სსიპ - შუახევის მუნიციპალიტეტის სოფელ ხიჭაურის საჯარო სკოლა

სკოლის მისია სსიპ-შუახევის მუნიციპალიტეტის სოფელ ხიჭაურის საჯარო სკოლა მოსწავლეთა აღზრდას ახორციელებს ეროვნული და ზოგადსაკაცობრიო ღირებულებების გათვალისწინებით. ხელს უწყობს თავისუფალი, დამოუკიდებელი მოტივირებული, კონკურენტუნარიანი და ცოდნის ეფექტურად გამოყენების უნარის მქონე პიროვნების ჩამოყალიბებას, რომელსაც ექნება დემოკრატიულ ღირებულებებზე დაფუზნებული სამოქალაქო ცნობიერება და პასუხისმგებლობა. სკოლა ქმნის ისეთ გარემოს, რომელიც თითოეულ მოსწავლეს აძლევს საშუალებას ჩამოუყალიბდეს საკუთარი შესაძლებლობებისა და ინტერესების უწყვეტი განვითარების უნარი, აღიზარდოს კანონის პატივისმცემელ და ტოლერანტ მოქალაქედ. სკოლის ხედვა სსიპ- შუახევის მუნიციპალიტეტის სოფელ ხიჭაურის საჯარო სკოლა არის მუდმივ განვითარებაზე ორიენტირებული სკოლა. სწავლა-სწავლების მაღალი ხარისხით ხელი შეუწყოს მოაზროვნე, ეროვნული და ზოგადსაკაცობრიო ღირებულების , მოქალაქეობრივი პასუხისმგებლობის მქონე, თავისუფალი აქტიური თაობების აღზრდას და იგი 2030 წლისთვის შუახევის მუნიციპალიტეტში იქნება ერთ-ერთი სკოლა რომელსაც ექნება მუდმივი გაცვლითი პროგრამები ევროპის სხვადასხვა ქვეყნების სკოლებთან, რომელიც იქნება გამორჩეული ზოგადსაგანმანათლებლო დაწესებულება, რომელიც ხელს შეუწყობს კონკურენტუნარიანი, თავისუფალი და ტოლერანტი ადამიანის ჩამოყალიბებას. სკოლის ღირებულებები სკოლა უპირველეს ყოვლისა, ხელმძღვანელობს სასწავლო პროცესში ჩართული პირების საუკეთესო ინტერესებით და საქმიანობას წარმართავს შემდეგ ღირებულებებზე დაყრდნობით: გამჭვირვალობა: ჩვენი საქმიანობა, ხედვები და ღირებულებები საჯაროდაა ხელმისაწვდომი და წინასწარ ცნობილია ყველა დაინტერესებული პირისათვის, უზრუნველყოფილია სკოლის საქმიანობის შესახებ ინფორმაციის საჯაროობა. მიუკერძოებლობა: ჩვენ უზრუნველყოფთ, რომ სკოლის მიერ მიღებული გადაწყვეტილებები შეესაბამება მოქმედ კანონმდებლობასა და ითვალისწინებს დაინტერეებულ მხარეთა საუკეთესო ინტერესებს. თანამშრომლობა: ჩვენ ღია ვართ დაინტერესებულ მხარეებთან თანამშრომლობისათვის. კონსტრუქციულად განვიხილავთ სიახლეებს, წინადადებებს, განსხვავებულ პოზიციებსა და ორიენტირებულნი ვართ პრობლემების გადაჭრაზე. ობიექტურობა: ჩვენ მიერ განხორციელებული შეფასებები, ეფუძნება ეროვნულ სასწავლო გეგმას და ფაქტობრივ გარემოებებს. დადგენილი პროცედურები მაქსიმალურად გამორიცხავს შეფასებაში მონაწილე პირების სუბიექტივიზმს. განვითარება და ინოვაციურობა: სისტემატურად ვაფასებთ ჩვენს საქმიანობას და შეფასების შედეგებზე დაყრდნობით, ვგეგმავთ განვითარების ინოვაციურ გზებს. არ ვერიდებით სიახლეების დანერგვას.

სსიპ - შუახევის მუნიციპალიტეტის სოფელ ხიჭაურის საჯარო სკოლის სტრუქტურა

სკოლაში შექმნილია პროგრამები და მხარდაჭერის სერვისები: 1.ადამიანებისა და პროცესების უსაფრთხოება; 2.მოსწავლის, პერსონალის, მშობლის/კანონიერი წარმომადგენლის კანონიერი უფლებების დაცვა; 3.კურიკულუმის განვითარების მეთოდოლოგია; 4.ხარისხის უზრუნველყოფის პოლიტიკა; 5.სკოლის ადამიანური რესურსების მართვა; 6.სკოლის უსაფრთხოების მართვის პოლიტიკა; სკოლა გამორჩეულ ყურადღებას უთმობს ახალი ჩარიცხული მოსწავლეების ადაპტაციას სასწავლო გარემოში, სხვადასხდვა სახის საგანმანათლებლო მეთოდოლოგიური მიდგომების გამოყენებით, ასევე მათი სახალისო აქტივობებში ჩართვის გზით. სკოლაში დანერგილია მოსწავლის საკონსულტაციო სისტემა აკადემიური მიღწევების გასაუმჯობესებლად. ამასთან მოსწავლეებს შესაძლებლობა ექნებათ, გამოიჩინონ ინიცვიატივები დაგეგმონ და განახორციელონ პროექტები მათი ინტერესების შესაბამისად. სკოლა ზრუნავს ასეთი ინიციატივების წახალისებაზე. მოსწავლეები უზრუნველყოფილები არიან კვალიფიციური ექიმის მომსახურებით. აღსანისნავია, რომ მრავალფეროვანი კლუბების შეთავაზებით, სკოლა მიზნად ისახავს, მოსწავლეებს მისცეს მათი პოტენციალის აღმოჩენის და განვითარების საშუალება, ციფრული, სახელოვნებო, სპორტული თუ სხვა მიმართულებით.