სსიპ - ქალაქ ფოთის №12 საჯარო სკოლა

მისია-- სკოლის მისიაა აღზარდოს ჰუმანური, ტოლერანტული და პატრიოტული ღირებულებების მატარებელი მოქალაქე, რომელსაც გაცნობიერებული აქვს საკუთარი პასუხისმგებლობა ოჯახის, საზოგადოებისა და ქვეყნის წინაშე. ხელი შეუწყოს მოზარდის სულიერი და კულტურული ღირებულებების ჩამოყალიბებას; განუვითაროს მოსწავლეებს დამოუკიდებლად ცოდნის მიღების უნარი, რათა მათ საკუთარი შესაძლებლობებისა და ინტერესების უწყვეტი განვითარების გზით შეძლონ ადგილის დამკვიდრება საზოგადოებაში. ხედვა-- 2030 წლისთვის სკოლამ უნდა შეძლოს სწავლა-სწავლების მაღალი ხარისხის უზრუნველყოფა სამოქალაქო განათლებისა და STEM საგნების მიმართულებით, კვლევითი უნარების განვითარება მოსწავლეებში ლაბორატორიული საქმიანობის სასწავლო პროცესში უფრო აქტიურად დანერგვით, კლუბ ,,ჩხირკედელა“-ს ჩამოყალიბება/განვითარება ; კომპიუტერული ლაბორატორიის განვითარება-პრინციპით 1 მოსწავლე-1 ლეპტოპი, სკოლის მიერ შეთავაზებული სერვისების გაუმჯობესება საწრეო მუშაობის გზით; ეს ყოველივე კიდევ უფრო მოთხოვნადს გახდის ჩვენს სასწავლო დაწესებულებას, რაც შეიძლება გახდეს კონტიგენტის ზღვრულ რაოდენობამდე გაზრდის მიზეზი. ღირებულებები-- 1. ჩვენი საქმიანობა დაფუძნებულია თანამშრომლობისა და გუნდური მუშაობის პრინციპებზე - გუნდურობა 2. ვზრუნავთ პროფესიულ განვითარებაზე- უწყვეტი პროფესიული ზრდა 3. ვეძებთ და ვნერგავთ სიახლეებს- ინოვაციურობა 4. ვაცნობიერებთ საკუთარ როლს და ვიზიარებთ პასუხისმგებლობას -მაღალი პროფესიული პასუხისმგებლობა 5. მოვიძიებთ, ვიღებთ და ვიზიარებთ სხვა სკოლების/კოლეგების წარმატებულ გამოცდილებას - ღიაობა 6. ვიზიარებთ და ვითვალისწინებთ სასკოლო საზოგადოების( მოსწავლე/მშობელი) შეხედულებებს - თანამონაწილეობა 7. ვზრუნავთ ობიექტური, სანდო და გამჭვირვალე სკოლის იმიჯის შენარჩუნებასა და დაცვაზე-საქმისადმი ერთგულება.

სსიპ ქალაქ ფოთის N12 საჯარო სკოლის სტრუქტურა მოიცავს: პედაგოგიურ საბჭოს, სამეურვეო საბჭოს, მოსწავლეთა თვითმმართველობას, დისციპლინურ კომიტეტს; სკოლის დირექციას -- დირექტორსა და დირექტორის მოადგილეს; ბუღალტერს; მატერიალურ ტექნიკური უზრუნველყოფის კოორდინატორს თავისი ტექნიკური პერსონალით; ბიბლიოთეკარს; სპეციალურ მასწავლებელს; სსსმ მოსწავლის ასისტენტს; ფსიქოლოგს; სკოლის ექიმს; სკოლაში შეიძლება შეიქმნას სააპელაციო კომიტეტი. წყარო: საქართველოსგანათლებისა და მეცნიერების მინისტრის ბრძანება №448 „ზოგადსაგანმანათლებლოდაწესებულებების საჯარო სამართლის იურიდიულ პირებად დაფუძნებისა და საჯარო სკოლის წესდებისდამტკიცების შესახებ“ https://matsne.gov.ge/ka/document/view/61480?publication=0

