სსიპ - ქარელის მუნიციპალიტეტის სოფელ დირბის საჯარო სკოლა

სკოლა დამოუკიდებლად ახორციელებს საგანმანათლებლო საქმიანობას და უზრუნველყოფს ზოგადი განათლების მიღებას დაწყებით, საბაზო და საშუალო საფეხურზე. მისია სკოლის მისიაა საზღვრისპირა რეგიონში მოსწავლეებისთვის მაღალი ხარისხის განათლების მიწოდება, რომელიც უზრუნველყოფს მათ აკადემიურ წარმატებას, პიროვნულ განვითარებასა და მოქალაქეობრივ პასუხისმგებლობას. ხედვა დირბის საჯარო სკოლა გახდება საგანმანათლებლო სანიმუშო ცენტრი საზღვრისპირა რეგიონში, რომელიც: აერთიანებს სწავლების თანამედროვე მეთოდებს ადგილობრივი კულტურული ტრადიციების პატივისცემასთან; ამზადებს მოსწავლეებს გლობალური გამოწვევებისთვის ადგილობრივი იდენტობის შენარჩუნებით; უზრუნველყოფს 21-ე საუკუნის უნარებზე დაფუძნებულ განათლებას სოფლის მოსახლეობისთვის. ღირებულებები 1. თანამშრომლობა; 2. გუნდურობა; 3. გამჭირვალობა; 4. დემოკრატია; 5. ობიექტურობა; 6. განვითარება და ინოვაციურობა.

სსიპ ქარელის მუნიციპალიტეტის სოფელ დირბის საჯარო სკოლას აქვს შინაგანაწესი შემუშავებული და შეთანხმებული სასკოლო საზოგადოებასთან და დამტკიცებული სამეურვეო საბჭოს მიერ, რომლის დაცვის და აღსრულების უზრუნველსაყოფად იგი გაზიარებულია სასკოლო საზოგადოებისათვის. სკოლას გაწერილი აქვს მოსწავლის ჩარიცხვის, საფეხურის დაძლევის, მობილობის, სტატუსის შეჩერებისა და შეწყვეტის, გასაჩივრების, მოსწავლეთა ადაპტაციის, კონსულტირების- გამჭვირვალე და მკაფიო კანონმდებლობის შესაბამისი მექანიზმები; სკოლის მოსწავლეები ჩართულები არიან გადაწყვეტილების მიღების პროცესში, მოსწავლეს აქვს ხმის უფლება მისი სასკოლო ცხოვრების თითქმის ყველა ასპექტში, მათ შორის: • კურიკულუმი, მაგ., შესასწავლი საკითხების, არჩევითი საგნების შესახებ; • სწავლა და სწავლება, მაგ., დისტანციური სწავლების, საკლასო ოთახის წესების შესახებ; • სკოლის პოლიტიკა, მაგ., გენდერული თანასწორობის, დისციპლინური პროცედურების შესახებ; • სკოლის ინფრასტრუქტურა და ფიზიკური გარემო, მაგ., გათბობის, ავეჯის შესახებ; • რესურსები, მაგ., სახელმძღვანელოების შესყიდვის, კომპიუტერების გამოყენების შესახებ; • კლასგარეშე აქტივობები, მაგ., კლუბების, საზოგადოებრივი პროექტების შესახებ; • ყოველდღიური სასკოლო ცხოვრება, მაგ., სკოლის წესების, ფორმის ტანსაცმლის შესახებ. მოსწავლეებს ეს ეხმარება: • თავდაჯერებულობის ჩამოყალიბებაში; • ხელს უწყობს მათ სხვა ადამიანებთან ურთიერთობაში; • თავს აგრძნობინებს სასკოლო საზოგადოების ღირსეულ წევრად, რომელსაც საკუთარი წვლილის შეტანა შეუძლია; • ავითარებს მათ კომპეტენციებს აქტიური მოქალაქეობისთვის; • აუმჯობესებს მათ მიღწევებს სასკოლო საგნებში; • ასწავლის მათ იმ უნარებს და დამოკიდებულებებს, რომლებიც საჭიროა სამუშაო ადგილზე წარმატების მისაღწევად; ჩვენი სკოლისთვის მნიშვნელოვანია მშობლებთან თანამშრომლობა-ინფორმირებულობა, მასწავლებელთა, საზოგადოების და სოციალური მუშაკის ჩართულობის გზით. მშობლებთან ეფექტური კომუნიკაციის დასამყარებლად სკოლა მიმართავს რეგულარულ არაფორმალურ შეხვედრებს, რაც არის საწინდარი სკოლაში პოზიტიური გარემოს შექმნის. 2024-25 სასწავლო წლიდან, სკოლაში ფუნქციონირებს დამატებითი საგანმანათლებლო მომსახურება შემდეგ დისციპლინებში: 1. კალიგრაფიის წრე 2. ჩინური ენის წრე 3. სტემ კლუბი

