სსიპ - დუშეთის მუნიციპალიტეტის სოფელ ბარისახოს საჯარო სკოლა

სკოლა ფუნქციონირებს 1938 წლიდან, ხოლო 2019 წლიდან სკოლის ბაზაზე ხორციელდება პანსიონური მომსახურება ჩვენი თემის იმ მოსწავლეებისთვის, რომელთა საცხოვრებელი სკოლიდან 20-25 კმ.არის დაშორებული.სკოლის უმთავრესი ამოცანაა თემის განვითარებაზე ზრუნვა და ჩვენი თემის მოსწავლე/ახალგაზრდების ჰოლისტური (შემეცნებითი, ფიზიკური, ფსიქო-სოციალური) განვითარება. ლიბერალურ და დემოკრატიულ ღირებულებებზე დამყარებული სამოქალაქო ცნობიერების ჩამოყალიბება, საზოგადოებისა და სახელმწიფოს წინაშე უფლება-მოვალეობების გაცნობიერება. სწავლისადმი, როგორც განგრძობადი პროცესისადმი ინტერესის გაღვივება და 21-ე საუკუნის პასუხისმგებლიანი მოქალაქისთვის საჭირო უნარ-ჩვევებით აღჭურვა. თემში მცხოვრებ მოსწავლე/ახალგაზრდებს, გეოგრაფიული ხელმისაწვდომობის გაზრდის მიზნით, სკოლა სთავაზობს პანსიონურ მომსახურებას სკოლის ბაზაზე და განათლების მიღების შესაძლებლობას სოციალური ინკლუზიით როგორც ფორმალური, ასევე, არაფორმალური განათლების მიმართულებით, მოსწავლის ინტერესსა და საჭიროებებზე მორგებული პროექტული და კლუბური მუშაობის მეთოდით.

სკოლას შემუშავებული აქვს სხვადასხვა სახის მხარდაჭერის სერვისი,რაც უზრუნველყოფს სწავლა/სწავლების მაღალ ხარისხს.ჩვენი სკოლა ორიენტირებულია თემის განვითარებაზე,ამიტომ ჩვენთვის მეტად მნიშვნელოვანია გუნდურობა,საერთო მიზნისკენ სწრაფვა,პასუხისმგებლობის გაცნობიერება იმ საქმის მიმართ, რასაც სასკოლო საზოგადოების თითოეული წევრი ემსახურება.ჩვენი მიზანია,სკოლის სწრაფი ტემპით განვითარება და მზარდობა,რაც განპირობებულია სწორედ განათლების მაღალი ხარისხითა და სწავლა/სწავლების ინოვაციური მეთოდებით წარმართვით.ყოველი ინიციატივა, რომელიც სკოლისა და თემის განვითარების ხელშემწყობია მხარდაჭერილია და გაზიარებული სასკოლო საზოგადოების მიერ.სკოლის ბაზაზე ხორციელდება პანსიონური მომსახურება,გეოგრაფიული ხელმისაწვდომობის მიზნით, რათა ჩვენი თემის ყოველი მოსწავლე/ახალგაზრდა თანაბრად სარგებლობდეს განათლების მიღების უფლებით.ჩვენი სკოლა ბენეფიციარებს სთავაზობს როგორც ფორმალური,ასევე არაფორმალური განათლების მიღების შესაძლებლობას პროექტული და კლუბური მუშაობით. ასევე, სკოლა უზრუნველყოფს მოსწავლეთა მხარდაჭერას როგორც ფსიქო-სოციალური ,ასევე მატერიალური თვალსაზრისით.ჩვენს სკოლას ჰყავს სათანადო ადამიანური რესურსი,განათლების მაღალი ხარისხის უზრუნველსაყოფად. სკოლაში ხორცელდება სხვადასხვა საგანმანათლებლო თუ სოციალური პროექტი ინოვაციების დანერგვისა და სოციალიზაციის მიზნით.სკოლა ყოველწლიურად მონაწილეობს საგრანტო კონკურსებში, რათა მიღებული გრანტით სკოლა სრულად აღიჭურვოს განახლებული საჭირო რესურსით.

სკოლას შემუშავებული აქვს მთელი რიგი დოკუმენტები,რომლითაც რეგულირდება როგორც ქცევის წესები, ასევე აპელაციის მექანიზმები.ჩვენთვის მნიშვნელოვანია აღნიშნული წესების დაცვა სასკოლო საზოგადოების თითოეული წევრის მიერ.ასევე მნიშვნელოვანია დაცული იყოს ჩვენი მოსწავლეების,მასწავლებლებისა და სხვა დასაქმებული პირების უსაფრთხოება და საზოგადოებრივი წესრიგი,რასაც განაპირობებს სწორედ მართული ქცევა და უსაფრთხო,კეთილგანწყობილი გარემო,რასაც ჩვენი სკოლა სთავაზობს სასკოლო საზოგადოების თითოეულ წევრს.

2023 წელს სკოლას ჩაუტარდა სრული რეაბილიტაცია. მოეწყო გარე სპორტული მოედანი,შიდა სპორტული დარბაზი,რომელიც სრულად არის აღჭურვილი სპორტული ინვენტარით,მოეწყო ლაბორატორიები (კომპიუტერული და საბუნებისმეტყველო), რომელიც ასევე სრულად არის აღჭურვილი ახალი ინვენტარით.მოეწყო ცენტრალური გათბობის სისტემა და სახანძრო უსაფრთხოების სისტემა თანამედროვე სტანდარტების შესაბამისად. სკოლაში შექმნილია პოზიტიური,ჯანსაღი,კეთილმოწყობილი და უსაფრთხო გარემო. სკოლა სრულად ადაპტირებულია შშმ პირთათვის.

სკოლას აქვს დამტკიცებული ბიუჯეტი, რომელიც ითვალისწინებს სკოლის საჭიროებებს. სკოლის ბიუჯეტის ცვლილება ხდება საჭიროებიდან გამომდინარე, სამეურვეო საბჭოს თანხმობით. ამ ეტაპზე სკოლის სამეურვეო საბჭოს შეჩერებული აქვს უფლებამოსილება ვადის ამოწურვამდე, „ზოგადი განათლების შესახებ“ კანონის მე-40 მუხლის „გ“ პუნქტის „გ.ა“,“გ.ბ.“და „გ.გ.“ ქვეპუნქტების შესაბამისად.ამიტომ სკოლის ბიუჯეტს ამტკიცებს დირექტორი პედაგოგიურ საბჭოსთან შეთანხმების საფუძველზე.