სსიპ - ქალაქ ბათუმის №13 საჯარო სკოლა

სკოლის ხედვა სწავლა-სწავლების მაღალი ხარისხით ხელი შეუწყოს დემოკრატიული, ჰუმანური, ცოდნაზე ორიენტირებული, მოქალაქეობრივი პასუხისმგებლობის მქონე, გლობალურად მოაზროვნე აქტიური თაობების აღზრდას. თაოებები, რომლებიც შეცვლიან მსოფლიოს უკეთესობისკენ. სკოლის მიზანია განახორციელოს ისეთი აკადემიური პროგრამა, რომელიც მოსწავლეს: • აღუძრავს სწავლის სურვილს, განუვითარებს შემოქმედებითი და კრიტიკული აზროვნების უნარებს; • ჩამოუყალიბებს სამართლიან და ეთიკურ ქცევას, განსხვავებული აზრისა და შეხედულებების პატივისცემის უნარებს; • მიაჩვევს ორგანიზებულობას, განუვითარებს პასუხისმეგბლობის გრძნობას, საკუთარი ძალებისა და შესაძლებელობების რწმენას; • გაააზრებინებს ჯანსაღი წესით ცხოვრებისა და ფიზიკური აქტივობის აუცილებლობას, შთაუნერგავს ცხოვრებისა და ბუნების სიყვარულს; • მისცემს შესაძლებლობას, ფეხი აუბას ახალ გამოწვევებს, მეცნიერებისა და ტექნოლოგიების განვითარების ტემპს; ასწავლის ისტორიული და კულტურული მემკვიდრეობის დაფასებას; შეაძლებინებს საკუთარი ცოდნისა და ინტერესების უწყვეტ განვითარებას და მათ მაქსიმალურ რეალიზებას, როგორც ქვეყნის შიგნით,ისე საზღვრებს გარეთ. სკოლის მისია სსიპ-ქალაქ ბათუმის N13საჯარო სკოლა სასკოლო საზოგადოებასთან ერთად ზრუნავს აღზარდოს ეროვნული და ზოგადსაკაცობრიო ღირებულების მატარებელი, ქვეყნის ინტერესების, პრინციპების, ტრადიციების დამცველი, კანონმორჩილი და ტოლერანტი მომავალი თაობა. სკოლა ხელს უწყობს მოსწავლეთა ინიციატივებისა და დამოუკიდებელი სწავლების უნარ-ჩვევების ჩამოყალიბებას, ტექნოლოგიური და სხვა ინტელექტუალური მიღწევების ეფექტიანად გამოყენებას. სკოლა უზრუნველყოფს მატერიალურ, ფინანსური და ადამიანური რესურსების ეფექტიან გამოყენებას დასახული მიზნების მისაღწევად, ზრუნავს პედაგოგების პროფესიულ განვითარებაზე ღირებულებები სკოლის მისიის განხორციელების მიზნით სასკოლო საზოგადოებამ უნდა იხელმძღვანელოს შემდეგი სამუშაო პრინციპებითა და მიდგომებით: • პროფესიონალიზმი, საქმის სიყვარული და ერთგულება; • პატიოსნება და კეთილსინდისიერება; • სხვათა შრომის, მიღწევებისა და აზრის პატივისცემა; • მიუკერძოებლობა; • ერთგულება; • ინოვაციური მიდგომები და წარსული გამოცდილების გათვალისწინება; • ინიციატივების სწორი შეფასება და განხორციელებაში ხელშეწყობა; • პროფესიული ზრდა და განვითარება; • გუნდურად მუშაობა.

სსიპ - ქალაქ ბათუმის N13 საჯარო სკოლის სტრუქტურა

სკოლაში შექმნილია პროგრამები და მხარდაჭერის სერვისები: 1.ადამიანებისა და პროცესების უსაფრთხოება; 2.მოსწავლის, პერსონალის, მშობლის/კანონიერი წარმომადგენლის კანონიერი უფლებების დაცვა; 3.კურიკულუმის განვითარების მეთოდოლოგია; 4.ხარისხის უზრუნველყოფის პოლიტიკა; 5.სკოლის ადამიანური რესურსების მართვა; 6.სკოლის უსაფრთხოების მართვის პოლიტიკა;

. სკოლა ვალდებულია სასკოლო დროს, სკოლის ტერიტორიაზე შექმნას სსიპ ქ.ბათუმის N 13 საჯარო სკოლის მოსწავლეების, მასწავლებლებისა და თანამშრომლების სიცოცხლისა და ჯანმრთელობისათვის უსაფრთხო გარემო. 2. სკოლაში უსაფრთხოების დაცვის პროცედურები და მექანიზმები განისაზღვრება და რეგულირდება “ზოგადი განათლების შესახებ” საქართველოს კანონის, საქართველოს განათლების, მეცნიერების, კულტურისა და სპორტის მინისტრის 2019 წლის 29 იანვრის N06/ნ ბრძანებით დამტკიცებული ზოგადსაგანმანათლებლო დაწესებულებაში უსაფრთხოებისა და საზოგადოებრივი წესრიგის დაცვის წესისა და პირობებით და სხვა საკანონმდებლო აქტებით.