთვის სკოლაში არის კეთილმოწყობილი რესურს ოთახი და ადაპტირებული სველი წერტილი. მათი განათლების მხარდაჭერაში ჩართულია 3 სპეცმასწავლებელი, ასისტენტი და ფსიქოლოგი. სკოლაში ფუნქციონირებს რამდენიმე კლუბი: 1 სამოქალაქო განათლების კლუბი „თავისუფლება“ 2. ეკო კლუბი „მწვანე თაობა“ 3. ინტელექტთა კლუბი „ფენიქსი“ 4. მკითხველთა კლუბი და 5. ლიტერატურული კლუბი სალონი „სცენა“ სკოლაში მოსწავლეთა ტრანსპორტირებას ემსახურება 5 მძღოლი (6 მიმართულება)

საქართველოს კანონი-"ზოგადი განათლების შესახებ" ყველა მოსწავლეს თანაბრად აძლევს ზოგადი განათლების მიღების უფლებას. ზოგადი განათლების მიღების უფლება უზრუნველყოფილია იმ შემთხვევაშიც, თუ მოსწავლე გაირიცხება სკოლიდან. მას აქვს უფლება სწავლა განაგრძოს სხვა სკოლაში. სკოლის ტერიტორიაზე ყველა მოსწავლე თანაბარ პირობებში, ყოველგვარი დისკრიმინაციის გარეშე სარგებლობს კანონმდებლობით დადგენილი უფლებით. სკოლას ეკისრება ვალდებულება სასკოლო თემისთვის შექმნას ჯანმრთელობისა და სიცოცხლისთვის უსაფრთხო გარემო. მოსწავლეს უფლება აქვს მოითხოვოს და მიიღოს მონაწილეობა სკოლის მიერ მასთან დაკავშირებული საკითხის გადაწყვეტისას, უშუალოდ ან წარმომადგენლის/მეურვის მეშვეობით. „ბავშვის უფლებების კოდექსის“39-ე მუხლის მიხედვით:1. ადრეული და სკოლამდელი აღზრდისა დაგანათლების, ზოგადსაგანმანათლებლო და პროფესიულიგანათლებისდაწესებულებებში უნდა არსებობდეს ბავშვის საჩივრის განხილვის დამოუკიდებელი და მიუკერძოებელი მექანიზმები. ეს მექანიზმები არ უნდა ახალისებდეს ბავშვის არაკეთილსინდისიერ ქცევას, მიმართული უნდა იყოს ობიექტური გარემოებების დადგენისკენ და უნდა უზრუნველყოფდეს ბავშვისა და სხვათა უფლებებისპატივისცემასა და დაცვას.2. ბავშვს უნდა ჰქონდეს ინფორმაცია მისი საჩივრის განხილვის მექანიზმების შესახებ.3. ბავშვი მისი საჩივრის განხილვის პროცესში უზრუნველყოფილი უნდა იქნეს მხარდაჭერით, კერძოდ, კომუნიკაციის, საკუთარი მოსაზრების გამოხატვისა და სათანადოდ გათვალისწინების ინსტრუმენტების დანერგვით.

სკოლის მთავარ ფინანსურ რესურსს ვაუჩერული დაფინანსება წარმოადგენს.