სსიპ - მელიტონ ქანთარიას სახელობის წალენჯიხის მუნიციპალიტეტის ქალაქ ჯვარის №3 საჯარო სკოლა

I თავი. სკოლის ხედვა, მისია და ღირებულებები მისია სსიპ მელიტონ ქანთარიას სახელობის წალენჯიხის მუნიციპალიტეტის ქ.ჯვარიას N3 საჯარო სკოლის მისიაა, შექმნას თანამედროვე ტექნოლოგიებით აღჭურვილი, უსაფრთხო და მზრუნველი გარემო უახლესი სასწავლო მეთოდების გამოყენებით, ეროვნული და საერთაშორისო პროგრამების სინთეზით. მოსწავლეებმა შეიძინონ ცოდნა, გამოიმუშაონ კრიტიკული, შემოქმედებითი აზროვნებისა და მუდმივად ცვალებად გარემოში ადაპტაციის უნარი. მოზარდს ჩამოუყალიბოს ისეთი კომპეტენციები, რომელიც ხელს შეუწყობს წიგნიერი, ინფორმირებული და პასუხისმგებლობის გრძნობის მქონე პიროვნების ჩამოყალიბებას, რის შედეგადაც შეძლებენ მუდმივად ცვალებად და განვითარებად სამყაროში ადაპტირებას. ხედვა სკოლის ხედვაა შექმნას ისეთი გარემო , რომელიც უზრუნველყოფს განათლებული, განვითარებული პიროვნების ჩამოყალიბებას. სკოლა ითვალისიწინებს მოსწავლეთა შესაძლებლობებს, ინტერსებსა და მისწრაფებებს და, სწორედ ამის საფუძვლეზე, ქმნის ხელსაყრელ პირობებს მათი აკადემიური და შემოქმედებითი პოტენციალის გასავითარებლად, ამზადებს მომავალი ცხოვრებისათვის. 2029 წლისთვის უნდა იყოს მიღწეული მოსწავლეთა ინტერესებისა და შესაძლებლობების კვლევა (ანკეტირება, ტესტირება). მასწავლებელთა გადამზადება დიფერენცირებული სწავლების მეთოდებში. ღირებულებები სკოლაში სასწავლო პროცესი ეფუძნება ეროვნული განათლების სტანდარტებს. პრიორიტეტს ანიჭებს კონსტრუქტივისტულ მიდგომას, რაც გულისხმობს წინარე ცოდნასა და გამოცდილებაზე დაფუძნებით ახალი ცოდნის აგების პროცესს, ამავე დროს გათვალისწინებულია სწავლა-სწავლების გრძელვადიანი მიზნები. მნიშნელოვანი როლი ენიჭება სტრატეგიას - სწავლა კეთებით, სკაფოლდინგს- სვლას ნაცნობიდან უცნობისაკენ. ამ მიმართულებით გამოყენებული სტრატეგიები უზრუნველყოფს მოსწავლეთა წარმატებას, ტექნოლოგიური თუ სხვა ინტელექტუალური მიღწევების ეფექტურად გამოყენებას, კრიტიკული აზროვნების, პრობლემის იდენტიფიცირებისა და გადაჭრის, შემოქმედებითი უნარების განვითარებას. სკოლა მოსწავლეებს მათი ინტერესების გათვალისწინებით სთავაზობს არჩევით საგნებს საშუალო საფეხურზე. სკოლის მოსწავლეთა სამომავლო წარმატებას განაპირობებს ის შესაძლებლობები , რომლებიც ოლიმპიადებსა და ახალგაზრდულ პროექტებში მონაწილეობით ეძლევათ. განცხადებული მომავლის ხედვისა და სკოლის მისიის განხორციელების მიზნით სასკოლო საზოგადოება თანხმდება, რომ სკოლამ მთლიანობაში და მისმა ყოველმა ცალკეულმა თანამშრომელმა თავიანთი ყოველდღიური საქმიანობის განხორციელებაში უნდა იხელმძღვანელონ შემდეგი სამუშაო პრინციპების, მიდგომებისა და ღირებულებებზე დაყრდნობით: ● გამჭირვალობა: ჩვენი საქმიანობა, ხედვები და ღირებულებები საჯაროდაა ხელმისაწვდომი და წინასწარ ცნობილია ყველა დაინტერესებული პირისათვის, უზრუნველყოფილია სკოლის საქმიანობის შესახებ ინფორმაციის საჯაროობა. ● მიუკერძოებლობა: ჩვენ უზრუნველვყოფთ, რომ სკოლის მიერ მიღებული გადაწყვეტილებები შეესაბამება მოქმედ კანონმდებლობასა და ითვალისწინებს დაინტერესებულ მხარეთა საუკეთესო ინტერესებს. ● თანამშრომლობა: ჩვენ ღია ვართ დაინტერესებულ მხარეებთან თანამშრომლობისათვის. კონსტრუქციულად განვიხილავთ სიახლეებს, წინადადებებს, განსხვავებულ პოზიციებსა და ორიენტირებულნი ვართ პრობლემების გადაჭრაზე. ● ობიექტურობა: ჩვენ მიერ განხორციელებული შეფასებები, ეფუძნება ეროვნულ სასწავლო გეგმას და ფაქტობრივ გარემოებებს. დადგენილი პროცედურები მაქსიმალურად გამორიცხავს შეფასებაში მონაწილე პირების სუბიექტივიზმს. ● განვითარება და ინოვაციურობა: სისტემატურად ვაფასებთ ჩვენს საქმიანობას და შეფასების შედეგებზე დაყრდნობით, ვგეგმავთ განვითარების ინოვაციურ გზებს. არ ვერიდებით სიახლეების დანერგვას. • ჩვენთვის მნიშვნელოვანია საქართველოს წარმატება; • ჩვენთვის მნიშვნელოვანია პროფესიონალიზმი, საქმის სიყვარული • ჩვენთვის მნიშვნელოვანია სხვათა შრომის, მიღწევებისა და აზრის პატივისცემა; • ჩვენთვის მნიშვნელოვანია პატიოსნება და კეთილსინდისიერება;

ატვირთულია ფაილის სახით

მოსწავლეთა ქცევის წესები გამომდინარეობს სკოლის შინაგანაწესიდან და გამოკრულია საკლასო ოთახებში.