სსიპ - ქალაქ თბილისის №145 საჯარო სკოლა

ზოგადსაგანმანათლებლო დაწესებულების მისია აღვზარდოთ ქვეყნისა და საზოგადოების მიმართ პასუხისმგებლიანი, კანონმორჩილი, ტოლერანტი მოქალაქე; ახალი გამოწვევების სამყაროში ხელი შევუწყოთ მოსწავლეთა ადაპტაციას, ინტელექტუალურად და ზოგადი საკომუნიკაციო უნარ-ჩვევებით განვავითაროთ მოსწავლეები, რომლებსაც ეცოდინებათ ტექნოლოგიური მიღწევების ცხოვრებაში ეფექტიანად გამოყენება. ზოგადსაგანმანათლებლო დაწესებულების ხედვა სკოლის სასწავლო-საგანმანათლებლო პროცესი სრულად მორგებულია მოსწავლეთა ინდივიდუალურ საჭიროებებზე და დაფუძნებულია სწავლა-სწავლების ინოვაციურ მეთოდებზე. ზოგადსაგანმანათლებლო დაწესებულების ღირებულებები გუნდური მუშაობა, განვითარებასა და ხარისხზე ორიენტირება, გამჭვირვალობა და ღიაობა.

სკოლის სტრუქტურა შედგება სკოლის სტრუქტურული ერთეულებისაგან, კოლეგიური სამუშაო ჯგუფებისაგან (კომისიები/საბჭოები) და თანამდებობრივი პოზიციებისაგან. სკოლის სტრუქტურული ერთეულებია: ა) დირექცია; ბ) პედაგოგიური საბჭო; გ) სამეურვეო საბჭო; დ) მოსწავლეთა თვითმმართველობა; ე) დისციპლინური კომიტეტი. სკოლის კოლეგიური სამუშაო ჯგუფების კომპეტენცია და საქმიანობის წესი განისაზღვრება დირექტორის მიერ დამტკიცებული დებულებებით ან/და საქართველოს კანონმდებლობით. სკოლის დირექციაში შედის სკოლის დირექტორი, დირექტორის მოადგილე და ბუღალტერი. საგნობრივი კათედრები სკოლა უფლებამოსილია საგნობრივი ჯგუფების მიხედვით შექმნას კათედრები, რომლებშიც გაერთიანებულია საგნობრივი ჯგუფის ყველა მასწავლებელი. იმ შემთხვევაში, თუ სკოლაში საგნობრივი ჯგუფის თითო მასწავლებელია, შესაძლებელია სხვადასხვა საგნობრივი ჯგუფის პედაგოგები ერთ კათედრაზე გაერთიანდნენ. კათედრის თავმჯდომარეს ირჩევს კათედრა ერთი სასწავლო წლის ვადით; კათედრის თავმჯდომარის ფუნქციებია: ა) კათედრის შეხვედრების ორგანიზება (დღის წესრიგის მომზადება, ოქმებისა და სხვა დოკუმენტაციის წარმოება-შენახვა); ბ) სკოლის მართვის ორგანოებისათვის კათედრის შეხვედრების შედეგად მიღებულ გადაწყვეტილებათა მიწოდება (მაგ. გრიფმინიჭებული სახელმძღვანელოებისა და სხვა სასწავლო მასალის არჩევის თაობაზე); გ) პროფესიული განვითარებისთვის სასარგებლო აქტივობების (კოლეგებთან შეხვედრების, ტრენინგების, კონფერენციების და სხვ.) ორგანიზება. სკოლის საგნობრივი კათედრებია: ა) სახელმწიფო ენის კათედრა; ბ) საზოგადოებრივ მეცნიერებათა კათედრა; გ) მათემატიკისა და ტექნოლოგიების კათედრა; დ) საბუნებისმეტყველო მეცნიერებების კათედრა; ე) უცხოური ენების კათედრა; ვ) ესთეტიკური აღზრდისა და სპორტის კათედრა ზ) დაწყებითი კლასების კათედრა; სკოლის ადმინისტრაციული პერსონალი: 1. საქმისმწარმოებელი; 2. საინფორმაციო მენეჯერი; 3. ბიბლიოთეკარი; 4. მატერიალურ-ტექნიკური უზრუნველყოფის კოორდინატორი; 5. ექიმი; 6. ფსიქოლოგი; 7. სპეციალური საგანმანათლებლო საჭიროების მქონე პირის ასისტენტი; 8. სპეციალური მასწავლებელი; სკოლის დამხმარე პერსონალი 1. დამლაგებელი; 2. დარაჯი;

სკოლაში მოქმედებს მხარდაჭერის სერვისები, რაც ძირითადად გამოხატულია, როგორც უნივერსიტეტებთან ასევე პროფესიულ სასწავლებლებთან თანამშრომლობის კუთხით, რის საფუძველზეც სკოლას გაფორმებული აქვს მემორანდუმი რამდენიმე პროფესიულ სასწავლებელთან. აღნიშნული მემორანდუმი ითვალისწინებს მოსწავლეთა დაინტერესების გაღვივებას პროფესიული სასწავლებლების მიმართ, რაც შემდგომში დაემხარებათ პროფესიის წარმატებით დაგეგმვასა და კარიერულ წინსვლაში

