სსიპ - ქალაქ გორის №12 საჯარო სკოლა

Plan

ქალაქ გორის N12 საჯარო სკოლის სტრატეგიული განვითარების გეგმა 2024წ – 2031წ პრეამბულა სსიპ ქალაქ გორის N12 საჯარო სკოლა „ზოგადსაგანმანათლებლო დაწესებულებების საჯარო სამართლის იურიდიულ პირებად დაფუძნებისა და საჯარო სკოლის წესდების დამტკიცების შესახებ” საქართველოს განათლებისა და მეცნიერების მინისტრის 2005 წლის 15 სექტემბრის №448 ბრძანებით დაფუძნდა, როგორც საჯარო სამართლის იურიდიული პირი, რომელიც დამოუკიდებლად ახორციელებს საგანმანათლებლო საქმიანობას და უზრუნველყოფს ზოგადი განათლების მიღებას დაწყებით, საბაზო და საშუალო საფეხურზე ეროვნული სასწავლო გეგმის შესაბამისად. სკოლა არსებობს 1954 წლიდან. სკოლა თავის საქმიანობას წარმართავს საჯაროობისა და გამჭვირვალობის პრინციპების დაცვით და ხელმძღვანელობს საქართველოს კონსტიტუციით, საქართველოს საერთაშორისო ხელშეკრულებებითა და შეთანხმებებით, ზოგადი განათლების შესახებ " საქართველოს კანონითა და სხვა სამართლებრივი აქტებით. სკოლა შექმნილია სახელმწიფო ქონების საფუძველზე და მის სახელმწიფო კონტროლს ახორციელებს საქართველოს განათლებისა და მეცნიერების სამინისტრო . დასახულ მიზნებსა და დაკისრებული ფუნქციებს სკოლა ახორციელებს სპეციალური უფლებაუნარიანობის ფარგლებში. იგი საკუთარი სახელით იძენს საქართველოს კანონმდებლობით გათვალისწინებულ უფლებებსა და მოვალეობებს.საქართველოს კანონმდებლობით განსაზღვრული კომპეტენციის ფარგლებში და სკოლის წესდებით განსაზღვრული მიზნების მისაღწევად სკოლა: • ქმნის პირობებს ეროვნული და ზოგადსაკაცობრიო ღირებულებების მატარებელი, თავისუფალი პიროვნების ჩამოყალიბებისათვის; • ხელს უწყობს მოზარდის გონებრივი და ფიზიკური უნარ-ჩვევების განვითარებას, აუცილებელი ცოდნით უზრუნველყოფას, ცხოვრების ჯანსაღი წესის დამკვიდრებას, მოსწავლეთა ლიბერალურ-დემოკრატიულ ღირებულებებზე დამყარებული სამოქალაქო ცნობიერების ჩამოყალიბებას, კულტურულ ფასეულობათა პატივისცემას, მოსწავლის მიერ ოჯახის, საზოგადოების, სახელმწიფოსა და გარემოს წინაშე უფლება-მოვალეობების გაცნობიერებაში ხელის შეწყობას. მისია აღზარდოს განათლებული, ეროვნული და ზოგადსაკაცობრიო ღირებულებების მატარებელი, მაღალი მოქალაქეობრივი შეგნების ჯანსაღი თაობა, რომელსაც ჩამოყალიბებული ექნება პრაქტიკული უნარ-ჩვევები და შეძლებს საკუთარი მომავლის ფორმირებას ხედვა ჩვენი სკოლა განათლებული, ეროვნული და ზოგადსაკაცობრიო ღირებულების მატარებელი, შემოქმედი, მაღალი მოქალაქეობრივი შეგნების ჯანსაღი თაობის აღზრდისათვის იზრუნებს იმით, რომ უზრუნველყოფს: ხარისხიან განათლებას; მასწავლებელთა უწყვეტ პროფესიულ განვითარებას; სწავლება–სწავლაში თანამედროვე ტექნოლოგიების გამოყენებას; მშობლებისა და საზოგადოების ეფექტურ და