სსიპ - ქალაქ ზუგდიდის №5 საჯარო სკოლა

მისია სსიპ ქალაქ ზუგდიდის N5 საჯარო სკოლა არის საჯარო სამართლის იურიდიული პირი, სკოლის მისიაა, შექმნას სასკოლო საზოგადოებისთვის უსაფრთხო და პიროვნულ განვითარებაზე ორიენტირებული სოციო-კულტურული სივრცე, სადაც მოსწავლის საუკეთესო ინტერესების გათვალისწინებით მოხდება მათი პოტენციალის სრულად გამოვლენა და განვითარება. სკოლა უზრუნველყოფს მოსწავლის საზოგადოებაში დამოუკიდებლად ცხოვრებისთვის მომზადებას მაღალი ზნეობრივი ღირებულებებით, განსაკუთრებით -მშვიდობის, პატივისცემის , შემწყნარებლობის, თანასწორობისა და სოლიდარობის სულისკვეთებით. აღნიშნულის მიღწევას სკოლა განახორციელებს სასკოლო საზოგადოების უწყვეტი პროფესიული განვითარებით - ღირებული სასწავლო გამოცდილებით, სწავლება/სწავლის ინოვაციური მეთოდებით. სწავლების ყველა საფეხურზე ინკლუზიურობის მაღალი ხარისხის უზრუნველყოფით: თითოეულ მოსწავლეს ექნება განვითარების საკუთარი ,ინდივიდუალური გზა.ისინი შეძლებენ შეიგრძნონ და დაინახონ საკუთარი პროგრესი. მომავლის ხედვა ჩვენ ვიქნებით ქალაქში ყველაზე ინოვაციური და მოთხოვნადი სკოლა.  მივაღწევთ მოსწავლეთა აკადემიური მაჩვენებლების ყოველწლიურ ზრდას 3%-ით; საუნივერსიტეტო გამოცდების მინიმუმ 10%- ით ;  მივაღწევთ გვყავდეს ყოველ სეზონში ა. შ. შ -ს პროგრამა “FLEX” -ის მინიმუმ ერთი გამარჯვებული ;  გავზრდით სკოლის მოსწავლეთა კონტიგენტს ყოველწლიურად მინიმუმ 3%-ით და მაქსიმალურად მივუახლოვდებით შესაძლებლობების ზღვარს ( სკოლის სიმძლავრეა - 1000 მოსწავლეა) ;  მივაღწევთ მოთხოვნად მასწავლებელთა 100 %- იან ოდენობას;  მივაღწევთ წამყვან პედაგოგთა რიცხოვნობის ყოველწლიურ 5% -იან ზრდას, მენტორ მასწავლებელთა შემადგენლობის ყოველწლიურ ერთი ერთეულით მატებას. სკოლის ღირებულებები გაცხადებული მომავლის ხედვისა და სკოლის მისიის განხორციელების მიზნით სასკოლო საზოგადოება ვთანხმდებით, რომ სკოლა მთლიანობაში და მისი თითოეული თანამშრომელი ჩვენი ყოველდღიური საქმიანობის განხორციელებაში ვიხელმძღვანელებთ შემდეგი პრინციპებითა და მიდგომებით:  ჩვენთვის უმთავრესია :პატიოსნება, კეთილსინდისიერება; მიუკერძოებლობა; მხარდაჭერა და აღიარება; ღიაობა და გამჭვირვალობა.  ჩვენ ვაღიარებთ და ვითვალისწინებთ: რომ ყველა მოსწავლე ინდივიდია განსაკუთრებული შესაძლებლობებით, ინტერესებით და დამოკიდებულებებით;  ჩვენ ვთანხმდებით, რომ გუნდური მუშაობა დროისა და პასუხისმგებლობების ეფექტური განაწილებაა;  ჩვენ ვთანხმდებით , რომ სწავლებაში გაკეთებული ყველა სწორი აქცენტი დასაფასებელი და გასაზიარებელია.

სსიპ ქალაქ ზუგდიდის N5 საჯარო სკოლის სტრუქტურა

სკოლა მოსწავლეებს სთავაზობს დამატებით არასავალდებულო ხასიათის საგანმანათლებლო/სააღმზრდელო მომსახურებას კლუბეის სახით. აღნიშნულში მოსწავლეთა ჩართულობა ნებაყოფლობითია. დაინტერესებული მოსწავლის მშობელთან/კანონიერ წარმომადგენლებთან ფორმდება სათანადო ხელშეკრულებები. ამ ეტაპზე სკოლაში ფუქნციონირებს STEAM კლუბი - " ნორჩი მკვლევარები"; მკითხველთა კლუბი - " მწიგნობარი"; სპორტული კლუბი - "ფალავნები"; სკოლა იჯარის ფორმით სარგებლობის უფლებით გასცემს სკოლის ფართს, სადაც ფუნქციონირებს ქართული ცეკვების წრე. სკოლაში მუშაობს მოსწავლის აკადემიურ მხარდაჭერაზე ორიენტირებული პროგრამა, რომელიც ითვალისწინებს დაწევისა და დაჩქარების კუყრიკულუმის გამნხორციელებით იმ მოსწავლეთა მხარდაჭერას, რომლების იმყოფიან საბაზო საფეხურის ვერ დაძლევის რისკის ქვეშ. სკოლაში მუშაობს მოსწავლის აკადემიურ მხარდაჭერაზე ორიენტირებული პროგრამა - რემედიაცია, რომელიც ითვალისწინებს სწავლაში არსებული პრობლემების შემცირებას ან აღმოფხვრას ხელახლა და/ან სწავლების გზით, კონკრეტული აქტივობების საშუალებით. რემედიაცია საჭირო ხდება მაშინ, როცა მოსწავლე, უნარებში გაჩენილი დეფიციტის გამო, სისტემატურად ვერ/არასწორად ასრულებს გარკვეული ტიპის დავალებებს. სკოლაში მუშაობს მოსწავლის ადმინისტრაციული მხარდაჭერის პროგრამა - ტრანზიცია, რომელიც გულისხმობს მოსწავლის სასკოლო გარემოსთან ადაპტაციის ხელშეწყობას. ზოგადსაგანმანათლებლო დაწესებულება ტრანზიციის პროგრამას იყენებს სკოლის დაწყების ხელშესაწყობად მომავალი პირველკლასელებისთვის და განსაკუთრებული საჭიროების მქონე ბავშვებისთვის დამატებითი/გაფართოებული მხარდაჭერის უზრუნველსაყოფად;/ დეტალურად იხილეთ თანდართული ფაილი.

შინაგანაწესი წარმოადგენს სკოლასა და სკოლაში დასაქმებულებს შორის გაფორმებული შრომითი ხელშეკრულების განუყოფელ ნაწილს. დასაქმებული ვალდებულია გაეცნოს შინაგანაწესს და აღნიშნული დაადასტუროს საკუთარი ხელმოწერით. შინაგანაწესი ხელმისაწვდომია ყველა დაინტერესებული პირისათვის.