სსიპ - ქარელის მუნიციპალიტეტის სოფელ ატოცის საჯარო სკოლა

სკოლის მისია სსიპ ქარელის მუნიციპალიტეტის სოფელ ატოცის საჯარო სკოლის მისია არის სკოლის ფუნქციონირების ზოგადი ორიენტირი, რომელიც გამოხატავს მისი არსებობის აზრს, რომ „სსიპ ქარელის მუნიციპალიტეტის სოფელ ატოცის საჯარო სკოლა იყოს საუკეთესო სკოლა“. სკოლის მისიის შემუშავების პროცესში ჩართული იყო სასკოლო საზოგადოება. შეხვედრების დროს გამოთქმული მოსაზრებები, წინადადებები, მისიის ხედვის თაობაზე, ასახული იქნა მისიის საბოლოო ვარიანტში. დაწყებითი საფეხურის მისია დაწყებითი საფეხურის მისიაა:  საგანთა თანამიმდევრული სწავლა-სწავლების გზით მოსწავლის გონებრივი, ფიზიკური, ემოციური და სოციალური განვითარების ხელშეწყობა;  საბაზისო უნარების - წიგნიერებისა და რაოდენობრივი წიგნიერების განვითარების ხელშეწყობა;  სასკოლო გარემოსა და სწავლის მიმართ დადებითი დამოკიდებულების ჩამოყალიბება, ცნობისმოყვარეობის ცოდნის მოყვარეობაში გადაზრდა და მოსწავლის მომზადება საბაზისო საფეხურისათვის. საბაზისო საფეხურის მისია საბაზო საფეხურის მისიაა:  საგანთა სწავლა-სწავლების საფუძველზე მყარი, დინამიკური და ფუნქციური ცოდნის კონსტრუირება, მოსწავლის ინტერესებისა და მიდრეკილებების გამოვლენა, მოსწავლის დამოუკიდებელი სწავლის უნარისა და შრომისუნარიანობის განვითარება, აქტიური მოქალაქის ფორმირების ხელშეწყობა და საფუძვლების შექმნა განათლების მომდევნო საფეხურზე სწავლის გაგრძელებისათვის ან შრომითი საქმიანობისათვის. საშუალო საფეხურის მისია საშუალო საფეხურის მისიაა:  საგანთა გაღრმავებული სწავლების გზით სისტემური ცოდნის კონსტრუირება;  მოაზროვნე, მაძიებელი, ახლის შემოქმედი, წიგნიერი, ინფორმირებული და პასუხისმგებლობის გრძნობის მქონე მოქალაქის ჩამოყალიბება, რომელსაც შეუძლია გადაწყვეტილებების დამოუკიდებლად მიღება, საკუთარი მიღწევების გამოყენება ახალი მატერიალური, ინტელექტუალური თუ სულიერი ღირებულებების შესაქმნელად. სკოლის ხედვა  შეიქმნას მოსწავლის შესაძლებლობების სრულად გამოვლენაზე ორიენტირებული სასწავლო გარემო.  სკოლამ უზრუნველყოს მოსწავლის აკადემიური და პიროვნული ზრდა.  სკოლამ უზრუნველყოს სხვადასხვა შესაძლებლობის მოსწავლეთათვის თანაბარი განათლების მიღება. ყველა მოსწავლეს საშუალება უნდა ჰქონდეს საკუთარი ნიჭიერებისა და შესაძლებლობების სრულად გამოვლენისა და სწორი მიმართულებით განვითარებისათვის.  სკოლამ უზრუნველყოს სასკოლო საზოგადოებისათვის უსაფრთხო გარემოს შექმნა.   სკოლის ღირებულებები: სკოლა უპირველეს ყოვლისა, ხელმძღვანელობს სასწავლო პროცესში ჩართული პირების საუკეთესო ინტერესებით და საქმიანობას წარმართავს შემდეგ ღირებულებებზე დაყრდნობით: • გამჭირვალობა: ჩვენი საქმიანობა, ხედვები და ღირებულებები საჯაროდაა ხელმისაწვდომი და წინასწარ ცნობილია ყველა დაინტერესებული პირისათვის, უზრუნველყოფილია სკოლის საქმიანობის შესახებ ინფორმაციის საჯაროობა. • მიუკერძოებლობა: ჩვენ უზრუნველვყოფთ, რომ სკოლის მიერ მიღებული გადაწყვეტილებები შეესაბამება მოქმედ კანონმდებლობასა და ითვალისწინებს დაინტერესებულ მხარეთა საუკეთესო ინტერესებს. • თანამშრომლობა: ჩვენ ღია ვართ დაინტერესებულ მხარეებთან თანამშრომლობისათვის. კონსტრუქციულად განვიხილავთ სიახლეებს, წინადადებებს, განსხვავებულ პოზიციებსა და ორიენტირებულნი ვართ პრობლემების გადაჭრაზე. • ობიექტურობა: ჩვენ მიერ განხორციელებული შეფასებები, ეფუძნება ეროვნულ სასწავლო გეგმას და ფაქტობრივ გარემოებებს. დადგენილი პროცედურები მაქსიმალურად გამორიცხავს შეფასებაში მონაწილე პირების სუბიექტივიზმს. • განვითარება და ინოვაციურობა: სისტემატურად ვაფასებთ ჩვენს საქმიანობას და შეფასების შედეგებზე დაყრდნობით, ვგეგმავთ განვითარების ინოვაციურ გზებს. არ ვერიდებით სიახლეების დანერგვას.

