სსიპ - ზუგდიდის მუნიციპალიტეტის სოფელ რუხის საჯარო სკოლა

Plan

საჯარო სამართლის იურიდიული პირის - ზუგდიდის მუნიციპალიტეტის სოფელ რუხის საჯარო სკოლის (შემდგომში სკოლის) 2023-2024 წლის სტრატეგიული გეგმა ასახავს სკოლის სტრუქტურას, საქმიანობის გრძელვადიან ხედვას, მისიას, განმარტავს სკოლის მიზნებსა და ძირითად ამოცანებს. სტრატეგიული გეგმა წარმოადგენს სკოლის განვითარების უმნიშვნელოვანეს დოკუმენტს, რომელიც დეკლარილებული მიზნების მისაღწევად ხელს უწყობს სკოლის სტრუქტურული ერთეულების შეთანხმებულ და ეფექტურ მუშაობას და მთელი სასკოლო საზოგადოების სკოლის საქმიანობაში აქტიური ჩართულობის წახალისებას. ამავე დროს სკოლის თანამშრომლები სტრატეგიულ გეგმას განიხილავენ, როგორც შესაძლებლობას, ყველა დაინტერესებულ მხარეს გაუზიარონ თავიანთი ხედვა და ამით ხელი შეუწყონ სკოლის საქმიანობის შეფასებასა და სრულყოფას. სტრატეგიული გეგმის შემუშავების მიზნით შექმნილმა ჯგუფმა მუშაობის დაწყებისას ყურადღება გაამახვილა სკოლისა და სასკოლო საზოგადოების მდგომარეობაზე ხუთი ძირითადი ასპექტით: • მოსწავლეთა შედეგები; • მასწავლებელთა და სკოლის სხვა თანამშრომელთა პროფესიული განვითარება; • სკოლის მატერილურ ტექნიკური ბაზისა და ინფრასტრუქტურის განვითარება; • სკოლასა და საზოგადოებას შორის კავშირი; • რესურსების მოზიდვა და მართვა; სკოლის 2023-2030 წლების სტრატეგიული გეგმა ასახავს სკოლის ხედვას და მისიას, მიმოიხილავს ძლიერ და სუსტ მხარეებს, აზუსტებს სტრატეგიულ მიზნებს და ამოცანებს. სკოლის სტრატეგიული გეგმა თანამშრომლობითი პროცესის შედეგად ჩამოყალიბდა, რომელშიც მეტ-ნაკლები აქტიურობით მთელი სასკოლო საზოგადოება იყო ჩაბმული. სამუშაო შეხვედრების შედეგად ჩამოყალიბდა : • სკოლის ხედვა და მისია; • სკოლის ძლიერი და სუსტი მხარეების, შესაძლებლობებისა და რისკების SWOT ანალიზი; • სტრატეგიული მიზნები; • ამოცანები; • მონიტორინგის და შეფასების სისტემა; სკოლის ხელმძღვანელობას, თანამშრომლებს, მშობლებს, დაინტერესებულ საზოგადოებას კარგად აქვთ გაცნობიერებული, რომ სტრატეგიული გეგმა ცოცხალი დოკუმენტია, რომელიც გარკვეული პერიოდულობით (საჭიროებისამებრ)ყოველთვის დაექვემდებარება გადახედვას და მასში ცვლილებები შევა შიდა და გარე ფაქტორების გათვალისწინებით.