სსიპ - ყვარლის მუნიციპალიტეტის სოფელ თივის საჯარო სკოლა

სკოლის მისია სსიპ ყვარლის მუნიციპალიტეტის სოფელ თივის საჯარო სკოლის მისიაა მივცეთ მოსწავლეებს სათანადო საბაზო განათლება, შევქმნათ სკოლაში შრომისა და სწავლების მაღალი მოტივაცია. დავამეგობროთ და გავაღრმაოთ მეგობრობა ავარელ და ქართველ ბავშვებს შორის, დავეხმაროთ ბავშვებს მათი შესაძლებლობების სრულ გამოვლენაში. შევქმნათ სკოლაში თანამშრომლობისა და პატივისცემის ატმოსფერო. სკოლის ხედვა სკოლის ხედვაა მოვამზადოთ სკოლა აკრედიტაციისთვის,დავნერგოთ სკოლაში სკოლის ახალი მოდელი.გავაგრძელოთ მუშაობა რათა სკოლაში იყოს უსაფრთხო,თანამშრომლობითი და კეთილგანწყობილი გარემო. ზოგადსაგანმანათლებლო დაწესებულების ღირებულებები სკოლა უპირველეს ყოვლისა, ხელმძღვანელობს სასწავლო პროცესში ჩართული პირების საუკეთესო ინტერესებით და საქმიანობას წარმართავს შემდეგ ღირებულებებზე დაყრდნობით: • გამჭირვალობა: ჩვენი საქმიანობა, ხედვები და ღირებულებები საჯაროდაა ხელმისაწვდომი და წინასწარ ცნობილია ყველა დაინტერესებული პირისათვის, უზრუნველყოფილია სკოლის საქმიანობის შესახებ ინფორმაციის საჯაროობა. • მიუკერძოებლობა: ჩვენ უზრუნველვყოფთ, რომ სკოლის მიერ მიღებული გადაწყვეტილებები შეესაბამება მოქმედ კანონმდებლობასა და ითვალისწინებს დაინტერესებულ მხარეთა საუკეთესო ინტერესებს. • თანამშრომლობა: ჩვენ ღია ვართ დაინტერესებულ მხარეებთან თანამშრომლობისათვის. კონსტრუქციულად განვიხილავთ სიახლეებს, წინადადებებს, განსხვავებულ პოზიციებსა და ორიენტირებულნი ვართ პრობლემების გადაჭრაზე. • ობიექტურობა: ჩვენ მიერ განხორციელებული შეფასებები, ეფუძნება ეროვნულ სასწავლო გეგმას და ფაქტობრივ გარემოებებს. დადგენილი პროცედურები მაქსიმალურად გამორიცხავს შეფასებაში მონაწილე პირების სუბიექტივიზმს. • განვითარება და ინოვაციურობა: სისტემატურად ვაფასებთ ჩვენს საქმიანობას და შეფასების შედეგებზე დაყრდნობით, ვგეგმავთ განვითარების ინოვაციურ გზებს. არ ვერიდებით სიახლეების დანერგვას.

წინამდებარე (შემდგომში – ,,სკოლა”) შინაგანაწესი (შემდგომში – ,,შინაგანაწესი”) ვრცელდება სსიპ ყვარლის მუნიციპალიტეტის სოფელ თივის საჯარო სკოლაში დასაქმებულ პირებზე, მოსწავლეებსა და მათ მშობლებზე/კანონიერ წარმომადგენლებზე, ასევე სკოლის ტერიტორიაზე მყოფ ნებისმიერ პირზე და სავალდებულოა შესასრულებლად. შინაგანაწესი წარმოადგენს სკოლასა და სკოლაში დასაქმებულებს შორის გაფორმებული შრომითი ხელშეკრულების განუყოფელ ნაწილს. დასაქმებული ვალდებულია გაეცნოს შინაგანაწესს და აღნიშნული დაადასტუროს საკუთარი ხელმოწერით. სკოლა ვალდებულია დასაქმებულს გააცნოს შრომის შინაგანაწესში შეტანილი ცვლილება მისი შეტანიდან 14 კალენდარული დღის ვადაში. შინაგანაწესი ხელმისაწვდომია ყველა დაინტერესებული პირისათვის.