სსიპ - ქალაქ თბილისის №21 საჯარო სკოლა

იხ.დანართი

სსიპ ქალაქ თბილისის N21 საჯარო სკოლა (შემდგომში – სკოლა), ზოგადი განათლების შესახებ საქართველოს კანონის შესაბამისად „ზოგადსაგანმანათლებლო დაწესებულებების საჯარო სამართლის იურიდიულ პირებად დაფუძნებისა და საჯარო სკოლის წესდების დამტკიცების შესახებ” საქართველოს განათლებისა და მეცნიერების მინისტრის 2005 წლის 15 სექტემბრის №448 ბრძანებით დაფუძნდა. სკოლა, თბილისის N6 ქართულ-გერმანული სკოლის სამართალმემკვიდრეა, რომელიც დაარსა ქართველმა ენათმეცნიერმა, ჰუმბოლტის პრემიის მფლობელმა, გურამ რამიშვილმა 1981 წელს. სკოლის კონცეფცია დაფუძნებული იყო ევროპული განათლების მოდელზე და თავიდანვე გულისხმობდა მრავალფეროვნებას მოსწავლეთა ინტერესებთან მიმართებაში. სკოლის მიზანი იყო ისეთი ქართულ-ევროპული სასწავლებლის შექმანა, რომელიც მშობლიურ კულტურას და ცივილიზაციას წარმოადგენდა ევროპულთან ინტეგრაციაში. ეს იყო ფორმით ევროპული და შინაარსით ქართული სასწავლებელი. საბჭოთა კავშირის ეპოქაში, ეს საკმაოდ ამბიციური და სახიფათო პროექტი იყო. ბევრი წინააღმდეგობის მიუხედავად, სკოლას აქტუალობა არ დაუკარგავს და აწ უკვე, სსიპ ქალაქ თბილისის N21 საჯარო სკოლა დღესაც მოთხოვნადია და გამოირჩევა მოსწავლეთა მაღალი კონტიგენტით, რაც განსაკუთრებით თვალშისაცემი გახდა ბოლო წლებში. გერმანული ენის სწავლების სფეროში ქვეყნის მასშტაბით ლიდერის პოზიცია უჭირავს. ამან განაპირობა, რომ სსიპ - ქალაქ თბილისის N21 საჯარო სკოლას 2017 წლის 12 ივლისს მინისტრის ბრძანების საფუძველზე მიენიჭა გერმანული ენის გაძლიერებული სწავლების სტატუსი. გერმანული ენის დიპლმის (DSD) მაჩვენებლების მიხედვით, რომელიც ხორციელდება მსოფლიოს 60-ზე მეტ ქვეყანის 1000-ზე მეტი სკოლაში და ენის გამოცდაზე ყოველწლიურად გადის 70 000-მდე მოსწავლე, სსიპ ქალაქ თბილისის N21 საჯარო სკოლის მოსწავლეები შედიან მსოფლიოს მასშტაბით საუკეთესო 10%-ში. აღნიშნული სტატუსიდან გამომდინარე სკოლა ჩართულია არაერთ საერთაშორისო პროგრამაში, კერძოდ: • ახორციელებს გერმანული ენის სწავლების პროგრამა, რის საფუძველზეც გაიცემა გერმანული ენის DSD-I და DSD-II დონის დიპლომი; • პარტნიორული ურთიერთობები აქვს გერმანიის შემდეგ სკოლებთან: ლანდჰაიმ შონდორფი (ბაიერნი), ზაარ-ფალცის გიმნაზია ჰომბურგში (ზაარლანდი), ფრაიბერგის კოლეჯი (საქსონია). • მონაწილეობს პარტნიორობის ფარგლებში გამართულ სასკოლო პროექტებში (სკოლები-მომავლის პარტნიორები, უცხოეთში სასკოლოს განათლების ცენტრალური უწყება, გერმანიის საელჩო, გოეთეს ინსტიტუტი) გარდა საერთაშორისო აქტივობებისა, სსიპ - ქალაქ თბილისის N21 საჯარო სკოლის მოსწავლეები აქტიურად არიან ჩართულები სხვადასხვა საგანმანათლებლო ოლიმპიადებსა და აქტივობებში და აღწევენ მნიშვნელოვან წარმატებებს. სკოლაში დასაქმებულია 86 მასწავლებელი. აქედან 4 - მენტორი, 35 - წამყვანი, 45 - უფროსი და 2 უსტატუსო მასწავლებელი. სკოლა ღიაა ყველა მსურველისთვის. აქ ინდივიდუალური სასწავლო გეგმით სწავლობს 33 სსსმ მოსწავლე, რომელთა სოციალური ადაპტაციისა და საკუთარი შესაძლებლობების გასავითარებლად, მაქსიმალურად ვცდილობთ შევქმნათ საუკეთესო გარემო. სკოლის საქმიანობის ძირითადი პრინციპებია: • ლიდერის წამყვანი როლი; • ორიენტაცია მომხმარებელზე; • პერსონალის მონაწილეობა; • პროცესული მიდგომა ხარისხის მართვისადმი ( ყურადღების გამახვილება უშუალოდ პროცესზე და არა მის შედეგზე) • სისტემური მიდგომა ხარისხის მართვისადმი (გულისხმობს ურთიერთდაკავშირებული პროცესების ერთიანი სისტემის შექმნას და მართვას); • ხარისხი უწყვეტი გაუმჯობესება (დაგეგმე–გააკეთე–შეამოწმე–გაასწორე); • გადაწყვეტილების მიღება ფაქტების საფუძველზე; • ურთიერთხელსაყრელი კავშირები.

