სსიპ - გალაკტიონ ტაბიძის სახელობის ქალაქ თბილისის №51 საჯარო სკოლა

2023 წლის ივნისის თვეში სსიპ გალაკტიონ ტაბიძის ქ. თბილისის N51 საჯარო სკოლა აქტიურად ჩაერთო ზოგადსაგანმანათლებლო დაწესებულების ავტორიზაციის პროცესში. განათლების ხარისხის განვითარების ეროვნული ცენტრის მიერ შექმნილმა კომისიამ დაადგინა , რომ აღნიშნული სკოლა სრულად შეესაბამება დადგენილი სტანდარტის მოთხოვნებს და მიანიჭა 9 წლიანი სრული ავტორიზაცია. სკოლის მისია სსიპ გალაკტიონ ტაბიძის სახელობის ქ. თბილისის 51-ე საჯარო სკოლის მისიაა თანასწორუფლებიან და მხარდამჭერ გარემოში აღზარდოს თავისუფალი პიროვნება, რომელიც აცნობიერებს პასუხისმგებლობას საკუთარი ქვეყნის ინტერესების, ტრადიციების, ღირებულებების მიმართ და მზადაა, მონაწილეობა მიიღოს უკეთესი მსოფლიოს შექმნაში; აღჭურვოს იგი თანამედროვე ცოდნითა და უნარებით სწრაფად ცვალებად სამყაროში წარმატებული თვითრეალიზაციისათვის. სკოლის ხედვა სკოლაში თითოეული მოსწავლე თავს გრძნობს დაცულად და მიისწრაფვის საკუთარი შესაძლებლობების სრულყოფისაკენ. სკოლა წარმოადგენს სივრცეს, რომელშიც მუდმივად ხდება ცოდნის გაზიარება სასკოლო საზოგადოების წევრებს შორის მოსწავლეთა საუკეთესო ინტერესების მხარდასაჭერად.   სკოლის ღირებულებები: სკოლა უპირველეს ყოვლისა, ხელმძღვანელობს სასწავლო პროცესში ჩართული პირების საუკეთესო ინტერესებით და საქმიანობას წარმართავს შემდეგ ღირებულებებზე დაყრდნობით: • თანამშრომლობა: ჩვენ ღია ვართ დაინტერესებულ მხარეებთან თანამშრომლობისათვის. კონსტრუქციულად განვიხილავთ სიახლეებს, წინადადებებს, განსხვავებულ პოზიციებსა და ორიენტირებულნი ვართ პრობლემების გადაჭრაზე. • გამჭირვალობა: ჩვენი საქმიანობა, ხედვები და ღირებულებები საჯაროდაა ხელმისაწვდომი და წინასწარ ცნობილია ყველა დაინტერესებული პირისათვის, უზრუნველყოფილია სკოლის საქმიანობის შესახებ ინფორმაციის საჯაროობა. • განვითარებისაკენ სწრაფვა: სისტემატურად ვაფასებთ ჩვენს საქმიანობას და შეფასების შედეგებზე დაყრდნობით, ვგეგმავთ განვითარების ინოვაციურ გზებს. არ ვერიდებით სიახლეების დანერგვას. • სამართლიანობა: ჩვენ უზრუნველვყოფთ, რომ სკოლის მიერ მიღებული გადაწყვეტილებები შეესაბამება მოქმედ კანონმდებლობასა და ითვალისწინებს დაინტერესებულ მხარეთა საუკეთესო ინტერესებს; • ურთიერთპატივისცემა: ჩვენ ვიზიარებთ განსხვავებულ აზრს და ურთიერთობები არის ურთიერთპატივისცემაზე დამყარებული; • კეთილსინდისიერება: ჩვენ ვზრდით კეთილსინდისიერ თაობას უკეთესი მომავლისათვის. სკოლის მიზნები სკოლის მიზანია: • აღზარდოს მაღალი აკადემიური ცოდნის მიღებაზე ორიენტირებული თავისუფალი და პასუხისმგებელი, კრიტიკული აზროვნების, ეფექტური კომუნიკაციის უნარების, ჯანსაღი ღირებულებების მატარებელი ადამიანები, რომელთაც შეეძლებათ საკუთარი შესაძლებლობების ოპტიმალური შეფასება და ცხოვრებაში რეალიზება. • ხელი შეუწყოს მასწავლებელთა პროფესიულ ზრდას და პედაგოგიური პრაქტიკის შემდგომ დახვეწასა და გამდიდრებას. • მოსწავლეთათვის შესაბამისი უნარების განვითარება, დამოუკიდებლად მოახერხოს საჭირო ინფორმაციის მოძიება, აღქმა, ანალიზი, დასკვნის გაკეთება და გადაწყვეტილების მიღება; • მოსწავლეთა შესაძლებლობების მაქსიმალური გამოვლენა და განვითარება; • მატერიალურ-ტექნიკური ბაზის მუდმივი განახლება; • უსაფრთხო და შესაძლებლობებით მრავალფეროვანი გარემოს შექმნა და მუდმივი სრულყოფა; • სასკოლო საზოგადოების გააქტიურება.