ზოგადი დებულება: 1. წინამდებარე სსიპ ქალაქ თბილისის N145 საჯარო სკოლის (შემდგომში – ,,სკოლა”) შინაგანაწესი (შემდგომში – ,,შინაგანაწესი”) ვრცელდება სკოლაში დასაქმებულ პირებზე, მოსწავლეებსა და მათ მშობლებზე/კანონიერ წარმომადგენლებზე, ასევე სკოლის ტერიტორიაზე მყოფ ნებისმიერ პირზე და სავალდებულოა შესასრულებლად. 2. შინაგანაწესი წარმოადგენს სკოლასა და სკოლაში დასაქმებულებს შორის გაფორმებული შრომითი ხელშეკრულების განუყოფელ ნაწილს. დასაქმებული ვალდებულია გაეცნოს შინაგანაწესს და აღნიშნული დაადასტუროს საკუთარი ხელმოწერით. 3. შინაგანაწესი ხელმისაწვდომია ყველა დაინტერესებული პირისათვის. 4. სკოლა ვალდებულია შინაგანაწესი განათავსოს ყველასათვის თვალსაჩინო ადგილას. 5. დამრიგებელი ვალდებულია სასწავლო წლის დაწყებისას შინაგანაწესი გააცნოს მოსწავლესა და მის მშობელს/კანონიერ წარმომადგენელს. შინაგანაწესში განხორციელებული ცვლილების გაცნობა უნდა მოხდეს არაუგვიანეს 5 დღეში. 6. შინაგანაწესით განისაზღვრება: ა) სამუშაო კვირის ხანგრძლივობა, ყოველდღიური სამუშაოს დაწყებისა და დამთავრების დრო; ბ) დასვენების ხანგრძლივობა; გ) შრომის ანაზღაურების გაცემის დრო და წესი; დ) ანაზღაურებადი შვებულების ხანგრძლივობა და მიცემის წესი; ე) ანაზღაურების გარეშე შვებულების ხანგრძლივობა და მიცემის წესი; ვ) შრომის პირობების დაცვის წესები; ზ) წახალისებისა და პასუხისმგებლობის სახე და გამოყენების წესი; თ) მატერიალური პასუხისმგებლობა; ი) განცხადების/საჩივრის განხილვის წესი; კ) სასწავლო პროცესის მარეგულირებელი ზოგადი ნორმები; ლ) სკოლაში ჩაცმულობის წესი. 7. შინაგანაწესში გამოყენებულ ტერმინებს აქვთ შემდეგი მნიშვნელობა: ა) სკოლის ადმინისტრაცია - სკოლის საშტატო ნუსხით გათვალისწინებული პირები (გარდა მასწავლებლისა), ასევე სკოლაში შრომითი ხელშეკრულებით დასაქმებული პირები; ბ) სკოლის დირექცია – სკოლის დირექტორი და მისი მოადგილე/მოადგილეები (ასეთის არსებობის შემთხვევაში); გ) სასკოლო დრო – სასკოლო სასწავლო გეგმით განსაზღვრული პროცესის, აგრეთვე სკოლის მიერ ინიცირებული, ორგანიზებული, კონტროლირებული, დაფინანსებული ნებისმიერი ღონისძიების მიმდინარეობის დრო. დ) უფლებამოსილი პირი – სკოლის დირექტორის ინდივიდუალური ადმინისტრაციულ-სამართლებრივი აქტით განსაზღვრული პირი, რომელიც სკოლის ტერიტორიაზე, სასკოლო დროს უზრუნველყოფს უსაფრთხოებისა და საზოგადოებრივი წესრიგის დაცვას იმ სკოლებში, სადაც არ არის განაწილებული მანდატური (შემდგომში - მანდატური), ხოლო იმ სკოლებში სადაც არის მანდატური, ეხმარება მანდატურს საზოგადოებრივი წესრიგისა და უსაფრთხოების დაცვაში, მანდატურის სამსახურის უფროსის ინდივიდუალური ადმინისტრაციულ-სამართლებრივი აქტით გათვალისწინებულ შემთხვევებში.

ზოგადი ინფორმაცია: სკოლაში დირექტორის ბრძანებით შექმნილი გვაქვს საგანგებო შტაბი, რომელსაც ევალება დაიცვას სკოლაში თანამშრომელთა და მოსწავლეთა უსაფრთხოება. გაკვეთილზე დასწრების კონტროლს ანხორციელებს კლასის დამრიგებელი, მოსწავლის მოსვლის მომენტიდან, გაკვეთილის დასრულებამდე, დამტკიცებულია საგანგებო სიტუაციებზე რეაგირების გეგმა; სკოლაში ყველა სართულებზე გამოკრულია ევაკუაციის გეგმა. სკოლის შიდა და გარე პერიმეტრი აღჭურვილია ვიდეოსათვალთვალო კამერებით, სკოლას ჰყავს კვალიფიკაციური ექიმი, რომელიც უზრუნველყოფს სკოლაში პირველადი დახმარების გაწევას, როგორც სკოლის თანამშრომლებისა და მოსწავლეებისათვის, ასევე, სკოლის ტერიტორიაზე მყოფი პირებისათვის.

სსიპ ქალაქ თბილისის N145 საჯარო სკოლას აქვს ვაუჩერული დაფინანსება და ეკონომიკური შემოსავალი. სკოლას არ აქვს ფინანსური დავალიანება. სკოლა, თავის შემოსავლის ფარგლებში, სწორი ბიუუჯეტირებით, ინარჩუნებს ფინანსურ მდგრადობას. სკოლის ეკონომიკური შემოსავალი მიმართულია სკოლის საჭიროებებზე. სკოლის ბიუჯეტს ამტკიცებს სამეურვეო საბჭო, დირექტორის ბრძანებით დამტკიცებულია შესყიდვების წესი/გეგმა. სკოლის დირექტორი, ყოველი წლის 10 დეკემბრამდე, ანგარიშით წარდგება სამეურვეო საბჭოს წინაშე. მოცემულ ვებგვერდზე განთავსებულია სკოლის ბიუჯეტი.