სკოლის მოსწავლეების მიერ შემუშავებულია „ღირსების კოდექსი“ რომელიც ძირითადად სკოლის ღირებულებებზეა მორგებული და ხელს უწყობს მაღალი სამოქალაქო ცნობიერების ფორმირებას. „ღირსების კოდექსის“ მიხედვით ჩვენი მოსწავლეებისთვის ფასეულია: შრომა - სწავლის შედეგების მიღწევის წინაპირობა შრომისმოყვარეობაა. ჩვენი სკოლის ყველა მოსწავლე ცდილობს იშრომოს და განივითაროს ინტელექტუალური პოტენციალი, ჩაერთოს საგაკვეთილო და სასკოლო აქტივობებში; არ თაკილობს სკოლაზე ზრუნვას და სიამოვნებით აწესრიგებს გარემოს; კეთილსინდისიერება - მოსწავლე კეთილსინდისიერად ასრულებს სასკოლო დავალებებს, გმობს პლაგიატს, არ მიითვისებს სხვის ნაშრომს, მათ შორის ინტელექტუალურს, არ ცდილობს გადაიწეროს სხვისგან საშინაო დავალება; ზედმიწევნით იცავს სასწავლო პროცესის სწორად წარმართვისთვის დადგენილ წესებს; თანასწორობა და თანადგომა - სკოლა ყველა მოსწავლეს იღებს თანაბარი უფლებით, განურჩევლად მათი განსხვავებული საჭიროებებისა, სოციალური შემწყნარებლობა და ურთიერთპატივისცემა - სკოლის მოსწავლეს შეუძლია განსხვავებული აზრის მოსმენა, აგვარებს კონფლიქტებს მშვიდობიანი გზით და გმობს აგრესიის ნებისმიერ გამოვლინებას. მიუღებელია არაეთიკური ქმედება, შეურაცხყოფა, ჩაგვრა, ძალადობა და ცილისწამება ერთმანეთის მიმართ; სკოლის პატივისცემა და პასუხისმგებლობა - სკოლის მოსწავლე იცავს სასკოლო წესებს, შინაგანაწესსა და სხვადასხვა ინსტრუქციას. უმიზეზოდ არ აცდენს და არ იგვიანებს გაკვეთილზე. პატივისცემით ეპყრობა სკოლის თანამშრომლებს. უფრთხილდება სკოლის მატერიალურ ბაზას, არ სვრის კედლებს და არ ანაგვიანებს სასკოლო სივრცეს. მოსწავლე აცნობიერებს დაკისრებულ მოვალეობებს და პასუხს აგებს თავის ქმედებებზე; თავისუფლება - სკოლის მოსწავლე არ ექცევა სხვისი გავლენის ქვეშ, მოქმედებს საკუთარი შეხედულებების მიხედვით, აზროვნებს კრიტიკულად, მსჯელობს საღად და იღებს ობიექტურ გადაწყვეტილებას. მე, სსიპ ქალაქ თბილისის N21 საჯარო სკოლის მოსწავლე, ვაღიარებ და ვუერთდები მოსწავლის ღირსების კოდექსს და ვაცხადებ, რომ:  ვიქნები ორიენტირებული განათლების მიღებასა და ჩემს პიროვნულ განვითარებაზე, რაც აისახება აკადემიურ მოსწრებაზე;  მონაწილეობას მივიღებ სასკოლო აქტივობებში, ვიზრუნებ სკოლასა და მის გარემოზე;  პატივისცემით მოვეპყრობი სკოლის ყველა თანამშრომელს, დავიცავ სკოლის შინაგანაწესით დადგენილ წესებს და შევასრულებ სასკოლო მოთხოვნებს;  ვგმობ აგრესიას, არ დავჩაგრავ არავის და არ ვიძალადებ;  შევეცდები, ნებისმიერი კონფლიქტი მოვაგვარო მშვიდობიანად;  პატივს ვცემ ყველა მოსწავლეს, მიუხედავად განსხვავებული საჭიროებისა, სოციალური, ეთნიკური და რელიგიური შეხედულებებისა. მხარში