სსიპ - ავლიპი ზურაბაშვილის სახელობის ქალაქ სიღნაღის საჯარო სკოლა

მისია სკოლის მისიაა მოსწავლეთა პოტენციალის გამოვლენა და განვითარება,რათა ისინი ჩამოყალიბდნენ სიახლის შეცნობის მსურველ,განათლებულ და მზრუნველ მოქალაქეებად;იყვნენ ეროვნული თვითმყოფადობის დამცველნი და შეძლონ კულტურული უწყვეტობით, მასზე დაყრდნობით გლობალურ სამყაროში თვითრეალიზაცია. ხედვა სკოლის გუნდს გააზრებული აქვს,რომ ქ.სიღნაღის საჯარო სკოლა მომავალში იქნება სასკოლო ცხოვრებითა და კულტურით გამორჩეული სკოლა მუნიციპალიტეტში. სკოლა ორიენტირებული იქნება იმაზე,რომ მოსწავლეებს შესთავაზოს მაღალკვალიფიციური და მრავალფეროვანი სწავლა-სწავლების ფორმები,რომელთა საშუალებითაც თანამედროვე მოზარდი შეძლებს დაეუფლოს 21-ე საუკუნეში საჭირო უნარებსა და საგნობრივ კომპეტენციებს.იმავდროულად,საინტერესო სასკოლო კურიკულუმის ფარგლებში მოსწავლე შეძლებს, დაიკმაყოფილოს და განივითაროს პიროვნული მისწრაფებები, როგორებიცაა: სპორტი, ხელოვნება, გამომგონებლობა, თანამედროვე ტექნოლოგიები,სამოქალაქო აქტივობა,ლიდერობა და ჯგუფებთან კომუნიკაცია. ღირებულებები კეთილგანწყობილი გარემო, სადაც ხელშეწყობილი იქნება მოსწავლეებისა და მასწავლებლების ინიციატივა, სასკოლო საზოგადოების ყველა წევრს ექნება საკუთარი აზრის გამოხატვის შესაძლებლობა, ურთიერთპატივისცემა და მაღალი პასუხისმგებლობა; ცოდნასა და განვითარებაზე ორიენტირებული გარემო, რომელიც უზრუნველყოფს მოსწავლეთა კრიტიკული და შემოქმედებითი აზროვნების ჩამოყალიბებასა და გაუმჯობესებას, პრობლემების ანალიზისა და გადაჭრის უნარების გამომუშავებას; ინკლუზიური და ტოლერანტული გარემო, სადაც დაფასებულია ადამიანის ინდივიდუალური ნიშან-თვისებები და განსხვავებულობა, დაგმობილია პიროვნებისადმი უპატივცემულო და ღირსების შემლახველი მოპყრობა, სიტყვიერი თუ ფიზიკური შეურაცხყოფა, ბულინგი; ჯანსაღი გარემო, რომელიც უზრუნველყოფს დაბალანსებულ პროგრამას (აკადემიური და კლასგარეშე აქტივობები, სპორტი, დასვენება და კვება), რომლის ფარგლებშიც მოსწავლე მიიღებს სიღრმისეულ განათლებას სტრესისგან თავისუფალ გარემოში და შეინარჩუნებს ბავშვობისათვის დამახასიათებელ სილაღეს და თავისუფლებას.

• სამეურვეო საბჭო; • სკოლის დირექცია; • პედაგოგიური საბჭო; • მოსწავლეთა თვითმმართველობა; • დისციპლინური კომიტეტი;

სკოლის შიდა რეგულაციებით ხორციელდება მოსწავლის კანონით გათვალისწინებული უფლებების დაცვისა და გარანტიების უზრუნველყოფა.უფლებების დაცვის სასკოლო რეგულაციები გამჭვირვალეა და გაზიარებულია სასკოლო საზოგადოებასთან.

სკოლაში არსებობს თანმშრომლების, მოსწავლეების მშობლების/კანონიერი წარმომადგენლის გადაწყვეტილების გასაჩივრების, ასევე საჩივრების განხილვის სისტემა. სკოლაში შექმნილია დისციპლინური კომიტეტი, რომელსაც გადაეცემა განსახილველად სკოლაში შემოსული და რეგისტრაციაში გატარებული საჩივარი.

სკოლა უზრუნველყოფს საგანმანთლებლო საქმიანობისთვის შესაბამის ინფრასტრუქტურასა და მატერიალურ რესურსს მინიმუმ ავტორიზაციის ვადითა და დადგენილი მოსწავლეთა ადგილების ზღვრული რაოდენობის გათვალისწინებით

სსიპ ავლიპე ზურაბიშვილის სახელობის ქალაქ სიღნაღის საჯარო სკოლაში სამეურვეო საბჭოს მიერ დამტკიცებულია 2026 წლის ბიუჯეტი , სახელწიფო შესყიდვების გეგმა და შესყიდვებზე პასუხისმგებელი პირი.