სსიპ - კასპის მუნიციპალიტეტის სოფელ ქვემო გომის საჯარო სკოლა

სკოლის მისია: მოსწავლეთა ინტერესებისა და შესაძლებლობების გამოვლენა და განვითარება, მათთვის ხარისხიანი განათლების მიცემა და XXI საუკუნის უნარ-ჩვევებით აღჭურვა, რათა ისინი ჩამოყალიბდნენ კანონმორჩილ, ტოლერანტ, გლობალურად მოაზროვნე, მაღალი მოქალაქეობრივი პასუხისმგებლობის მქონე ადამიანებად, რომლებიც შეძლებენ საკუთარი შესაძლებლობების რეალიზებას, იბრძოლებენ და იშრომებენ მსოფლიოს უკეთესობისკენ შესაცვლელად. ხედვა: სსიპ კასპის მუნიციპალიტეტის სოფელ ქვემო გომის საჯარო სკოლის მომავლის ხედვაა, რომ იგი იყოს მუდმივ განვითარებაზე ორიენტირებული საგანმანათლებლო დაწესებულება. თავისი საქმიანობით პასუხობდეს თანამედროვე მოთხოვნებს და გამოწვევებს. ზრუნავდეს თავისუფალი და კომპეტენტური ადამიანის ჩამოყალიბებაზე, რომელიც თავის წვლილს შეიტანს ქვეყნის მდგრადი განვითარების მიზნების მიღწევაში. ღირებულებები: განცხადებული მომავლის ხედვისა და სკოლის მისიის განხორციელების მიზნით სასკოლო საზოგადოება თანხმდება, რომ სკოლამ მთლიანობაში და მისმა ყოველმა ცალკეულმა თანამშრომელმა თავიანთი ყოველდღიური საქმიანობის განხორციელებაში უნდა იხელმძღვანელონ შემდეგი სამუშაო პრინციპებითა და მიდგომებით: • ჩვენთვის მნიშვნელოვანია ქვეყნის წარმატება; • ჩვენთვის მნიშვნელოვანია პროფესიონალიზმი, საქმის სიყვარული და მიუკერძოებლობა; • ჩვენთვის მნიშვნელოვანია პატიოსნება და კეთილსინდისიერება; • ჩვენთვის მნიშვნელოვანია სხვათა შრომის, მიღწევებისა და აზრის პატივისცემა; • ჩვენ გვესმის, რომ ვაკეთებთ საერთო საქმეს და ვართ პასუხისმგებელნი ქვეყნის წინაშე.

ორგანიზაციული სტრუქტურა არის საქმიანობის დაგეგმვისა და პასუხისმგებლობის განაწილების ეფექტური საშუალება, სადაც ორგანიზაციის თითოეულმა წარმომადგენელმა იცის საკუთარი საქმიანობა და განსაზღვრულია მისი როლი. სწორად დაგეგმილი ორგანიზაციული სტრუქტურა, ხელს უწყობს ურთიერთობებს, ადგენს პოზიციებს, ფორმალური ანგარიშვალდებულების ხაზებს კონკრეტულ თანამდებობებს, პოზიციებსა თუ სტრუქტურულ ერთეულებს შორის, რაც აორგანიზებს პერსონალის შრომის პროცესს.

სსიპ კასპის მუნიციპალიტეტის სოფელ ქვემო გომის საჯარო სკოლa (შემდგომში „სკოლა“) დაინტერესებულია ხელი შეუწყოს მოსწავლეთა სკოლაში ადაპტაციას და გააადვილოს სასკოლო პროცესში პირველკლასელთა და მობილობის წესით გადმოსული მოსწავლეების ჩართულობა. ამასთან, აღნიშნული წესი შესაძლოა გამოყენებულ იქნას იმ მოსწავლეების ადაპტაციის პროცესის გასამარტივებლად, რომელთა სასკოლო ცხოვრებაში ჩართვას ართულებს ენობრივი ბარიერის არსებობა.

წინამდებარე სსიპ კასპის მუნიციპალიტეტის სოფელ ქვემო გომის საჯარო სკოლის (შემდგომში – ,,სკოლა”) შინაგანაწესი (შემდგომში – ,,შინაგანაწესი”) ვრცელდება სკოლაში დასაქმებულ პირებზე, მოსწავლეებსა და მათ მშობლებზე/კანონიერ წარმომადგენლებზე, ასევე სკოლის ტერიტორიაზე მყოფ ნებისმიერ პირზე და სავალდებულოა შესასრულებლად.