დავუდგები მათ, რათა შეძლონ ჩვენს სკოლაში სრულფასოვანი და ადეკვატური განათლების მიღება;  ვაცნობიერებ ჩემს უფლებებს, პასუხისმგებლობას, თავისუფლებასა და მოვალეობებს, პატივს ვცემ სხვის უფლებებსა და თავისუფლებას;  თუ შეგნებულად დავარღვიე სკოლის ღირსების კოდექსი, პასუხს ვაგებ ქმედებებზე. გარდა „ღირსების კოდექსისა“ სკოლსას შემუშავებული აქვს შრომის შინაგანაწესი, რომლითაც რეგულირდება თანამშრომლების და მოსწავლეების ქცევის წესები, რომლის მიხედვითაც სკოლის ტერიტორიაზე მყოფი ყველა ადამიანი ვალდებულია გაუფრთხილდეს როგორც საკუთარ ასევე სხვების ჯანმრთელობას, უსაფრთხოებას და კეთილდღეობას. დაიცვას სასკოლო წესრიგი, რომლის მიხედვითაც: 1. გაკვეთილების პერიოდში იკრძალება ყოველგვარი ხმაური დერეფნებში. 2. დაუშვებელია ნებისმიერი სახის კონფლიქტის გაღვივება, წახალისება, მასში ჩაბმა. 3. დაუშვებელია სკოლაში ალკოჰოლური ან ნარკოტიკული ნივთიერებების ზეგავლენის ქვეშ გამოცხადება, ნარკოტიკული და ალკოჰოლური ნივთიერებების მიღება. 4. დაუშვებელია უცენზურო, უხამსი გამონათქვამების გამოყენება და ამგვარი ინფორმაციის გავრცელება. 5. დილით დაგვიანებული მოსწავლეების აღრიცხვას აწარმოებს დირექციის მიერ გამოყოფილი უფლებამოსილი პირი და მისი საშუალებითვე მოხდება მშობლების და/ან კანონიერი წარმომადგენლის ინფორმირება. 6. გათავისუფლებული მოსწავლეების აღრიცხვა: • საგაკვეთილო პროცესიდან დროზე ადრე გათავისუფლებული მოსწავლეების სკოლიდან გასვლა მოხდება საშვის საფუძველზე. • საშვი გაიცემა დამრიგებლის მიერ დირექტორთან შეთანხმებით, მშობლის წინასწარი ინფორმაციის საფუძველზე და მოხდება მოსწავლის სპეციალურ ჟურნალში ჩანიშვნა. • საშვი უნდა შეიცავდეს შემდეგი სახის ინფორმაციას: მოსწავლის გვარი და სახელი, კლასი, თარიღი, დრო, მიზეზი, საშვის გამცემი პირის მონაცემები და ხელმოწერა. 7. სკოლაში უცხო პირების გადაადგილება შეზღუდულია საშვის გარეშე. სკოლაში შემოსვლა შეუძლიათ: • მშობლებს ყოველ პარასკევს 14.00 სთ-ის შემდეგ; • მშობლებს, რომლებსაც წინასწარ შეთანხმებით აქვთ საგაკვეთილო პროცესზე დაკვირვების ნება; • სკოლაში არსებული სხვადასხვა სახის წრეებში ჩართულ პირებს; • იჯარით გასხვისებული ფართების მეპატრონეებს; • უცხო პირებს დირექციასთან წინასწარი შეთანხმებისა და სპეციალურ ჟურნალში გატარების შემდეგ; მოსწავლეთა სკოლიდან გაპარვის თავიდან ასაცილებლად, მოსწავლეების ძირითადი ნაკადის გასვლისა და შემოსვლი დროს შესასვლელ კართან იდგება სკოლის მიერ სპეციალურად გამოყოფილი პირი, რომელიც გააკონტროლებს იმ მოსწავლეების მოძრაობას, რომლებსაც საგაკვეთილო ბადის მიხედვით დაუმთავრდათ გაკვეთილები. რისკის ჯგუფში შემავალი მოსწავლეების მიმართ მოქმედებს განსაკუთრებული მიდგომები, რაც გულისხმობს: • კერძო საუბრებს, სხვადასხვა კულტურულ და საგანმანათლებლო აქტივობებში ჩართვას, • ოჯახთან მჭიდრო ურთიერთობას, მათი მხრიდან ჩადენილ დარღვევებზე ადექვატურ რეაგირებ

