სსიპ - ადიგენის მუნიციპალიტეტის სოფელ ჭეჭლის საჯარო სკოლა

ჩვენი სკოლის მისია და ხედვა შეტანილია სასკოლო კურიკულუმში. სკოლის მისია და ხედვა გამომდინარეობს ზოგადი განათლების ეროვნული მიზნებიდან, რომლის მიხედვითაც სასკოლო განათლებამ უნდა განუვითაროს მოზარდს პირად, ოჯახურ და საზოგადოებრივ ცხოვრებაში დამოუკიდებელ გადაწყვეტილებათა მიღების უნარ-ჩვევები; მოსწავლეს უნდა შეეძლოს ტექნოლოგიური თუ სხვა ინტელექტუალური მიღწევების ეფექტიანად გამოყენება; ინფორმაციის მოპოვება, დამუშავება და ანალიზი, სკოლაში არსებული განათლების სისტემა უვითარებს მოზარდს გონებრივ და ფიზიკურ უნარ-ჩვევებს, აძლევს საჭირო ცოდნას დამოუკიდებელი ცხოვრებისთვის. სკოლის მისიაში პრიორიტეტის სახით გამოტანილია ისეთი საკითხები, როგორიცაა მოსწავლის მიერ ტექნოლოგიური თუ სხვა ინტელექტუალური მიღწევების ეფექტიანი გამოყენება, საზოგადოებაში საკუთარი ადგილის დამკვიდრება, სამოქალაქო ცნობიერების ამაღლება და სხვა. სკოლის ხედვით კი, 10 წლის შემდგომ სკოლის მოლოდინი არის ის, რომ ჩვენს სკოლაში აღიზრდება ისეთი თაობა/კურსდამთავრებულები, რომლებიც მზად იქნებიან სწავლა განაგრძონ, როგორც ეროვნულ, ისე საერთაშორისო პროფესიულ თუ უმაღლეს სასწავლებლებში და შესაბამისად გახდნენ რეალიზებული და მოთხოვნადი კადრები შრომის ბაზარზე. სკოლაში შექმნილია ისეთი გარემო, რომლის მთავარი პრიორიტეტი არის მოსწავლე, მისი შესაძლებლობების გამოვლენა და მისთვის ისეთი უნარების/ცოდნის და ფასეულობების გაზიარება, რომლითაც ღირსეულად დაიმკვიდრებს თავს თანამედროვე გამოწვევებით აღსავსე მსოფლიოში. გამომდინარე იქიდან, რომ სკოლა სოციალური და კულტურული მრავალფეროვნებით გამოირჩევა, ჩვენი სკოლის მთავარი პრიორიტეტი არის თანამშრომლობისა და კომუნიკაციის წახალისება სასკოლო საზოგადოების წევრებს შორის, მიუხედავად მათი სოციალური თუ კულტურული მიკუთვნებულობისა. სკოლისთვის პიროვნული ზრდის, სასკოლო თემის წევრებისთვის პოტენციური შესაძლებლობების განვითარების მნიშვნელოვან სტრატეგიად მიჩნეულია არაფორმალური განათლების მყარი მექანიზმი: სკოლაში სისტემატიურად იმართება სხვადასხვა სახის ღონისძიებები, ზეიმები და აქტივობები, გასვლითი გაკვეთილები. სადამრიგებლო საათის პროგრამები ორიენტირებულია სასკოლო საზოგადოებას შორის თანამშრომლობის და კომუნიკაციის გაძლიერებასა და მოსწავლეთა სხვადასხვა საკითხისადმი ტოლერანტობის ჩამოყალიბებაზე. დამრიგებლები ყოველდღიურ რეჟიმში მუშაობენ მოსწავლეთა და მშობელთა კორპუსის სწავლა-სწავლების პროცესში აქტიურ ჩართულობასა და მიზნობრივ თემებზე ცნობიერების ამაღლებაზე. სადამრიგებლო საათის ჩატარებისას დრო აუცილებლად ეთმობა ასევე მომავლის პროფესიების განხილვას და წინამდებარე პროფესიებისათვის საჭირო უნარ-ჩვევების აუცილებლობას.

