სსიპ - ქალაქ ზუგდიდის №3 საჯარო სკოლა

მომავლის ხედვა 2029 წლისთვის სსიპ - ქალაქ ზუგდიდის №3 საჯარო სკოლა იქნება საგანმანათლებლოდაწესებულება, რომელიც საზოგადოებას გაუწევს მაღალი ხარისხის საგანმანათლებლო მომსახურებას, სკოლა იქნება ერთ-ერთი ლიდერი საგანმანათლებლო სივრცეში. თანამედროვე ტექნოლოგიებისა და მრავალფეროვანი აქტივობების გამოყენებით,ფორმალური და არაფორმალური განათლების გზით დაინტერესებულ პირებს შეეძლებათ, როგორც ზოგადსაგანმანათლებლო, ასევე პროფესიული განათლების მიღება. მისია სსიპ - ქალაქ ზუგდიდის №3 საჯარო სკოლის მისიაა, მუდმივ განვითარებაზე,ორიენტირებული უსაფრთხო სასწავლო გარემოს შექმნით ხელი შეუწყოს კონკურენტუნარიანი, თავისუფალი, ტოლერანტი და კომპეტენტური პიროვნების ჩამოყალიბებას. პროფესიული განათლების საფუძველზე შრომის ბაზრის მოთხოვნებზე ორიენტირებული მრავალდარგობრივი პროფესიული საგანმანათლებლო პროგრამების შეთავაზებით ზოგადსაგანმანათლებლო დაწესებულება ხელს უწყობს მოსწავლეთა/პროფესიულ სტუდენტთა/მსმენელთა უწყვეტ პროფესიულ და პიროვნულ. განვითარებას. მთელი სიცოცხლის განამვლობაში სწავლის შესაძლებლობის, სწავლების მრავალსაფეხურიანობისა და მრავალფეროვნების გატვალისწინებით. ღირებულებები საზოგადოება თანხმდება, რომ იხელმძღვანელებს შემდეგი სამუშაო პრინციპებითა და მიდგომებით: პასუხისმგებლობა - სკოლა აცნობიერებს მის სოციალურ პასუხისმგებლობას და ახორციელებს ღონისძიებებს აღნიშნულ ფარგლებში. ფიზიკური და ფსიქო-ემოციური უსაფრთხოება - სკოლას შემუშავებული აქვს მექანიზმები, როთაც უზრუნველყოფს მოსწავლის ფიზიკურ და ფსიქო-ემოციურ უსაფრთხოებას. სკოლა ახორციელებვს მოსწავლეზე/სტუდენტზე ორიენტირებულ მიდგომებს. ინოვაციებისა და სიახლეებისადმი მზაობა- სკოლა მუდმივად მზადყოფნაშია ფეხი აუწყოს სიახლეებსა და ინოვაციებს რასაც ახორციელებს სახელმწიფო. ერთმანეთზე და გარემოზე ზრუნვა - სკოლა ქმნის მზრუნველ გარემოს, რისთვისაც ყველა გადაწყვეტილება მიიღება მხოლოდ მხარდამჭერის პოზიციიდან. გამჭვირვალობა - სკოლის საქმიანობაში მოქმედი სტანდარტები და პროცედურები, ხედვები და ღირებულებები, მარეგულირებელი დოკუმენტები საჯაროდაა ხელმისაწვდომი და ცნობილია ყველა დაინტერესებული მხარისათვის. სამართლიანობა - სკოლის მიერ მიღებული ყველა გადაწყვეტილება ემყარება სამართლიანობის პრინციპებს. გუნდურობა - სკოლაში გადაწყვეტილებები მიიღება გუნდურად, სასკოლო საზოგადოების მონაწილეობით.

სსიპ ქალაქ ზუგდიდის N 3 საჯარო სკოლა სკოლა, ფორმალური განათლების პარალელურად დიდ მნიშვნელობას ანიჭებს არაფორმალურ განათლებას, სადაც მოსწავლის კარიერული წინსვლის უმეტესი წილი სწორედ არაფორმალური გზით მიღებულ განათლებაზე მოდის. შესაბამისად უკვე, მოსწავლე, მასწავლებელი და მშობელი თანხმდება იმაზე, რომ მოსწავლისთვის ფორმალურ განათლებასთან ერთად მნიშვნელოვანია არაფორმალური განათლება, რომელიც ხელს უწყობს მოსწავლეს კარიერულ წინსვლასა და ინტერესების უკეთ წარმოჩენაში. ადგილობრივ და საერთაშორისო დონეზე აღიარებულია, რომ არაფორმალური განათლება მოსწავლეში ხელს უწყოს მაღალი დონის და 21-ე საუკუნის უნარ-ჩვევების განვითარებას როგორიცაა: სწავლისა და გამომგონებლობის უნარ-ჩვევები; • შემოქმედებითობა და გამომგონებლობა; • კრიტიკული აზროვნება და პრობლემების გადაჭრა; • კომუნიკაცია და თანამშრომლობა. საინფორმაციო, მედია და ტექნოლოგიური უნარ-ჩვევები; • საინფორმაციო წიგნიერება; • მედიაწიგნიერება; • ციფრული წიგნიერება. სასიცოცხლო და კარიერული უნარ-ჩვევები; • მოქნილობა და ადაპტაცია; • ინიციატივა და დამოუკიდებელი მუშაობა; • სოციალური და კულტურული უნარ-ჩვევები; • პროდუქტიულობა და ანგარიშვალდებულება; • ლიდერობა და პასუხიმგებლობა. არაფორმალური განათლების გააქტიურებისათვის სკოლაში მესამე წელია ფუნქციონირებს ილიას სახელმწიფო უნივერსიტეტი პარტნიორ ორგანიზაციებთან ერთად ორგანიზაციის „ევროკავშირი საქართველოსთვის“ დაფინანსებითა და მხარდაჭერით „ახალგაზრდული ტექნოლოგიური კლუბების ქსელი“ სადაც ისწავლება ბაზარზე მოთხოვნადი და მაღალანაზღაურებადი ისეთი პროგრამები როგორიცაა: პროგრამირება Python-ით, კომპიუტერული გრაფიკა, 3D მოდელირება ასევე სკოლაში ფუნქციონირებდა ხელოვნური ინტელექტის კლუბი, რომელიც ილიას სახელმწიფო უნივერსიტეტის, ამერიკის საელჩოს დემოკრატიის კომისიის მცირე გრანტების პროგრამით დაინერგა.

შინაგანაწესი წარმოადგენს სკოლასა და სკოლაში დასაქმებულებს შორის გაფორმებული შრომითი ხელშეკრულების განუყოფელ ნაწილს. დასაქმებული ვალდებულია გაეცნოს შინაგანაწესს და აღნიშნული დაადასტუროს საკუთარი ხელმოწერით. შინაგანაწესი ხელმისაწვდომია ყველა დაინტერესებული პირისათვის.

საპროექტო ბიუჯეტი დამტკიცებულია