სკოლის სასწავლო გეგმით განსაზღვრული სასწავლო პროცესის შესაბამისად, სკოლის ინფრასტრუქტურა საჭიროებს რეაბილიტაციას. • სკოლას აქვს სასკოლო სასწავლო გეგმით განსაზღვრული სასწავლო პროცესის შესაბამისი მატერიალური რესურსი, მათ შორის: საქართველოს კანონმდებლობით დადგენილი წესით კუთვნილი უძრავი ქონება შემდეგ მისამართზე: თბილისი, პეტრიაშვილის ქ.N7; • სკოლაში ფუნქციონირებს 49 ფინანსური კლასი შესაბამისი რაოდენობის სასკოლო ინვენტარით. • სათანადოდ აღჭურვილი საზოგადოებრივი მეცნიერების კაბინეტები; სკოლაში ფუნქციონირებს ინტეგრირებული პროგრამა ,,სარესტორნო მომსახეურება“, რომლის ინფრასტრუქტურა სრულადაა აღჭურვილი. • სკოლას აქვს 2 სპორტული დარბაზი, სააქტო დარბაზი და ბუფეტი. • სკოლაში არის საგანმანათლებლო პროცესის წარმართვისთვის აუცილებელი გარემო: ელექტროენერგიის მიწოდების უწყვეტი სისტემა, სველი წერტილები, ბუნებრივი განათების შესაძლებლობა და გათბობის საშუალებები; • სკოლაში არის სასკოლო სასწავლო გეგმის შესაბამისი ბიბლიოთეკა სათანადო რაოდენობის წიგნადი ფონდით, პერიოდიკითა და სხვა დამხმარე მასალით; • სკოლას აქვს ადაპტირებული გარემო სპეციალური საგანმანათლებლო საჭიროებების მქონე მოსწავლეთათვის. მოსწავლეები სართულებზე გადაადგილდებიან ლიფტის საშუალებით; • სკოლას აქვს სასკოლო სასწავლო გეგმით დასახული მიზნების განხორციელებისათვის აუცილებელი საინფორმაციო და საკომუნიკაციო ტექნოლოგიები, მათ შორის, ინტერნეტით მუდმივად უზრუნველყოფილი კომპიუტერები. ვებგვერდი ასრულებს საკომუნიკაციო და საინფორმაციო ფუნქციას; • სკოლაში დაცულია პერსონალისა და მოსწავლეთა უსაფრთხოება და ჯანმრთელობა, რისთვისაც არსებობს: ხანძარსაწინააღმდეგო უსაფრთხოების უზრუნველყოფის მექანიზმები და ხანძარსაწინააღმდეგო ინვენტარი; თვალსაჩინო ადგილას გამოკრული ევაკუაციის გეგმა, ექიმის კაბინეტი; წესრიგის დაცვის უზრუნველყოფის მექანიზმები; • უსაფრთხოების კამერები, რომლებიც უზრუნველყოფენ სკოლის შიდა და გარე პერიმეტრის კონტროლს და რომელიც შეესაბამება „აზარტული და სხვა მომგებიანი თამაშობების (გარდა წამახალისებელი გათამაშებისა) ადგილებზე და გარე პერიმეტრზე ვიდეომეთვალყურეობის სისტემებისა და მათი დამონტაჟება- ექსპლოატაციის წესის დამტკიცების შესახებ“ საქართველოს შინაგან საქმეთა მინისტრის 2007 წლის 29 აგვისტოს №1143 ბრძანებით განსაზღვრულ ვიდეომეთვალყურეობის სისტემებსა და მათი დამონტაჟება-ექსპლუატაციის წესებს;

იხ.დანართი