კონსტრუქციულ ჩართულობას სასკოლო ცხოვრებაში; სსსმ მოსწავლეებისათვის ინფრასტრუქტურის ეტაპობრივი გაუმჯობესებას; ღირებულებები  გუნდური მუშაობა;  ინოვაციები;  თანასწორუფლებიანობა;  სამართლიანობა;  ადამიანის უფლებების დაცვა;  კულტურული მრავალფეროვნების მიმართ პოზიტიური დამოკიდებულება და ტოლერანტობის დამკვიდრება;  ჯანსაღი ცხოვრების წესის დამკვიდრება; სკოლის პრიორიტეტები  ორიენტაცია დაცულ, უსაფრთხო და წამახალისებელ გარემოზე;  ორიენტაცია ხარისხიან განათლებაზე;  ორიენტაცია თითოეულ მოსწავლეზე;  ორიენტაცია მასწავლებლის უწყვეტ პროფესიული განვითარებაზე;  ორიენტაცია ციფრული ტექნოლოგიების გამოყენებაზე;  ორიენტაცია შედეგებზე;  ორიენტაცია სასწავლო პროცესში მშობელთა ჩართულობის გაზრდაზე  ორიენტაცია სსსმ მოსწავლეთა ინფრასტრუქტურის ეტაპობრივ გაუმჯობესებაზე სკოლის სტრუქტურა  დირექცია;  სამეურვეო საბჭო;  პედაგოგიური საბჭო;  დისციპლინური კომიტეტი;  მოსწავლეთა თვითმმართველობა; SWOT ანალიზი ძლიერი მხარეები  სკოლის მაღალი რეიტინგი თემში საგანმანათლებლო კუთხით  მასწავლებლების წარმატებული მონაწილეობა ეროვნული და საერთაშორისო დონის სხვადასხვა პროექტსა და კონფერენციაში.  მოსწავლეთა სისტემატური მონაწილეობა სხვადასხვა პროექტში, კონფერენციაში, ოლიმპიადაში, კონკურსსა და სპორტულ აქტივობაში.  სკოლას ჰყავს სამი ტრენერი, 24 წამყვანი და ექვსი მენტორი მასწავლებელი.  სკოლა უზრუნველყოფილია ინტერნეტით და კომპიუტერული ლაბორატორიით. სუსტი მხარეები  მშობელთა სუსტი ჩართულობა სასკოლო ცხოვრებაში.  ორ ცვლაში მუშაობა.  სკოლას არა აქვს გარე სპორტული მოედანი. შესაძლებლობები  წარმარტებულ სკოლებთან, უმაღლეს სასწავლებლებთან ან სამეცნიერო დაწესებულებებთან ურთიერთობის დამყარება.  სასკოლო ცხოვრებაში მშობელთა ჩართულობის გაზრდის მექანიზმების შემუშავება.  სტანდარტზევით მომსახურება.  ცნობადობის გაზრდა. საფრთხეები  კონკურენციის ზრდა.  თემში კონკურენტული სკოლების არსებობა.  ანტიპიარისტული კამპანია. სასწავლო პროცესი პიროვნებაზე ორიენტირებული საგანმანათლებლო პროცესის ცენტრში დგას მოსწავლე, მისი განვითარების პროცესი და მიღწეული შედეგი. შედეგზე ორიენტაცია გულისხმობს მოსწავლისთვის მიწოდებული ინფორმაციის არა მხოლოდ დამახსოვრებას არამედ მის მყარ, დინამიურ და ფუნქციურ ცოდნად გარდაქმნას. დიდი ყურადღება ექცევა ინოვაციური მეთოდებით გაკვეთილების ჩატარებას და წახალისებას, რაც ხელს უწყობს მოსწავლეებში მაღალი დონის სააზროვნო უნარების განვითარებას. სასწავლო პროცესის საინტერესოდ წარმართვას ხელს უწყობს მასწავლებელთა მუდმივი მზაობა სიახლეებისადმი. სასკოლო ბიბლიოთეკა, კომპიუტერული ლაბორატორია, სადაც მუშა მდგომარეობაშია 29 კომპიუტერი და უზრუნველყოფილია მუდმივი ინტერნეტ მომსახურება.