სკოლას, როგორც სოციალურ ინსტიტუტს, ჩამოყალიბებული აქვს წესებისა და ნორმების კარგად განსაზღვრული სისტემა, შესაბამისად, სკოლას შემუშავებული აქვს შინაგანაწესი, რომელიც არის სკოლის შიდა მარეგულირებელი დოკუმენტი. სკოლის შინაგანაწესი, სხვადასხვა საკითხებთან ერთად, არეგულირებს სკოლაში ქცევის წახალისებისა თუ პასუხისმგებლობის სახეებს. სკოლაში უზრუნველყოფილია უსაფრთხო გარემო, და შექმნილია ერთიანი სისტემა, რომელიც აერთიანებს დარაჯს, მრჩეველთა საბჭოს, საზოგადოებრივ წესრიგზე და უსაფრთხოებაზე პასუხისმგებელ და სახანძრო უსაფრთხოებაზე პასუხისმგებელ პირებს, საგანგებო შტაბს. სასკოლო საზოგადოების დაცულობისათვის სკოლაში შექმნილია უსაფრთხოების დაცვის პოლიტიკის დოკუმენტი და ბუნებრივი და ტექნოგენური ხასიათის საგანგებო სიტუაციების მართვის გეგმა, რომელიც ამჟამად განახლების პროცესშია საგანგებო სიტუაციების მართვის სამსახურის ახალ მოთხოვნებთან შესაბამისობაში მოყვანის მიზნით. სკოლაში იდენტიფიცირებულია ფუნქცია-მოვალეობები და სტრუქტურა, აქტიურად მუშაობს ანგარიშვალდებულების სისტემა, წახალისებულია თანამშრომლობა და კომუნიკაცია საზოგადოების წევრებს შორის, ხოლო როგორც კულტურულ ინსტიტუტში, უზრუნველყოფილია სხვადასხვა კულტურის მქონე მოსწავლეებისათვის თანაბარი შესაძლებლობების შექმნა, კულტურათაშორის არსებული განსხვავებების გაზიარება და მისი საზოგადოების ნებისმიერი წევრისათვის გამოხატვის თავისუფლება. ჭეჭლას საჯარო სკოლის მისია, ხედვა და ღირებულებები შემუშავდა დაინტერესებული მხარეების: მოსწავლეების, მასწავლებლების, მშობელთა და დაინტერესებულ თემის წარმომადგენელთა სრული ჩართულობითა და კოლაბორაციით. სამუშაო პროცესში მონაწილეობა მიიღო სასკოლო საზოგადოების ყველა წარმომადგენელმა. ჩვენი პრიორიტეტია გუნდურობა, თანამშრომლობა და წარმატებაზე ორიენტირებულობა. ვაცნობიერებთ რა აღნიშნული დოკუმენტის მნიშვნელობას სკოლის განვითარების გრძელვადიან პერსპექტივაში, ვცდილობთ მაქსიმალურად მოვიცვათ ყველა დაინტერესებული მხარე. კერძოდ, სკოლის ფილოსოფიის (მისიის, ხედვის და ღირებულებების) შემუშავებისათვის დირექტორის ბრძანებით შეიქმნა სამუშაო ჯგუფი. აღნიშნულმა ჯგუფმა ფილოსოფიის შემუშავებამდე შეისწავლა სასკოლო საზოგადოების პრიორიტეტები, ღირებულებები და გამოწვევები. მათი ანალიზის საფუძველზე მოხდა სკოლის მისიის, ხედვის და ღირებულებების ფორმირება. აღნიშნულ პროცესში გარდა სამუშაო ჯგუფის წევრებისა, ჩართული იყო სკოლის პედაგოგიური საბჭო და სამეურვეო საბჭო. სკოლის ფილოსოფიის (მისიის, ხედვის და ღირებულებების) შემუშავების პროცესი მიმდინარეობდა გუნდური ძალისხმევით, თანამშორმლობითა და გააზრებული და გაზიარებული პასუხისმგებლობით. ჭეჭლას საჯარო სკოლის მისია, ხედვა და ღირებულებები სრულადაა გაზიარებული სასკოლო საზოგადოების მიერ, ვინაიდან აღნიშნული დოკუმენტი, წარმოადგენს სასკოლო საზოგადოების გუნდური მუშაობის პროდუქტს. კერძოდ, სკოლის მისიის, ხედვისა და ღირებულებების შემუშავება განხორციელდა შემდეგი ეტაპების დაცვით: ა) სამუშაო ჯგუფის მიერ მისიის, ხედვისა და ღირებულებების პროექტის შემუშავება; ბ) პროექტების გაზიარება სასკოლო საზოგადოების წევრებისთვის; გ) მიღებული უკუკავშირის განხილვა/გათვალისწინება; დ) მისიის, ხედვისა და ღირებულებების საბოლოო სახით ფორმირება; ე) შემუშავებული განაცხადების დირექტორისთვის წარდგენა და მასთან შეთანხმებით სკოლის სტენდზე გამოქვეყნება. ყოველივე აღნიშნულით ვთვლით, რომ უზრუნველყოფილია სკოლის ფილოსოფიის (მისია, ხედვა და ღირებულებები) სასკოლო საზოგადობის მიერ გაზიარების პროცესი, რაც გულისხმობს, როგოც მის ხელმისაწვდომობას, ასევე, თანაშემოქმედობითობას. სკოლის მისია, ხედვა და ღირებულებები ხელმისაწვდომია და საჯაროა სასკოლო საზოგადოების ყველა დაინტერესებული პირისთვის, იგი განთავსებულია სკოლის ფოიეში თვალსაჩინო ადგილას - სტენდზე, რათა ყველასთვის თვალსაჩინო იყოს ის ძირითადი პარადიგმა, საითკენაც ისწრაფვის ჭეჭლას საჯარო სკოლის სასკოლო საზოგადოება.

