სსიპ - ზუგდიდის მუნიციპალიტეტის სოფელ ჯიხაშკარის №1 საჯარო სკოლა

ხედვა სსიპ ზუგდიდის მუნიციპალიტეტის სოფელ ჯიხაშკარის N1 საჯარო სკოლის ხედვაა, 5 წლის შემდეგ სკოლა იყოს ფიზიკურად და ემოციურად უსაფრთხო, მუდმივად განვითარებაზე ორიენტირებული. ზგემ-დან გამომდინარე, გამოწვევათა კვალდაკვალ ზრუნავდეს თავისუფალი, განათლებული, რეალიზებული და მზრუნველი პიროვნების ჩამოყალიბებაზე. წვლილი შეჰქონდეს ქვეყნის სამეცნიერო, კულტურულ, სოციალურ და ეკონომიკურ განვითარებაში. სკოლა აღზრდის ეროვნული, დემოკრატიული პრინციპებისა და ზოგადსაკაცობრიო ღირებულებების მატარებელ პიროვნებას, რომელსაც მისცემს საფუძვლიან და ხარისხიან განათლებას. ასევე იზრუნებს მშობელთა ჩართულობის ხარისხის ამაღლებაზე. სკოლა იქნება ლიდერი საგანმანათლებლო სივრცეში. მისია სკოლის მისიაა მოსწავლეებისათვის უსაფრთხო და ხელსაყრელი გარემოს შექმნა ეროვნული სასწავლო გეგმის შესაბამისად ზოგადი განათლების მისაღებად. მოსწავლეების გონებრივი და ფიზიკური უნარ-ჩვევების განვითარება, ჯანსაღი ცხოვრების წესის დამკვიდრება, დემოკრატიულ ღირებულებებზე დამყარებული სამოქალაქო ცნობიერების ჩამოყალიბება, სახელმწიფოს, საზოგადოებისა და ოჯახის წინაშე საკუთარი უფლება-მოვალეობების გაცნობიერებაში დახმარება. ჩვენ შევქმნით უსაფრთხო და ხელსაყრელ გარემოს მოსწავლეთა ზოგადი განათლების მისაღებად. შრომისა და სწავლის მაღალ მოტივაციას, მეგობრობისა და პატივისცემის ატმოსფეროს და ვიზრუნებთ სწავლის ხარისხის გაუმჯობესებაზე. ჩვენ მშობლებთან თანამშრომლობით შევძლებთ მოსწავლეთა შესაძლებლობების მაქსიმალურად გამოვლენას. ღირებულებები განცხადებული მომავლის ხედვისა და სკოლის მისიის განხორციელების მიზნით სასკოლო საზოგადოება თანხმდება, რომ სკოლამ მთლიანობაში და მისმა თითოეულმა თანამშრომელმა თავიანთი ყოველდღიური საქმიანობის განხორციელებაში უნდა იხელმძღვანელოს შემდეგი სამუშაო პრინციპებითა და მიდგომებით: • ჩვენთვის უპირველესია ჩვენი ქვეყნის წარმატება; • ჩვენთვის მნიშვნელოვანია პროფესიონალიზმი, საქმის სიყვარული და ერთგულება; • ჩვენთვის მნიშვნელოვანია მიუკერძოებლობა; ჩვენ ვიაზრებთ საკუთარ პასუხისმგებლობას; • ჩვენთვის მნიშვნელოვანია პატიოსნება და კეთილსინდისიერება; • ჩვენთვის მნიშვნელოვანია სხვათა შრომის, მიღწევისა და აზრის პატივისცემა; • ჩვენ გვესმის , რომ ვაკეთებთ საერთო საქმეს და ვართ ჩვენი სკოლის ერთგულნი; • წარსულ გამოცდილებაზე დაყრდნობით ვგეგმავთ და ვნერგავთ ინოვაციურ მიდგომებს; • ვმუშაობთ გუნდურად და ვიცავთ კოლეგიალობას. • ჩვენი მუშაობა ორიენტირებულია მოსწავლის კეთილდღეობასა და წარმატებაზე.

სსიპ ზუგდიდი მუნიციპალიტეტის სოფელ ჯიხაშკარის N1 საჯარო სკოლა დირექცია: დირექტორის მოვალეობის შემსრულებელი - ვალერ ჩილაჩავა, დირექტორის მოადგილე - ჯილდა კაკაშვილი, ბუღალტერი - ლელა ბაგათელია ადმინისტრაცია: საქმისმწარმოებელი - ანა ფიფია, ექთანი - ეკა ჩარგაზია. დარაჯები: მანუჩარ ბენდელიანი , ნუგზარ ბენდელიანი. სკოლას ჰყავს სამეურვეო საბჭოს და დისციპლინური კომიტეტი. ფუნქციონირებს შემდეგი კათედრები: ქართული ენისა და ლიტერატურის, საზოგადოებრივი მეცნიერებების, ზუსტ და საბუნებისმეტყველო მეცნიერებების, უცხო ენების, სპორტისა და ესთეტიკის, დაწყებითი კლასების. ფუნქციონირებს მოსწავლეთა თვითმმართველობა. ფუნქციონირებს სამოქალაქო განათლების, მკითხველთა და სადისკუსიო კლუბები.

სკოლის შენობა ნაწილობრივ ადაპტირებულია. სკოლას აქვს მთავარ შესასვლელთან პანდუსი სსსმ მოსწავლისთვის, ფუნქციონირებს რესურს-ოთახი. ჰყავს სპეც-მასწავლებელი და სსსმ მოსწავლის ასისტენტი. მოწყობილია და ფუნქციონირებს ბიბლიოთეკა, კომპიუტერული და საბუნებისმეტყველო მეცნიერებების ლაბორატორიები. სპორტის პოპულარიზების მიზნით მოწყობილია მაგიდის ჩოგბურთის (ტენისის) კუთხე.

სკოლაში ქცევის წესები განსაზღვრულია სკოლის შინაგანაწესით, რომელიც სკოლის შენობაში თვალსაჩინო ადგილზეა გამოკრული. გამოკრულია ასევე მოსწავლეთა ქცევის წესები, მასწავლებელთა ეთიკის კოდექსი და დირექტორის ეთიკის კოდექსი. სადაო საკითხების განხილვისთვის სკოლაში ფუნქციონირებს სამეურვეო საბჭო და დისციპლინური კომიტეტი.

სკოლის შენობა საჭიროებს სასწრაფო და სრულ რეაბილიტაციას. არსებული შენობა ნაწილობრივ არის ადაპტირებული: სკოლას აქვს მთავარ შესასვლელთან პანდუსი სსსმ მოსწავლისთვის, ფუნქციონირებს რესურს-ოთახი. მოწყობილია და ფუნქციონირებს ბიბლიოთეკა, კომპიუტერული და საბუნებისმეტყველო მეცნიერებების ლაბორატორიები. სპორტის პოპულარიზების მიზნით მოწყობილია მაგიდის ჩოგბურთის (ტენისის) კუთხე. ხელოვნების პოპულარიზების მიზნით მოწყობილია საგამოფენო სივრცე.

სკოლის ფინანსები შედგება ვაუჩერული დაფინანსებისა და დამატებითი პროგრამული დაფინანსებისაგან. სკოლას საიჯარო ან ეკონომიკური საქმიანობიდან შემოსავალი არ გააჩნია.