სსიპ - ქედის მუნიციპალიტეტის სოფელ ძენწმანის საჯარო სკოლა

სკოლის მისია ჩვენ გვჯერა, რომ მხოლოდ ბედნიერი ბავშვი არის წარმატებული. შესაბამისად მზად ვართ შევქმნათ პოზიტიური, უსაფრთხო და სწავლის მასტიმულირებელი გარემო ბავშვებისთვის, სადაც ყველა მიღებული და დაფასებულია. სადაც სწავლა მოსწავლისთვის საინტერესო პროცესია. სკოლის ხედვა მისიის განხორციელება შესაძლებელია სწავლა სწავლების პროცესში მეტი არაფორმალური განათლების აქტივობებით. რაც მოსწავლეებს მისცემს საკუთარი უნარების გამოვლენის შესაძლებლობას. 21-ე საუკუნე ციფრული ტექნოლოგიების ხანა, ჩვენ ვიღებთ ვალდებულებას მოსწავლეებმა ინტეგრირებული სწავლების გზით შეძლონ: • თეორიული ცოდნის მიღება; • საგანთა შორის ინტეგრირება; • ცოდნის პრაქტიკაში გამოყენება. სკოლის ღირებულებები: სკოლა უპირველეს ყოვლისა, ხელმძღვანელობს სასწავლო პროცესში ჩართული პირების საუკეთესო ინტერესებით და საქმიანობას წარმართავს შემდეგ ღირებულებებზე დაყრდნობით: • გამჭირვალობა: ჩვენი საქმიანობა, ხედვები და ღირებულებები საჯაროდაა ხელმისაწვდომი და წინასწარ ცნობილია ყველა დაინტერესებული პირისათვის, უზრუნველყოფილია სკოლის საქმიანობის შესახებ ინფორმაციის საჯაროობა. • მიუკერძოებლობა: ჩვენ უზრუნველვყოფთ, რომ სკოლის მიერ მიღებული გადაწყვეტილებები შეესაბამება მოქმედ კანონმდებლობასა და ითვალისწინებს დაინტერესებულ მხარეთა საუკეთესო ინტერესებს. • თანამშრომლობა: ჩვენ ღია ვართ დაინტერესებულ მხარეებთან თანამშრომლობისათვის. კონსტრუქციულად განვიხილავთ სიახლეებს, წინადადებებს, განსხვავებულ პოზიციებსა და ორიენტირებულნი ვართ პრობლემების გადაჭრაზე. • უსაფრთხოება: ჩვენ ვზრუნავთ, პოზიტიური, უსაფრთხო და სწავლის მასტიმულირებელი გარემოს შექმნაზე, სადაც ყველა მიღებული და დაფასებულია. • განვითარება და ინოვაციურობა: სისტემატურად ვაფასებთ ჩვენს საქმიანობას და შეფასების შედეგებზე დაყრდნობით, ვგეგმავთ განვითარების ინოვაციურ გზებს. არ ვერიდებით სიახლეების დანერგვას.