სსიპ - ცაგერის მუნიციპალიტეტის სოფელ ლაცორიის საჯარო სკოლა

სკოლის მისია სასკოლო გუნდის პროფესიონალიზმის მუდმივი განვითარებისა და განათლების მაღალი ხარისხის მხარდაჭერის საფუძველზე, ინკლუზიური, სახელობო, ინოვაციური და ციფრული სასწავლო გარემოს შექმნითა და პროფესიული ორიენტაციის მხარდაჭერით, გლობალური ფუნქციური უნარების მქონე, ქვეყნის ღირსეული მოქალაქეების აღზრდა. ხედვა სსიპ ცაგერის მუნიციპალიტეტის სოფელ ლაცორიის საჯარო სკოლა 2038 წელს იქნება გლობალური ფუნქციური უნარების მქონე მოქალაქეების აღმზრდელი ბრენდირებული/კონკურენტუნარიანი სასწავლო დაწესებულება, რომელიც ინოვაციური, ინკლუზიური, ციფრული მიდგომებით ქმნის კადრების პროფესიული განვითარების, სწავლების მაღალ ხარისხის, საშუალო და მრავალ პროფილური სახელობო განათლების მიღების საფუძველებს. ღირებულებები სსიპ ცაგერის მუნიციპალიტეტის სოფელ ლაცორიის საჯარო სკოლის აკადემიური და ადმინისტრაციული პერსონალი ხელმძღვანელობს სასწავლო პროცესში ჩართული მხარეების საუკეთესო ინტერესებით და საქმიანობას წარმართავს შემდეგ ღირებულებებზე დაყრდნობით: თანამშრომლობა: ჩვენ ღია ვართ თემთან, მოსწავლეებთან, მშობლებთან, მასწავლებლებთან და განათლების სფეროში მოღვაწე დაინტერესებულ მხარეებთან თანამშრომლობისთვის. მხარს ვუჭერთ მოსწავლეთა ინიციატივებს. განვიხილავთ სიახლეებს, წინადადებებს, განსხვავებულ პოზიციებს. ორიენტირებული ვართ პრობლემების გადაჭრაზე და საუკეთესო პრაქტიკის გაზიარებაზე. განვითარება და ინოვაციურობა: სისტემატიურად ვაფასებთ ჩვენს საქმიანობას და შედეგებზე დაყრდნობით ვგეგმავთ განვითარების ინოვაციურ გზებს. ვზრუნავთ საკუთარი პროფესიული და პიროვნული განვითარებისთვის, რაც პირდაპირ აისახება სწავლის ხარისხზე. სასწავლო პროცესში გამოიყენება მრავალფეროვანი სასწავლო რესურსები, აქტიურად ვცდილობთ სკოლაში დავნერგოთ განათლების სფეროში მიმდინარე სიახლეები და ყოველთვის ორიენტირებულნი ვართ განვითარებაზე. გუნდური მუშაობა - სკოლის პრიორიტეტია მიაღწიოს საერთო მიზანს. ამისთვის მნიშვნელოვანია, რომ საგანმანათლებლო სივრცეში მიმდინარე ყველა პროცესში, თავისი კომპეტენციების ფარგლებში , ჩართული იყოს სკოლის პერსონალი, მოსწავლეები და მშობლები. ჩვენთვის მნიშვნელოვანია თემის ჩართულობა, რაც გვაძლევს შესაძლებლობას გამოვიყენოთ ბაღის, სკოლის უნივერსიტეტის რესურსები აღსაზრდელი თაობის მომავლის ფორმირებისათვის. ვზრუნავთ ყველამ გამოხატოს პატივისცემა სხვისი წარმატების მიმართ. აღიაროს და დააფასოს არ მხოლოდ საკუთარი დამსახურება. პასუხისმგებლობა - სკოლა ორიენტირებულია მიზანზე, სადაც ყველა პასუხისმგებლობას იღებს თავის არჩევანზე, წარმატებაზე და წარუმატებლობაზე. წახალისებული და მხარდაჭერილია მოსწავლეთა ინიციატივები და იდეები. ეს ქმნის გარემოს, სადაც არ ეშინიათ შეცდომების დაშვების, რაც მოსწავლეებს უქმნის სკოლისადმი მიკუთვნებულობის მაღალ განცდას.