სსიპ - თბილისის პირველი ექსპერიმენტული საჯარო სკოლა

სკოლის მისია სსიპ თბილისის პირველი ექსპერიმენტული საჯარო სკოლის მისიაა სასკოლო საზოგადოებას შესთავაზოს ინოვაციური და ჰოლისტური განათლების პრინციპებზე დაფუძნებული ინკლუზიური და უსაფრთხო სასწავლო გარემო. შექმნას ოპტიმალური პირობები მოსწავლეებისათვის საკუთარი ნიჭის მრავალმხრივი განვითარებისთვის. ასევე მაღალი დონის აკადემიური ცოდნის მიღების, სრულფასოვან თავისუფალ მოქალაქეებად ჩამოყალიბების, სწორი ეროვნული და ზოგადსაკაცობრიო ღირებულებების გაცნობიერებისა და თვითრეალიზებისთვის. კონკურენტუნარიანი ცოდნით, ღირსეული ზნეობრივ-კულტურული და სამოქალაქო ცნობიერებით აღჭურვილმა თითოეულმა სკოლადამთავრებულმა ადვილად შეძლოს თვითდამკვიდრება მრავალფეროვან და სწრაფად ცვალებად სამყაროში. სკოლის ხედვა სსიპ თბილისის პირველი ექსპერიმენტული საჯარო სკოლა მომავალში თავისთავს ხედავს, როგორც მუდმივ განვითარებაზე ორიენტირებულ საგანმანათლებლო დაწესებულებას. სასკოლო თემთან და საზოგადოების ინტერესთა ჯგუფებთან მჭიდრო და მაღალკვალიფიციური თანამშრომლობის გზით, განათლების ეროვნული მიზნების მისაღწევად და ეროვნული სასწავლო გეგმის შესასრულებლად თანამედროვე მეთოდების/მიდგომების და ტექნოლოგიების გამოყენებით შექმნის მაქსიმალურად უსაფრთხო და კონსტრუქციულ გარემოს. სკოლის ღირებულებები: სკოლა უპირველეს ყოვლისა, ხელმძღვანელობს სასწავლო პროცესში ჩართული პირების საუკეთესო ინტერესებით და საქმიანობას წარმართავს შემდეგ ღირებულებებზე დაყრდნობით: • გამჭირვალობა • მიუკერძოებლობა • თანამშრომლობა • ობიექტურობა • განვითარება და ინოვაციურობა

სსიპ-თბილისის პირველი ექსპერიმენტული საჯარო სკოლის სტრუქტურა შედგება სკოლის დირექციისაგან (დირექტორი და დირექტორის მოადგილეები, ბუღალტერი), ადმინისტრაციისაგან (საქმისმწარმოებელი, საინფორმაციო მენეჯერი, ბიბლიოთეკარი, მატერიალურ-ტექნიკური უზრუნველყოფის კოორდინატორი და სხვა მომსახურე პერსონალი), მასწავლებელების, ინკლუზიური განათლების მხარდამწერი სპეციალისტებისაგან, სტრუქტურული ერთეულს ასევე შეადგენს პედაგოგიური საბჭო, საგნობრივი კათედრა, სამეურვეო საბჭო,დიციპლინური კომიტეტი, მოსწავლეთა თვითმართველობა, სააპელაციო საბჭო, სკოლის დირექტორის ბრძანებით შექმნილი მრჩეველთა საბჭო, საინიციატივი ჯგუფი. სკოლის პერსონალისთვის ფუნქციების გაცნობა ხორციელდება ხელშეკრულების პირობების გაცნობით, ხელმოწერით.

სსიპ-თბილისის პირველი ექსპერიმენტული საჯარო სკოლა სასწავლო პროცესს ახორციელებს ქართულ ენაზე, დაწყებით, საბაზო და საშუალო საფეხურზე. სკოლის სრული კურსის დასრულების შემდეგ გაიცემა ზოგადი განათლების დამადასტურებელი სახელმწიფო დოკუმენტი (ატესტატი). ასევე სკოლა ახორციელებს გერმანული ენის სწავლების პროგრამას, რის საფუძველზეც გაიცემა გერმანული ენის DSD-I და DSD-II დონის დიპლომი.