სკოლაში ქცევის წესები “სკოლაში ქცევის წესები” 1. დილით ვესალმებით ერთმანეთს. 2. გაკვეთილზე, შევდივართ დროულად. 3. გაკვეთილზე ყურადღებით ვუსმენთ მასწავლებელს და კლასელებს. 4. განსხვავებულ აზრს ყვირილის გარეშე ვაცნობთ მსმენელებს. 5. გაკვეთილის ბოლოს ვიწერთ დავალებას და მხოლოდ ამის შემდეგ, ვტოვებთ საკლასო ოთახს. 6. შესვენებისას დერეფანში მშვიდად ვმოძრაობთ, სირბილის გარეშე. 7. კაფეტერიაში, ვიცავთ რიგს და სიმშვიდეს. 8. წასვლისას ვემშვიდობებით ერთმანეთს მოსწავლე ვალდებულია: 1 შეასრულოს სკოლის წესდებითა და შინაგანაწესით დადგენილი ნორმები, დაიცვას მოსწავლეთა ქცევის წესები; 2 იყოს დისციპლინირებული და ბეჯითი; :D:D:D:D:D 3 გაუფრთხილდეს სკოლის ქონებასა და პირად ნივთებს, დაიცვას უსაფრთხოების წესები; 4 დაემორჩილოს მასწავლებელთა, ადმინისტრაციისა და დაცვის სამსახურის წევრთა მითითებებს; 5 რეგულარულად დაესწროს სასწავლო ცხრილით გათვალისწინებულ მეცადინეობებს, დროულად შეასრულოს სასწავლო გეგმითა და პროგრამებით განსაზღვრული დავალებები; 6 სასკოლო ფორმითა და სასწავლო ნივთებით დროულად გამოცხადდეს სკოლაში და დაიკავოს თავისი სამუშაო ადგილი საკლასო ოთახში; 7 ყველგან და ყოველთვის დაიცვას სკოლის სახელი და ავტორიტეტი 8 პატივი სცეს სკოლის მოსწავლეებს, მასწავლებლებსა და თანამშრომლებს. მოსწავლეს უფლება აქვს: 1 მიიღოს სახელმწიფო სტანდარტის შესაბამისი ზოგადი განათლება; Advertisements REPORT THIS AD 2 ჩარიცხულ იქნეს ტესტირების შედეგების მიხედვით სკოლის შესაბამის კლასში; 3 ისარგებლოს სკოლის კაბინეტ-ლაბორატორიებით, საკლასო ოთახებით, ბიბლიოთეკით, სპორტული დარბაზითა და მოედნებით; 4 ისარგებლოს სკოლის სამედიცინო, ფსიქოლოგიური, ლოგოპედიური და სასადილოს მომსახურებით; 5 მოითხოვოს სწავლების მაღალი დონე და სკოლის წესდებითა და ხელშეკრულებით გათვალისწინებული პირობების შესრულება; 6 გამოხატოს თავისი დამოკიდებულება მასწავლებელთა პროფესიული დონის მიმართ; 7 იცნობდეს სკოლის ადმინისტრაციის მიერ დადგენილ ნუსხას მოსწავლის უფლებებისა და ვალდებულებების შესახებ; 8 სრულად იყოს ჩართული სასწავლო პროცესში და ხელმისაწვდომი იყოს მისთვის სკოლაში არსებული ყველა სახის ღონისძიება; 9 უფასოდ ისარგებლოს სკოლის ბიბლიოთეკის წიგნადი ფონდით; 10 მიიღოს დამატებითი, (მ.შ. ფასიანით) საგანმანათლებლო პირობები; 11 მიიღოს მონაწილეობა სკოლის მართვაში წესდებითა და შინაგანაწესით გათვალისწინებული ფორმით; 12 გამოთქვას საკუთარი აზრები და შეხედულებები, დაიცვას პიროვნული ღირსება, სინდისისა და ინფორმაციის თავისუფლება; მოსწავლეს ეკრძალება: 1 სკოლის შინაგანაწესით დადგენილი ნორმების დარღვევა:  სკოლაში დადგენილი ნიმუშის სასკოლო ფორმის გარეშე გამოცხადება;  გაკვეთილებზე დაგვიანება;  გაკვეთილების უმიზეზოდ გაცდენა;  სასწავლო პროცესის მიმდინარეობისას გაკვეთილებიდან უმიზეზოდ გამოსვლა;  სიგარეტის მოწევა;  სკოლაში მობილური ტელეფონის გამოყენება;  სკოლაში საღეჭი რეზინის მოხმარება, მზესუმზირის შემოტანა;  სკოლაში არასასწავლო დანიშნულების ნივთების შემოტანა და გამოყენება. 