სსიპ - ლევან დევდარიანის სახელობის ქალაქ გარდაბნის №1 საჯარო სკოლა

სსიპ ლევან დევდარიანის სახელობის ქალაქ გარდაბნის N1 საჯარო სკოლის მისია და ხედვა განსაზღვრულია „ზოგადი განათლების ეროვნულ მიზნებზე“ დაყრდნობით. სასკოლო საზოგადოების ჩართულობით შემუშავებული დოკუმენტი სრულად შეესაბამება ზოგადი განათლების ეროვნული მიზნებს. მისია- სსიპ ლევან დევდარიანის სახელობის ქალაქ გარდაბნის N1 საჯარო სკოლის მისიაა უსაფრთხო სასწავლო გარემოს შექმნით ხელი შეუწყოს სწრაფად ცვლად მოთხოვნათა შესაბამის აკადემიური განათლების მიღებას და აღზარდოს კონკურენტუნარიანი, თავისუფალი და ტოლერანტი პიროვნება. სკოლის ხედვა - სკოლა 2032 წლისათვის იქნება ზოგადსაგანმანათლებლო დაწესებულება, რომელშიც საგანმანათლებლო პროცესი უზრუნველყოფილი იქნება თანამედროვე სტანდარტების შესაბამისად და ორიენტირებული იქნება მოსწავლის შესაძლებლობებისა და ნიჭის მაქსიმალურ განვითარებაზე. ღირებულებები განვითარება – სკოლა ზრუნავს ობიექტურ თვითშეფასებაზე, რომლის საფუძველზე ქმნის ინოვაციურ და ზრდაზე ორიენტირებულ გარემოს, სადაც თითოეული წევრის პირადი და საზოგადოებრივი განვითარება მჭიდროდაა დაკავშირებული. ტოლერანტობა – სკოლა ქმნის გარემოს, სადაც პატივს სცემენ და აღიარებენ განსხვავებულობებს, თანამშრომლობენ და იყენებენ მრავალფეროვნებას, როგორც მდიდარ რესურსს. გუნდურობა – სასკოლო საზოგადოებისათვის ეფექტიანი და სასარგებლო გადაწყვეტილებების მისაღებად, სკოლა ამკვიდრებს თანამშრომლობისა და გუნდურობის მიდგომებს. სამართლიანობა – სკოლის ყველა გადაწყვეტილება მიღებულია სამართლიანობის პრინციპებზე დაყრდნობით, რაც უზრუნველყოფს თანასწორობას და თითოეული წევრის ღირსების დაცვას.