სსიპ - გარდაბნის მუნიციპალიტეტის სოფელ სართიჭალის №2 საჯარო სკოლა

ზოგადსაგანმანათლებლო დაწესებულების მისია ყველა საგანში შეძენილი ცოდნისა და უნარების საფიძველზე მოსწავლის ინტერესებისა და მიდრეკილებების გამოვლენა, დამოუკიდებელი სწავლის უნარისა და შრომისუნარიანობის განვითარება, აქტიური მოქალაქის ფორმირების ხელშეწყობა მოაზროვნე, მაძიებელი, ახლის შემოქმედი, წიგნიერი, ინფორმირებული და პასუხისმგებლობის გრძნობის მქონე მოქალაქის ჩამოყალიბება, რომელსაც შეუძლია გადაწყვეტილებების დამოუკიდებლად მიღება, საკუთარი მიღწევების გამოყენება ახალი მატერიალური, ინტელექტუალური თუ სულიერი ღირებულებების შესაქმნელად,გლობალური მოქალაქეობრივი აზროვნების ფონზე. ზოგადსაგანმანათლებლო დაწესებულების ხედვა სსიპ-გარდაბნის მუნიციპალიტეტის სოფელ სართიჭალის N2 საჯარო სკოლა წარმოადგენს სოფლისა და რაიონის დონეზე მაღალი ნდობისა და აღიარების მქონე ზოგადსაგანმანათლებლო დაწესებულებას, რომელიც თემს სთავაზობს ზოგადი განათლების სფეროში მრავალფეროვან და ინოვაციურ სასწავლო რესურსებზე დაფუძნებულ სწავლა-სწავლების პროცესს. ზოგადსაგანმანათლებლო დაწესებულების ღირებულებები სკოლა საქმიანობას წარმართავს ისეთ ღირებულებებზე დაყრდნობით, როგორიცაა:ობიექტურობა,გამჭვირვალობა,მიუკერძოებლობა,თანამშრომლობა.თანასწორუფლებიანობა.

სკოლის ბიბლიოთეკაში არსებული მხატვრული ლიტერატურა https://emis188-my.sharepoint.com/:b:/g/personal/sartichala2_mes_gov_ge/EZXKCmz0lYRHlv_0eyOGSp8BgaLXlAeKO3QD1ijBNOLbRg?e=rrFMtX

სსიპ გარდაბნის მუნიციპალიტეტის სოფელ სართიჭალის N2 საჯარო სკოლის ფინანსური რესურსები სსიპ გარდაბნის მუნიციპალიტეტის სოფელ სართიჭალის N2 საჯარო სკოლას აქვს ვაუჩერული დაფინანსება და ეკონომიკური შემოსავალი. სკოლას აქვს სამეურვეო საბჭოს მიერ დამტკიცებული ბიუჯეტი (იხ. სამეურვეო საბჭოს ოქმი N15 2025 წლის ბიუჯეტი), რომელშიც ასახულია შემოსავალი და ხარჯი. სკოლის შემოსავალი შედგება ვაუჩერული დაფინანსებისგან, სპეციალური საგანმანათლებლო საჭიროების მქონე მოსწავლეების დაფინანდებისა და დამატებითი ეკონომიკური საქმიანობით მიღებული შემოსავლებისგან, რომელიც სკოლას ერიცხება კვების ობიექტის გაიჯარებით და ცეკვის წრის ფუნქციონირებისათვის ფართის გაიჯარებით. ყოველი მომდევნო წლის ბიუჯეტი მტკიცდება კალენდარული წლის დასრულებისას და მიმდინარე წლის განმავლობაში ხორციელდება ფაქტობრივი შემოსავლებისა და ხარჯების დაზუსტება. სკოლის ფინანსური რესურსით უზრუნველყოფილია სამოქმედო გეგმის განხორციელება, შესაბამისად სკოლა ფინანსურად მდგრადია. ასევე სკოლას შემუშავებული აქვს ფინანსური რესურსების მართვის (დაგეგმვის, განკარგვის, მონიტორინგის) სისტემა. სკოლის ბუღალტერი, რომელიც პასუხისმგებელია სკოლის ფინანსების მართვაზე, ყოველი წლის 10 დეკემბრამდე სამეურვეო საბჭოს წინაშე წარადგენს წლიურ ფინანსურ ანგარიშს (სამეურვეო საბჭოს ოქმიN 15 10დეკემბრის ფინანსური ანგარიში). სკოლას არა აქვს ფინანსური დავალიანება. სკოლა, თავისი შემოსავლების ფარგლებში, სწორი ბიუჯეტირებით და ხარჯების ოპტიმიზაციით ახერხებს მასწავლებლების, ტექ.-პერსონალის, შტატგარეშე თანამშრომლების ხელფასებისა და კომუნალური ხარჯების დაფარვას, ასევე, საკანცელარიო, სამეურნეო, სანიტარული და ჰიგიენური საშუალებების მთელი სასწავლო წლის განმავლობაში აუცილებელი მარაგის შეძენას. ეტაპობრივად სკოლის ფინანსები ხმარდება ზედაპირულ სარემონტო და სახელოსნო სამუშაოების ჩატარებას (მერხების, კარების, სველი წერილების, ონკანების, კედლებისა და იატაკის) დაზიანებების აღმოფხვრას. სკოლის ეკონომიკური შემოსავალი მიმართულია შინდა სასკოლო პროექტების და მოსწავლეთა მოტივაციის ასამაღლებელი აქტივობების ფინანსურ მხარდაჭერაზე. კერძოდ ფინანსდება სპორტულ ღონისძიებებში მონაწილეობის ტრანსპორტირების ხარჯები და შიდა სასკოლო ღონისძიებები, მოსწავლეთა წახალისებისათვის საჭირო რესურსების შეძენა. სკოლის დირექტორის 2024 წლის 13 ნოემბერს N1462584 ბრძანებით დამტკიცებულია სახელმწიფო შესყიდვების განხორციელების წესი, რომლის შესაბამისადაც სკოლამ, ყოველი წლის 20 ნოემბრამდე ბაზრის კვლევის საფუძველზე ამტკიცებს წლიური შესყიდვების გეგმას, რომელშიც საჭიროების შემთხვევაში კანონმდებლობის გათვალისწინებული წესის დაცვით შედის ცვლილებები წლის განმავლობაში.