სსიპ - ქედის მუნიციპალიტეტის სოფელ მახუნცეთის საჯარო სკოლა

ქედის მუნიციპალიტეტის სოფელ მახუნცეთის საჯარო სკოლაში არის 12 კლასი, სამ საფეხურიანი სწავლებით : დაწყებითი, საბაზო და საშუალო .სკოლა მუშაობს შემუშავებული სასწავლო გეგმით 2024-2025 სასწავლო წლისთვის სკოლაში სწავლება მიმდინარეობს ქართულ ენაზე- დაწყებით, საბაზო და საშუალო საფეხურზე. სკოლის მისია : საინტერესო, ხალისიან, მშვიდ მოსწავლე-მასწავლებლის ურთიერთპატივისცემის გარემოში, აღმოაჩინოს თითოეულ მოსწავლეში განსაკუთრებული უნარები, გააღვიძოს მათში შემოქმედებითი აზროვნება და აღზარდოს ქვეყნის წარმატებისთვის მებრძოლი ლიდერი. პატრიოტი, კანონმორჩილი, ტოლერანტი, ფიზიკურად ძლიერი და სულიერად მტკიცე. სკოლის ხედვა : სკოლის ყველა თანამშრომელი ზრუნავს ბავშვის გონებრივ , ფიზიკურ, ემოციურ , სულიერ განვითარებაზე. მოსწავლეები უზრუნველყოფილი არიან ღირებული სასწავლო გამოცდილებით, სწავლება/სწავლის ინოვაციური მეთოდებით, აქვთ საკუთარი განვითარების ინდივიდუალური გზა. სკოლა მიმართულია თითოეული მოსწავლის შესაძლებლობების , პოტენციალის და განსაკუთრებული ნიჭის გამოვლენას და მაქსიმალურად განვითარებაზე. სკოლის ღირებულებები: სკოლა უპირველეს ყოვლისა, ხელმძღვანელობს სასწავლო პროცესში ჩართული პირების საუკეთესო ინტერესებით და საქმიანობას წარმართავს შემდეგ ღირებულებებზე დაყრდნობით: • გამჭირვალობა: ჩვენი საქმიანობა, ხედვები და ღირებულებები საჯაროდაა ხელმისაწვდომი და წინასწარ ცნობილია ყველა დაინტერესებული პირისათვის, უზრუნველყოფილია სკოლის საქმიანობის შესახებ ინფორმაციის საჯაროობა. • მიუკერძოებლობა: ჩვენ უზრუნველვყოფთ, რომ სკოლის მიერ მიღებული გადაწყვეტილებები შეესაბამება მოქმედ კანონმდებლობასა და ითვალისწინებს დაინტერესებულ მხარეთა საუკეთესო ინტერესებს. • თანამშრომლობა: ჩვენ ღია ვართ დაინტერესებულ მხარეებთან თანამშრომლობისათვის. კონსტრუქციულად განვიხილავთ სიახლეებს, წინადადებებს, განსხვავებულ პოზიციებსა და ორიენტირებულნი ვართ პრობლემების გადაჭრაზე. • ობიექტურობა: ჩვენ მიერ განხორციელებული შეფასებები, ეფუძნება ეროვნულ სასწავლო გეგმას და ფაქტობრივ გარემოებებს. დადგენილი პროცედურები მაქსიმალურად გამორიცხავს შეფასებაში მონაწილე პირების სუბიექტივიზმს. • განვითარება და ინოვაციურობა: სისტემატურად ვაფასებთ ჩვენს საქმიანობას და შეფასების შედეგებზე დაყრდნობით, ვგეგმავთ განვითარების ინოვაციურ გზებს. არ ვერიდებით სიახლეების დანერგვას.