სსიპ გალაკტიონ ტაბიძის სახელობის ქალაქ თბილისის N51 საჯარო სკოლის სტრუქტურა

სსიპ გალაკტიონ ტაბიძის სახელობის ქალაქ თბილისის #51 საჯარი სკოლა, ფორმალური განათლების პარალელურად დიდ მნიშვნელობას ანიჭებს არაფორმალურ განათლებას, სადაც მოსწავლის კარიერული წინსვლის უმეტესი წილი სწორედ არაფორმალური გზით მიღებულ განათლებაზე მოდის. შესაბამისად უკვე, მოსწავლე, მასწავლებელი და მშობელი თანხმდება იმაზე, რომ მოსწავლისთვის ფორმალურ განათლებასთან ერთად მნიშვნელოვანია არაფორმალური განათლება, რომელიც ხელს უწყობს მოსწავლეს კარიერულ წინსვლასა და ინტერესების უკეთ წარმოჩენაში. უკვე სამივე რგოლი თანაბრად აღიარებს, რომ არაფორმალური განათლება მოსწავლეში ხელს უწყოს ინდივიდუალური, ესთეტიური და შემოქმედებითი მიდრეკილებების განვითარებას. რაც შემდგომში მოსწავლეს განუვითარებს შემდეგ უნარებს: ანალიტიკური/კრიტიკული აზროვნების უნარი, გადაწყვეტილებების მიღების უნარი, პრობლემის გადაჭრის უნარი, სოციალური და თანამშრომლობითი უნარები, სისტემური აზროვნების უნარი. სწავლა-სწავლების პროცესში მოსწავლე თეორიულ ცოდნასთან ერთად იძენს პრაქტიკულ გამოცდილებას. სკოლის ერთ-ერთი მთავარი ამოცანაა შექმნას არაფორმალური სივრცე, სადაც მოსწავლეებისთვის შეიქმნა/იქმნება სახელოვნებო გარემო. მსგავს გარემოს ქმნის სასკოლო პროექტები. შესაბამისი პროექტები სსიპ გალაკტიონ ტაბიძის სახელობის ქალაქ თბილისის #51 საჯარო სკოლაში წლებია აქტიურად მიმდინარეობს. თითოეული პროექტის მიზანია სკოლამ ადრეულ ასაკშივე ჩამოუყალიბოს მოსწავლეს პროფესიული/სახელოვნებო განათლების მიმართ ინტერესი, მოსწავლის ცხოვრება გახადოს საინტერესო და თანამედროვე. სკოლა ქმნის საკუთარ საავტორო პროექტებს. პარალელურად აქტიურად ერთვება საქართველოს განათლებისა და მეცნიერების სამინისტროს მიერ რეკომენდირებულ პროგრამებსა და პროექტებში. მოსწავლეებს აქვთ სურვილი ჩაერთონ და განახორციელონ ისეთი სასკოლო პროექტები, რომელიც მათ ინტერესებზე იქნება მორგებული. ამიტომაც სსიპ გალაკტიონ ტაბიძის სახელობის ქალაქ თბილისის #51 საჯარო სკოლაში გააქტიურდა მოსწავლეთა თვითმმართველობის რგოლი და ყველა პროექტი, აქტივობა იგეგმება მოსწავლეების ჩართულობით, მხარდაჭერით, მათ ინტერესებზე მორგებით. სკოლა მოსწავლეთა თვითმმართველობასთან და მოსწავლეები სკოლასთან აქტიურად თანამშრომლოს, ხდება იდეების გაცვლა და ისეთი აქტივობების დაგეგვმა რომლებიც მათთვის საჭირო და საინტერესოა. მოსწავლეები ჩართულები არიან სხვადასხვა პროგრამებში, პროექტებში. 2025-2026 სასწავლო წელს მოსწავლეებს შევთავაზეთ სპარსული ენის შემსწავლელი ჯგუფი, სადაც სწავლება უფასოა. 2025-2026 სასწავლო წელს მოსწავლეებს, ინტერესის მიხედვით, შეუძლიათ გაერთიანდნენ სხვადასხვა კლუბებში. სკოლა მოსწავლეებს სთავაზობს მრავალფეროვან სერვისებს. (იხ. მიმაგრებული ფაილი)

