სსიპ - კალისტრატე სალიას სახელობის წალენჯიხის მუნიციპალიტეტის ჯგალის თემის საჯარო სკოლა

სკოლის მისია: უსაფრთხო, პოზიტიური, თანამედროვე ტექნოლოგიებზე დაფუძნებული სასწავლო გარემოს შექმნა, რომელიც უზრუნველყოფს თითოეული მოსწავლის შესაძლებლობების, პოტენციალის გამოვლენასა და განვითარების ხელშეწყობას. დემოკრატიული ფასეულობების, საკუთარი ქვეყნის კულტურის, ტრადიციებისა და ღირებულებების მიმართ პასუხისმგებლობის მატარებელი თავისუფალი პიროვნების ჩამოყალიბება. ხედვა: სკოლა 2030 წლისთვის გახდება კონკურენტუნარიანი ზოგადსაგანმანათლებლო დაწესებულება, რომელიც სწავლა-სწავლების მაღალი ხარისხით უზრუნველყოფს დემოკრატიული, ჰუმანური, გლობალურად მოაზროვნე, აქტიური მოქალაქის ჩამოყალიბებას. სკოლის მისიისა და ხედვის განხორციელების მიზნით სასკოლო საზოგადოება თანხმდება, რომ მისი თითოეული წევრი ყოველდღიურ საქმიანობაში იხელმძღვანელებს შემდეგი ღირებულებებით: • სამართლიანობა • პროფესიონალიზმი • უსაფრთხოება • გუნდურობა • ტოლერანტობა • თანამშრომლობა და პასუხისმგებლობა • თანამშრომელთა მიღწევების აღიარება და პროფესიული ზრდის ხელშეწყობა

სკოლის სტრუქტურული ერთეულებია: სამეურვეო საბჭო ; მოსწავლეთა თვითმართველობა; დისციპლინური კომიტეტი; პედაგოგიური საბჭო: 1.სახელმწიფო ენის კათედრა; 2.უცხოური ენების კათედრა 3.მათემატიკისა და IST-ის კათედრა . 4.საზოგადოებრივი მეცნიერებების კათედრა. 5. საბუნებისმეტყველო მეცნიერებების კათედრა. 6. ესთეტიკური და ფიზიკური აღზრდის კათედრა. დირექტორი ; დირექტორის მოადგილე ბუღალტერი ; ინფორმაციული მენეჯერი ; საქმისმწარმოებელი; სსსმ მასწავლებელი; სსსმ პირის ასისტენტი ბიბლიოთეკარი; მატერიალურ-ტექნიკური უზრუნველყოფის კოორდინატორი; სკოლის ექიმი ; ტექნიკური პერსონალი: დამლაგებელი ,დარაჯი .

სკოლაში ფუნქციონირებს სამოქალაქო განათლების კლუბი ,,მექანიკური ერთობა", ინტელექტკლუბი ,,რა?სად? როდის?", მკითხველთა კლუბი, ქართული კალიგრაფიის წრე.

შინაგანაწესი წარმოადგენს სკოლასა და სკოლაში დასაქმებულებს შორის გაფორმებული შრომითი ხელშეკრულების განუყოფელ ნაწილს. დასაქმებული ვალდებულია გაეცნოს შინაგანაწესს და აღნიშნული დაადასტუროს საკუთარი ხელმოწერით. შინაგანაწესი ხელმისაწვდომია ყველა დაინტერესებული პირისათვის. სასწავლო წლის დასაწყისში ქცევის წესებს თითოეული კლასის დამრიგებელი ადგენს მოსწავლეთა ჩართულობით ,რომელიც გამომდინარეობს სკოლის შინაგანაწესიდან და გამოკრულია საკლასო ოთახებში.

სკოლის ძირითადი შენობა გათვლილია 300 მოსწავლეზე. შერწყმული სკოლის ახალი შენობა კანთის უბანში, რომელიც ექსპლოატაციაში შევიდა 2021 წელს, გათვლილია 60 მოსწავლეზე. სკოლას აქვს ბიბლიოთეკა, კომპიუტერული ლაბორატორია ,რესურს ოთახი , საბუნებისმეტყველო ლაბორატორიის ოთახი, სააქტო დარბაზი, სამედიცინო ოთახი, კვების ბლოკი. სკოლის ეზოს საერთო ფართობი წარმოადგენს 8532 კვ.მ. ,სკოლას აქვს გარე ტიპის სპორტული მოედანი ,რეკრეაციული ზონა ,რომლესაც იყნებს სასკოლო საზოგადოება სხვადასხვა ღონისძიების ჩასატარებლად. სკოლას აქვს ალტერნატიული სივრცე კალისტრატე სალიას სახელობის კაბინეტი, რომელიც გამოყენებულია არაფორმალური განათლებისათვის. ამ სივრცით სარგებლობა მოსწავლეებს შეუძლიათ გაკვეთილების დამთავრების შემდეგ, აგრეთვე შაბათ-კვირას სკოლის ადმინისტრაციასთან შეთანხმებით. სკოლას აქვს კეთილმოწყობილი სველი წერტილები. სკოლაში არის სააქტო დარბაზი, სადაც ტარდება საინტერესო შეხვედრები, ღონისძიებები. სკოლას აქვს ფეხბურთისა და კალათბურთის მოედნები. ბიბლიოთეკაში არსებობს სამკითხველო სივრცე. ბიბლიოთეკა აღჭურვილია მოსწავლეთა ასაკისა და ინტერესების შესაბამისი მხატვრული ლიტერატურით, საგანმანათლებლო რესუსებით, პერიოდული გამოცემებით, მასწავლებლებისათვის საჭირო მეთოდური ლიტერატურით. სკოლაში ფუნქციონირებს კომპიუტერული ლაბორატორია, რომელშიც განთავსებულია 10 ლეპტოპი. სკოლის ყველა სივრცეში ხელმისაწვდომია უსადენო ინტერნეტი (Wifi). სკოლაში ამ ეტაპისთვის არსებობს 5 პროექტორი და 6 პრინტერი სკოლის შიდა და გარე პერიმეტრი აღჭურვილია ვიდეოსათვალთვალო სისტემით

სსიპ კალისტრატე სალიას სახელობის წალენჯიხის მუნიციპალიტეტის ჯგალის თემის საჯარო სკოლა წარმოადგენს ფინანსურად მდგრად ორგანიზაციას. სკოლას აქვს სამეურვეო საბჭოს მიერ დამტკიცებული ბიუჯეტი. ბიუჯეტში მითითებული სკოლის ფინანსური რესურსი იძლევა სამოქმედო გეგმის განხორციელების შესაძლებლობას. აგრეთვე, სკოლას იჯარით აქვს გაცემული ფართები (სააქტო დარბაზი, ბუფეტი) საიდანაც შემოსული თანხები წარმოადგენს დამატებითი შემოსავლის წყაროს. სკოლა თანხებს განკარგავს დამტკიცებული ბიუჯეტის შესაბამისად. ბიუჯეტის დამტკიცება ხდება შემოსავლებისა და სასკოლო საზოგადოების საჭიროებების ანალიზის საფუძველზე. სკოლას დამტკიცებული აქვს შესყიდვების გეგმა.სკოლის დირექტორი, კანონმდებლობის დაცვით, წარადგენს ფინანსურ ანგარიშს სამეურვეო საბჭოს წინაშე. შემოსავალ-გასავლის ყოველთვიური უწყისი წარმოდგენილია დანართის სახით.