სსიპ - ქალაქ ბორჯომის №4 საჯარო სკოლა

სსიპ ქალაქ ბორჯომის N4 საჯარო სკოლა ჩვენი მისიაა მოსწავლეზე ორიენტირებული სწავლებით სასკოლო საზოგადოებასთან ერთად აღვზარდოთ ეროვნული ინტერესებისა და ტრადიციების დამცველი კრიტიკულად მოაზროვნე შემოქმედი ახალგაზრდები ოჯახის, საზოგადოების, სახელმწიფოსა და კულტურულ ფასეულობათა მიმართ პატივისცემით. დაწყებითი საფეხურის მისია: ა) საგანთა თანამიმდევრული სწავლა-სწავლების გზით მოსწავლის გონებრივი, ფიზიკური, ემოციური და სოციალური განვითარების ხელშეწყობა; ბ) საბაზისო უნარების - წიგნიერებისა და რაოდენობრივი წიგნიერების განვითარების ხელშეწყობა; გ) სასკოლო გარემოსა და სწავლის მიმართ დადებითი დამოკიდებულების ჩამოყალიბება, ცნობისმოყვარეობის ცოდნისმოყვარეობაში გადაზრდა და მოსწავლის მომზადება საბაზო საფეხურისთვის. საბაზო საფეხურის მისია: საბაზო საფეხურის მისიაა საგანთა სწავლა-სწავლების საფუძველზე მყარი, დინამიკური და ფუნქციური ცოდნის კონსტრუირება, მოსწავლის ინტერესებისა და მიდრეკილებების გამოვლენა, მოსწავლის დამოუკიდებელი სწავლის უნარისა და შრომისუნარიანობის განვითარება, აქტიური მოქალაქის ფორმირების ხელშეწყობა და საფუძველების შექმნა განათლების მომდევნო საფეხურზე სწავლის გაგრძელებისთვის ან შრომითი საქმიანობისთვის. საშუალო საფეხურის მისია: ა) საგანთა გაღრმავებული სწავლების გზით სისტემური ცოდნის კონსტრუირება; ბ) მოაზროვნე, მაძიებელი, ახლის შემოქმედი, წიგნიერი, ინფორმირებული და პასუხისმგებლობიანი მოქალაქის ჩამოყალიბება, რომელსაც შეუძლია გადაწყვეტილებების დამოუკიდებლად მიღება, საკუთარი მიღწევების გამოყენება ახალი მატერიალური, ინტელექტუალური თუ სულიერი ღირებულებების შესაქმნელად. სკოლის ხედვა: მისცეს მოსწავლეს ხარისხიანი განათლება მაღალაკადემიურ, ფიზიკურ, ფსიქოლოგიურ და სოციალურად უსაფრთხო გარემოში, განუვითაროს მას კრიტიკული აზროვნება, დაეხმაროს მოსწავლეს თანდაყოლილი და შეძენილი უნარების, ცოდნის განვითარებასა და გაცნობიერებულად გამოყენებაში, ასევე ადამიანის უფლებების შესახებ მიღებული ზოგადი თეორიული ცოდნის ყოველდღიურ ცხოვრებასთან მისადაგებაში, მხარი დაუჭიროს მას ჩამოყალიბდეს მოქალაქეობრივი პასუხისმგებლობის მქონე პიროვნებად ღირებულებები: გაცხადებული მომავლის ხედვისა და სკოლის მისიის განხორციელების მიზნით სასკოლო საზოგადოება თანხმდება, რომ ყოველდღიურ საქმიანობაში იხელმძღვანელოს შემდეგი ღირებულებებით: ურთიერთპატივისცემასა და თანამშრომლობაზე დაფუძნებული პოზიტიური, უსაფრთხო, კეთილგანწყობილი, ინკლუზიური, ტოლერანტული, ცოდნასა და განვითარებაზე ორიენტირებული გარემო; სასწავლო-აღმზრდელობითი მუშაობის მაღალი ხარისხი, სამუშაო და სასწავლო პირობების თანამედროვე სტანდარტების დონეზე უზრუნველყოფა; მოსწავლეებისა და მასწავლებლების ინიციატივების წახალისება; სკოლის განვითარების საერთო გაზიარებული ხედვა, გუნდურობა, პასუხისმგებლობა; პროფესიონალიზმი, საქმის სიყვარული და ერთგულება; პატიოსნება და კეთილსინდისიერება; სხვათა შრომის, მიღწევებისა და აზრის პატივისცემა; მიუკერძოებლობა;

