სსიპ - ქარელის მუნიციპალიტეტის სოფელ მოხისის საჯარო სკოლა

მისია ჩვენი მიზანია ვიზრუნოთ ეროვნულ ღურებულებებზე დაფუძნებული, მრავალმხრივი უნარების, თავისუფლად მოაზროვნე პიროვნების ჩამოყალიბებისათვის, რომელიც უპასუხებს თანამედროვე გამოწვევებს და დაიმკვიდრებს თავს საზოგადოების სრულყოფილ წევრად. ხედვა სასკოლო საზოგადოების ხედვაა, რომ ჩვენი მოსწავლეები იქნებიან სწავლასა და მრავალმხეივი უნარების განითარებისთვის მოტივირებულნი, იქნებიან ინიციატივიანნი და მის განხორციელებაში ჩართულნი. სკოლაში მოვლენ სიხარულით ძალდატანების გარეშე. მასწავლებელთა კვალიფიკაცია დააკმაყოფილებს მოტივირებულ მოსწავლეთა მოთხოვნილებებს. მშობლები და მასწავლებლები იქნებიან პარტნიორები ერთი მიზნისათვის, რაც აისახება განათლების ეროვნული მიზნების მიღწევის შედეგებზე. სკოლის ღირებულებები: სკოლა უპირველეს ყოვლისა, ხელმძღვანელობს სასწავლო პროცესში ჩართული პირების საუკეთესო ინტერესებით და საქმიანობას წარმართავს შემდეგ ღირებულებებზე დაყრდნობით: • გამჭირვალობა: ჩვენი საქმიანობა, ხედვები და ღირებულებები საჯაროდაა ხელმისაწვდომი და წინასწარ ცნობილია ყველა დაინტერესებული პირისათვის, უზრუნველყოფილია სკოლის საქმიანობის შესახებ ინფორმაციის საჯაროობა. • მიუკერძოებლობა: ჩვენ უზრუნველვყოფთ, რომ სკოლის მიერ მიღებული გადაწყვეტილებები შეესაბამება მოქმედ კანონმდებლობასა და ითვალისწინებს დაინტერესებულ მხარეთა საუკეთესო ინტერესებს. • თანამშრომლობა: ჩვენ ღია ვართ დაინტერესებულ მხარეებთან თანამშრომლობისათვის. კონსტრუქციულად განვიხილავთ სიახლეებს, წინადადებებს, განსხვავებულ პოზიციებსა და ორიენტირებულნი ვართ პრობლემების გადაჭრაზე. • ობიექტურობა: ჩვენ მიერ განხორციელებული შეფასებები, ეფუძნება ეროვნულ სასწავლო გეგმას და ფაქტობრივ გარემოებებს. დადგენილი პროცედურები მაქსიმალურად გამორიცხავს შეფასებაში მონაწილე პირების სუბიექტივიზმს. • განვითარება და ინოვაციურობა: სისტემატურად ვაფასებთ ჩვენს საქმიანობას და შეფასების შედეგებზე დაყრდნობით, ვგეგმავთ განვითარების ინოვაციურ გზებს. არ ვერიდებით სიახლეების დანერგვას.