სსიპ - ქალაქ თბილისის №30 საჯარო სკოლა

სკოლის მისია სსიპ N30 საჯარო სკოლა ზრუნავს, აღვზარდოთ განათლებული, პატრიოტული და სახელმწიფოებრივი აზროვნების მქონე, ტოლერანტული, ჰუმანური, ეროვნული ტრადიციების პატივისმცემელი, სულიერად და ფიზიკურად განვითარებული, ჰარმონიული პიროვნებები, რომელთაც შეეძლებათ საკუთარი თავის რეალიზება; აღჭურვილნი იქნებიან კონკურენტუნარიანი ცოდნით; ექნებათ მტკიცე ზნეობრივი ღირებულებები და მოქალაქეობრივი პოზიცია. სკოლის ხედვა • სკოლის მართველობაში თანამედროვე მართვის სისტემის დამკვიდრება; • ინფრასტრუქტურის განვითარება და გაუმჯობესება; • პედაგოგთა პროფესიულ განვითარებაზე ზრუნვა; • მოსწავლეთა გონებრივ, ფიზიკურ, ემოციურ, სულიერ განვითარებაზე ზრუნვა და მათი ჩამოყალიბება სოციუმის სრულფასოვან წევრად; • სასკოლო საზოგადოების თვითშეფასების მექანიზმის დამკვიდრება და გავითარება; • ვებ-გვერდის შექმნა და განვითარება; სკოლის ღირებულებები: სკოლა უპირველეს ყოვლისა, ხელმძღვანელობს სასწავლო პროცესში ჩართული პირების საუკეთესო ინტერესებით და საქმიანობას წარმართავს შემდეგ ღირებულებებზე დაყრდნობით: • გამჭირვალობა: ჩვენი საქმიანობა, ხედვები და ღირებულებები საჯაროდაა ხელმისაწვდომი და წინასწარ ცნობილია ყველა დაინტერესებული პირისათვის, უზრუნველყოფილია სკოლის საქმიანობის შესახებ ინფორმაციის საჯაროობა. • მიუკერძოებლობა: ჩვენ უზრუნველვყოფთ, რომ სკოლის მიერ მიღებული გადაწყვეტილებები შეესაბამება მოქმედ კანონმდებლობასა და ითვალისწინებს დაინტერესებულ მხარეთა საუკეთესო ინტერესებს. • თანამშრომლობა: ჩვენ ღია ვართ დაინტერესებულ მხარეებთან თანამშრომლობისათვის. კონსტრუქციულად განვიხილავთ სიახლეებს, წინადადებებს, განსხვავებულ პოზიციებსა და ორიენტირებულნი ვართ პრობლემების გადაჭრაზე. • ობიექტურობა: ჩვენ მიერ განხორციელებული შეფასებები, ეფუძნება ეროვნულ სასწავლო გეგმას და ფაქტობრივ გარემოებებს. დადგენილი პროცედურები მაქსიმალურად გამორიცხავს შეფასებაში მონაწილე პირების სუბიექტივიზმს. • განვითარება და ინოვაციურობა: ობიექტურად ვაფასებთ ჩვენს საქმიანობას და შეფასების შედეგებზე დაყრდნობით, ვგეგმავთ განვითარების ინოვაციურ გზებს. არ ვერიდებით სიახლეების დანერგვას.

სსიპ ქალაქ თბილისის N30 საჯარო სკოლის ბიუჯეტი (დამტკიცებული სამეურვეო საბჭოს მიერ) შეადგენს 806620 ლარს. აქედან შრომის ანაზღაურებას მოხმარდება 622768 ლარი, შტატგარეშე მომუშავეთა ანაზღაურებას - 77915 ლარი, კომუნალურ ხარჯებს - 32940 ლარი, ხოლო სკოლის განვითარებას 72997 ლარი.