საზოგადოებრივი წესრიგის დაცვა სკოლაში ხორციელდება სკოლის მანდატურისა და უსაფრთხოების სისტემების მეშვეობით. სკოლას აქვს მკაფიოდ განსაზღვრული ქცევის წესები, რომლებიც გაწერილია შინაგანაწესში და გაცნობილია ყველა მოსწავლის, თანამშრომლისა და მშობლისთვის. სკოლის ტერიტორიაზე შესვლა კონტროლდება, უცხო პირების დაშვება ხდება მხოლოდ წინასწარი რეგისტრაციით და შესაბამისი პასუხისმგებელი პირის თანხლებით. შენობაში თვალსაჩინო ადგილას განთავსებულია: საქართველოს შინაგან საქმეთა სამინისტროს სსიპ – „112“-ის ცხელი ხაზის ნომერი, წარმოდგენილი დოკუმენტაციით მოსწავლეებისათვის მოსწავლის უფლებებისა და წესების გაცნობა ხდება კლასის ხელმძღვანელების მიერ კლასის საათზე

დირბის საჯარო სკოლა სრულად უზრუნველყოფს საგანმანათლებლო საქმიანობისთვის საჭირო ინფრასტრუქტურასა და მატერიალურ რესურსებს. სკოლის შენობა და მიმდებარე ტერიტორია სრულად შეესაბამება საქართველოს კანონმდებლობით დადგენილ მოთხოვნებს და გათვლილია ავტორიზაციის პერიოდში დადგენილი მოსწავლეთა ზღვრული რაოდენობის მომსახურებაზე. სასწავლო ოთახები აღჭურვილია სასწავლო ინვენტარით, მათ შორის მერხებით, დაფებით, საჭიროების შემთხვევაში კომპიუტერებით და პროექტორებით. სკოლას აქვს აღჭურვილი კომპიუტერული კლასი და სპორტული დარბაზი. ინფრასტრუქტურისა და მატერიალური რესურსების მოვლა. პატრონობა და განახლება ხორციელდება რეგულარულად, დაგეგმილი ბიუჯეტის ფარგლებში.

დირბის საჯარო სკოლა ფინანსურად მდგრადია და უზრუნველყოფილია სახელმწიფო დაფინანსებით, რომელიც გამოიყოფა ვაუჩერული სისტემის მეშვეობით მოსწავლეთა რაოდენობის შესაბამისად. სკოლის ბიუჯეტი გეგმავს და ითვალისწინებს სამოქმედო გეგმით განსაზღვრული ყველა ძირითადი ღონისძიების ფინანსურ უზრუნველყოფას. პრიორიტეტულია საგანმანათლებლო პროცესის განხორციელებისთვის საჭირო ხარჯები - მასწავლებელთა და ადმინისტრაციის შრომის ანაზღაურება, სასწავლო რესურსების შევსება, სკოლის ინფრასტრუქტურის მოვლა-პატრონობა და განვითარება. ასევე, ბიუჯეტში გათვალისწინებულია სასკოლო აქტივობებისა და ღონისძიებების დაფინანსება. საჭიროების შემთხვევაში, სკოლა ახორციელებს ბიუჯეტის კორექტირებას, რათა უზრუნველყოს გაუთვალისწინებელი ხარჯების დაფარვა პრიორიტეტების შენარჩუნებით.