2 სკოლის შინაგანაწესის მე-5 მუხლით გათვალისწინებული მოსწავლეთა უფლება-მოვალეობათა შეუსრულებლობისა და სისტემატიურად მათი დარღვევის შემთხვევაში დაისმევა საკითხი მოსწავლის სკოლიდან გადასვლის ან გარიცხვის შესახებ; 3 მოსწავლის სკოლიდან გარიცხვის შემთხვევაში გადახდილი თანხა მას არ უბრუნდება. I–საკლასო დისკუსია პირველ ეტაპზე მასწავლებელი ესაუბრება მოსწავლეებს ქცევის წესებზე. ამ საუბარში მოსწავლეების აზრის ფორმირება ხდება. ამდენად, მათ ჩართულობას დიდი მნიშვნელობა ენიჭება. სასურველია, გაიმართოს დისკუსია.  მოვისმინოთ მოსწავლეების აზრი;  გავარკვიოთ, ისინი რას ფიქრობენ ამ თემაზე;  გავიხსენოთ მაგალითები, როცა ცუდად შემუშავებულმა წესმა ან წესების უგულებელყოფამ არასასურველი შედეგი გამოიღო. მოსწავლეებს ვახსენებთ, რომ წესებმა უნდა დაარეგულიროს მოსწავლეთა ქცევა როგორც გაკვეთილზე, ასევე შესვენების დროს დერეფანში. გასათვალისწინებელია ისიც, რომ წესები ნეგატიური ფორმით არ უნდა იყოს ჩამოყალიბებული. მაგალითად, “არ ვაგვიანებთ გაკვეთილზე” – წესის ამგვარ ფორმულირებას გაცილებით სჯობს – “გაკვეთილზე შევდივართ დროულად, ზარის დარეკვისთანავე”. II–ჯგუფური მუშაობა მასწავლებელი მოსწავლეებს ჰყოფს რამდენიმე ჯგუფად. სასურველია ჯგუფში 3–4 მოსწავლე ერთიანდებოდეს. ჯგუფებს უნდა დავურიგოთ წინასწარ გამზადებული ფორმები. გთავაზობთ სამუშაო ფორმის ერთ–ერთ ვარიანტს. ჯგუფური მუშაობის დროს მასწავლებელი ყურადღებით აკვირდება პროცესს. საჭიროების შემთხვევაში კონკრეტულ ჯგუფს ყურადღების მიღმა დარჩენილ საკითხს ახსენებს. სამუშაო ფორმის ნიმუშზე გამოყოფილია კუთხე, სადაც მოსწავლეებმა უნდა ჩაწერონ საკუთარი სახელი და გვარი. ეს ერთგვარად ზრდის მათ პასუხისმგებლობას და სამუშაოს მეტი ენთუზიაზმით ეკიდებიან. III–დასკვნითი ნაწილი წესების ჩამოწერის შემდეგ თითოეულმა ჯგუმა უნდა წარმოადგინოს პრეზენტატორი (ან პრეზენტატორები), რომელიც (რომლებიც) საკუთარ ნამუშევარს გააცნობენ კლასს. მასწავლებელი შევსებულ ფორმებს ყურადღებით უნდა გაეცნოს, დააკვირდეს მოსწავლეთა განწყობასა და სურვილებს. შეაჯეროს საკუთარი ვარიანტი მოსწავლეთა ნამუშევართან და შემდეგ გაკვეთილზე კლასში გამოაკრას ლამაზად დაბეჭდილი და გამზადებული “ქცევის წესები” სასურველია, თუ კედელზე გაკვრამდე თითოეული მოსწავლე საკუთარი ხელისმოწერით დაადასტურებს, რომ ეს წესები მათ შეიმუშავეს და მზად არიან ისინი სისრულეში მოიყვანო