სსიპ ქარელის მუნიციპალიტეტის სოფელ ატოცის საჯარო სკოლის სტრუქტურა მოიცავს პედაგოგიურ საბჭოს, სამეურვეო საბჭოს, სკოლის დირექციას, მოსწავლეთა თვითმმართველობას და დისციპლინურ კომიტეტს. სკოლაში შეიძლება შეიქმნას სააპელაციო კომიტეტი.

სსიპ ქარელის მუნიციპალიტეტის სოფელ ატოცის საჯარო სკოლაში შემუსავებულია და ფუნქციონირებს სხვადასხვა სახის მხარდაჭერის სერვისები: მოსწავლეთა ინიციატივების მხარდაჭერის წესი; მოსწავლეთა ადაპტაციის წსი; პროფესიული ორიენტაციის დაგეგმვისა და კონსულტირების გაწევის წესი; ტრანზაციის გეგმა; ინდივიდუალური სასწავლო გეგმის შემუშავების მეთოდოლოგია; ინტერვენციის გეგმა; სსსმ პირთათვის საგანმანათლებლო სერვისების მიწოდების რეგულაციები; პერსონალის ადაპტაციის წესი

შინაგანაწესი წარმოადგენს სკოლასა და სკოლაში დასაქმებულებს შორის გაფორმებული შრომითი ხელშეკრულების განუყოფელ ნაწილს. დასაქმებული ვალდებულია გაეცნოს შინაგანაწესს და აღნიშნული დაადასტუროს საკუთარი ხელმოწერით. შინაგანაწესი ხელმისაწვდომია ყველა დაინტერესებული პირისათვის.

სკოლას აქვს სამეურვეო საბჭოს მიერ დამტკიცებული ბიუჯეტი, რომელშიც ასახულია შემოსავალი და ხარჯი. სკოლის შემოსავალი შედგება ვაუჩერული დაფინანსებისგან და დამატებითი ეკონომიკური საქმიანობით მიღებული შემოსავლებისგან. სკოლის მომდევნო წლის ბიუჯეტი მტკიცდება ყოველი კალენდარული წლის დასრულებისას. მიმდინარე წლის განმავლობაში ხორციელდება ფაქტობრივი შემოსავლებისა და ხარჯების დაზუსტება.