სსიპ ქალაქ ფოთის N12 საჯარო სკოლაში ფუნქციონირებს სხვადასხვა მოსწავლეთა საუკეთესო ინტერესენზე მორგებული საგანმანათლებლო პროგრამები და მხარდაჭერის სერვისები: ფასიანი წრე --- გახანგრძლივებული სწავლების სერვისი დაწყებით საფეხურზე; უკვე წლებია წარმატებით მუშაობს ახალგაზრდული ტექნოლოგიების კლუბი "ტექნოკლუბი" ევროკავშირის ეგიდითა და ილიას სახელმწიფო უნივერსიტეტის მხარდაჭერით; ეფექტურად მუშაობს მოსწავლეთა თვითმმართველობის მიერ ორგანიზებული კლუბი: "თანადგომა"; ფუნქციონირებს თბილისის დებატებისა და განათლების უნივერსიტეტის თაოსნობით შექმნილი, მოსწავლეთა კრიტიკულ და არგუმენტირებულ მსჯელობაზე ორიენტირებული დებატების კლუბი -- "Guide -- დებატები უკეთესი განათლებისთვის" -- ("დებატ კლუბი") , კლუბის აქტიური მხარდამჭერები არიან ბ. პატარკაციშვილის ფონდი და საქართველოს მეცნიერებისა და განათლების სამინისტრო; stem მიმართულებით მუშაობს კეთებით სწავლებაზე ორიენტირებული კლუბი "ჩხირკედელა" ; საზოგადოებრივი მეცნიერებების კათედრაზე ფუნქციონირებს "ნორჩ ისტორიკოსთა კლუბი" დაწყებით საფეხურზე კითხვისა და რაოდენობრივი მსჯელობის უნარის განვითარებას ხელს უწყობს რემედიაციის პროგრამა, რომლითაც აქტიურად სარგებლობენ დაინტერესებული მხარეები; სკოლა ყოველწლიურად მონაწილეობს შეფასებისა და გამოცდების ეროვნული ცენტრის მიერ შემოთავაზებულ პროექტში "შეფასება განვითარებისთვის" (ჩართულია მე-4 და მე-6 კლასები -- ქართულსა და მათემატიკაში )

სსიპ ქალაქ ფოთის N12 საჯარო სკოლა ფუნქციონირებს საკუთარი შინაგანაწესით, რომელიც შემუშავებული და დამტკიცებულია სკოლის სამეურვეო საბჭოს მიერ.

სსიპ ქალაქ ფოთის N12 საჯარო სკოლის ინფრასტრუქტურა მოიცავს ერთ ძირითად ნაგებობას, რომელიც რეაბილიტირებულია და აღჭურვილია ქიმიის, ფიზიკის, ბიოლოგიის, კომპიუტერული ტექნოლოგიების ლაბორატორიებით. ფუნქციონირებს ცენტრალური წყალმომარაგების, საკანალიზაციო და გათბობის სისტემები. სკოლას გააჩნია სრულად აღჭურვილი სამედიცინო კაბინეტი, სსსმ მოსწავლეებისათვის განკუთვნილი სივრცე ანუ რესურს ოთახი; ბუფეტი, სპორტული დარბაზი. კაბინეტები აღჭურვილია ჭკვიანი დაფებითა და პროექტორებით; სკოლის ეზო შემოსაზღვრულია ღობით, სკოლის შიდა და გარე პერიმეტრი აღჭურვილია უსაფრთხოების კამერებით; სამივე სართულზე განთავსებულია ხანძარ საწინააღმდეგო აღჭურვილობა;

სსიპ ქალაქ ფოთის N12 საჯარო სკოლის ფინანსური რესურსი შედგება საბიუჯეტო ვაუჩერული დაფინანსებისაგან და სკოლის ეკონომიკური საქმიანობით მიღებული სარგებლისაგან (ფასიანი წრეები და იჯარა).