სკოლის სტრუქტურა

სსსმ მოსწავლისთვის საგანმანათლებლო სერვისების მიწოდების რეგულაცია სკოლას აქვს შემუშავებული ინკლუზიური განთლების განხორციელების სამოქმედო გეგმა. კანონმდებლობის შესაბამისად, იმ შემთხვევაში, თუ საგნის მასწავლებელი, ან დამრიგებელი მიიჩნევს, რომ მოსწავლეს თანატოლებთან შედარებით აქვს სიძნელე სწავლაში და ამისთვის საჭიროა ესგ-ს მოდიფიცირება, ან სასწავლო გარემოსთან ადაპტაცია, ვალდებულია აცნობოს ინკლუზიურ განათლებაში ჩართულ სპეციალისტებს, ასევე დირექციასა და მოსწავლის კანონიერ წარმომადგენელს. დამრიგებელი სპეციალურ მასწავლებელთან ერთად შეიმუშავებს პირველადი მართვის დოკუმენტს. იმ შემთხვევაში, თუ არსებობს დასაბუთებული ვარაუდი, რომ მოსწავლეს გამოხატული აქვს სწავლასთან დაკავშირებული სირთულე, ვერ ძლევს ესგ-ით გათვალისწინებულ მინიმალურ მოთხოვნებს, მოსწავლის კანონიერი წარმომადგენელი სკოლას მიმართავს წერილობითი ფორმით და გამოხატავს თანხმობას მოსწავლის სპეციალური საგანმანათლებლო საჭიროების შეფასებასთან დაკავშირებით. სკოლის დირექცია მიმართავს მულტიდისციპლინურ გუნდს შეფასების მოთხოვნით, რომელიც მიღებიდან 15 სამუშაო დღის განმავლობაში აფასებს მოსწავლის სპეციალურ საგანმანათლებლო საჭიროებას. მულტიდისციპლინური გუნდის დასკვნის საფუძველზე მოსწავლეს ენიჭება სსსმ-ს სტატუსი. სკოლაში მოწყობილია სსსმ მოსწავლეებისათვის რესურს ოთახი, რომელიც გამოიყენება მათი ინტერესებისათვის. რესურს ოთახი აღჭურვილია საჭირო რესურსებით. სპეციალურ მასწავლებელს აქვთ შემუშავებული ინდივიდუალური სასწავლო გეგმის შეფასების ფორმა, რომლის შევსება მიზნად ისახავს მოსწავლეთა აკადემიური, კოგნიტური, სოციალური, ქცევითი, ემოციური, მოტორული უნარების განვითარებისთვის საჭიროებების დადგენას მოსწავლეთა პროგრესის უზრუნველყოფისთვის. ასევე შემუშავებული აქვთ ინტერვენციის გეგმა. არსებობს მოსწავლეთა მუშაობის განრიგი, რომლის მიხედვითაც სსსმ მოსწავლეები სარგებლობენ რესურს ოთახით. ისინი მუშაობენ ინდივიდუალურად, წყვილებში და ჯგუფურად. სკოლას ჰყავს კანონით დადგენილი რაოდენობის სპეციალური მასწავლებელი, ასისტენტი (ასეთის არსებობის შემთხვევაში). ამასთანავე, ყოველი სასწავლო წლის დასაწყისში (2 კვირის ვადაში უკვე იდენტიფიცირებულ მოსწავლისთვის, 1 თვის ვადაში ახალ შეფასებულ მოსწავლისთვის) სსსმ მოსწავლეებისათვის იქმნება ესგ-ის მიხედვით მათ ინტერესებსა და შესაძლებლობებზე ორიენტირებული ინდივიდუალური სასწავლო გეგმა სხვადასხვა საგანში. შემუშავებული ინდივიდუალური სასწავლო გეგმები წარმოადგენს უნიკალურ, მოსწავლეზე ორიენტირებულ პროცესის დაგეგმვისა და წარმართვის გზას. პერიოდულად ხდება აღნიშნული ინდივიდუალური სასწავლო გეგმების მონიტორინგი. წელიწადში მინიმუმ 4-ჯერ იკრიბება ისგ ჯგუფი, რომელსაც ესწრებიან დამრიგებელი(კოორდინატორი), საგნის მასწავლებლები, სპეციალური მასწავლებელი და სსსმ მოსწავლის კანონიერი წარმომადგენელი, სადაც განიხილავენ სსსმ მოსწავლის ძლიერსა და სუსტ მხარეებს, რომლის შედეგადაც ინდივიდუალურ სასწავლო გეგმაში ხორციელდება ცვლილებები, რომელიც ორიენტირებულია მოსწავლეების წინსვლაზე. ისგ ჯგუფის შეხვედრის შემდეგ იქმნება ისგ ჯგუფის ოქმი. სპეციალური მასწავლებელი პერიოდულად ესწრება საგაკვეთილო პროცესს, მონიტორინგს უწევენ სსსმ მოსწავლეების ჩართულობას და რეკომენდაციებს აძლევენ საგნის მასწავლებლებს. საჭიროების შემთხვევაში სპეციალური მასწავლებელი შეიმუშავებს რთული ქცევის მართვის გეგმას. სკოლაში დირექტორის ბრძანებით შექმნილია შიდა მონიტორინგის ჯგუფი, რომელიც ყოველი სასწავლო წლის ბოლოს ახორციელებს ინკლუზიური განათლების მონიტორინგს და წერს დასკვნას.

შინაგანაწესი სკოლის მიმართ წარდგენილი განცხადების/საჩივრის განხილვის პროცედურა მშობელთან კომუნიკაცია

ინფრასტრუქტურა, სკოლის სურათები

ფინანსები