წინამდებარე დოკუმენტი სსიპ გალაკტიონ ტაბიძის სახელობის ქალაქ თბილისის N51 საჯარო სკოლის შინაგანაწესი ვრცელდება სკოლაში დასაქმებულ პირებზე, მოსწავლეებსა და მათ მშობლებზე/კანონიერ წარმომადგენლებზე, ასევე სკოლის ტერიტორიაზე მყოფ ნებისმიერ პირზე და სავალდებულოა შესასრულებლად. დისციპლინური სახდელის სახით შენიშვნა შესაძლოა გამოყენებულ იქნეს შემდეგ შემთხვევებში: ა) გაკვეთილზე ზედიზედ არაერთგზის დაგვიანება; ბ) საგაკვეთილო პროცესის დროს მობილური ტელეფონით ან/და ნებისმიერი სხვა სახის ტექნიკური საშუალებით არასასწავლო მიზნით სარგებლობა; გ) მოსწავლის მიერ სკოლის შინაგანაწესით დადგენილი ჩაცმულობის წესის (სამოსი, იერსახე და სხვა) დაუცველად სკოლის ტერიტორიაზე გამოცხადება. გამონაკლისი დაიშვება სკოლის მიერ წინასწარ განსაზღვრულ ღონისძიებებში მონაწილეობისას. დ) სკოლის ტერიტორიაზე სხვისი ნივთის უნებართვოდ აღება; ე) სკოლის ტერიტორიაზე მოსწავლის გამოცხადება შემდეგი ნივთებით: ე.ა) თამბაქოს ნაწარმი/ელექტრონული სიგარეტი; ე.ბ) სანთებელა ან ასანთი; ე.გ) აზარტული თამაშის საშუალებები; 2. დისციპლინური სახდელის სახით გაფრთხილება შესაძლოა გამოყენებულ იქნეს შემდეგ შემთხვევებში: ა) ამ მუხლის პირველი პუნქტით გათვალისწინებული დისციპლინური გადაცდომის განმეორებით ჩადენისას, თუ მოსწავლის მიმართ უკვე გამოყენებულია დისციპლინური პასუხისმგებლობის წინა ზომა (შენიშვნა) ან შინაგანაწესით გათვალისწინებული დისციპლინური გადაცდომის სისტემატურად ჩადენისას, რის გამოც მიზანშეწონილია მის მიმართ დისციპლინური სახდელის სახით გაფრთხილების გამოყენება დისციპლინური პასუხისმგებლობის წინა ზომის გამოყენების გარეშე; ბ) გაკვეთილის ჩაშლა ან ჩაშლის მცდელობა; გ) გაკვეთილის თვითნებურად მიტოვება; დ) სკოლისათვის მატერიალური/ქონებრივი ზიანის მიყენება ან ასეთი ზიანის წარმოშობის საშიშროების შექმნა; 14 ე) სკოლაში დასაქმებული პირების კანონიერი მოთხოვნის დაუმორჩილებლობა; ვ) მოსწავლის სიტყვიერი შეურაცხყოფა; ზ) სკოლის ტერიტორიაზე მოსწავლის გამოცხადება შემდეგი ნივთებით: ზ.ა) ალკოჰოლური საშუალებები; ზ.ბ) უხამსობის ამსახველი ნივთები/საშუალებები. თ) არაფხიზელ მდგომარეობაში სკოლაში გამოცხადება