სსიპ - ჯამბულ წურწუმიას სახელობის ქალაქ თბილისის №94 საჯარო სკოლა

სკოლის მისია: სკოლა ქმნის ხელსაყრელ პირობებს ეროვნული და ზოგადსაკაცობრიო ღირებულებების მატარებელი, თავისუფალი პიროვნების ჩამოყალიბებისთვის; უზრუნველყოფს მოსწავლეთა აღზრდისა და სწავლების მაღალ ხარისხს ფიზიკურად და ფსიქოლოგიურად დაცულ გარემოში, ხელს უწყობს გონებრივი და ფიზიკური უნარ-ჩვევების განვითარებას, დემოკრატიულ ღირებულებებზე დამყარებული სამოქალაქო ცნობიერების ჩამოყალიბებას; ქმნის გარემოს, რომელშიც მოსწავლეები ივითარებენ კულტურული ღირებულებებისა და მრავალფეროვნების პატივისცემის უნარს, აცნობიერებენ ინტერკულტურული დიალოგის მნიშვნელობას პოზიტიური სასკოლო გარემოს შესაქმნელად და თავად არიან მისი შექმნის მონაწილეები. სკოლის ხედვა: სსიპ ჯამბულ წურწუმიას სახელობის ქალაქ თბილისის N94 საჯარო სკოლა არის ღია საზოგადოება, რომელიც წარმოადგენს ხარისხიანი განათლების, უსაფრთხო ,პოზიტიური გარემოსა და მოსწავლეების დემოკრატ , მოაზროვნე, წიგნიერ, დამოუკიდებელ, გლობალურ , ინტელექტუალური თუ სულიერი ღირებულებების მქონე მოქალაქეებად ჩამოყალიბების ყველაზე კონკურენტუნარიან კერას( ჰაბი)თემში. სკოლის ღირებულებები:სკოლა უპირველეს ყოვლისა, ხელმძღვანელობს სასწავლო პროცესში ჩართული პირების საუკეთესო ინტერესებით და საქმიანობას წარმართავს შემდეგ ღირებულებებზე დაყრდნობით: • გამჭირვალობა: ჩვენი საქმიანობა, ხედვები და ღირებულებები საჯაროდაა ხელმისაწვდომი და წინასწარ ცნობილია ყველა დაინტერესებული პირისათვის, უზრუნველყოფილია სკოლის საქმიანობის შესახებ ინფორმაციის საჯაროობა. • მიუკერძოებლობა: ჩვენ უზრუნველვყოფთ, რომ სკოლის მიერ მიღებული გადაწყვეტილებები შეესაბამება მოქმედ კანონმდებლობასა და ითვალისწინებს დაინტერესებულ მხარეთა საუკეთესო ინტერესებს. • თანამშრომლობა: ჩვენ ღია ვართ დაინტერესებულ მხარეებთან თანამშრომლობისათვის. კონსტრუქციულად განვიხილავთ სიახლეებს, წინადადებებს, განსხვავებულ პოზიციებსა და ორიენტირებულნი ვართ პრობლემების გადაჭრაზე. • ობიექტურობა: ჩვენ მიერ განხორციელებული შეფასებები, ეფუძნება ეროვნულ სასწავლო გეგმას და ფაქტობრივ გარემოებებს. დადგენილი პროცედურები მაქსიმალურად გამორიცხავს შეფასებაში მონაწილე პირების სუბიექტივიზმს. • განვითარება და ინოვაციურობა: სისტემატურად ვაფასებთ ჩვენს საქმიანობას და შეფასების შედეგებზე დაყრდნობით, ვგეგმავთ განვითარების ინოვაციურ გზებს. არ ვერიდებით სიახლეების დანერგვას.

სკოლის სტრუქტურა

მოსწავლეთა მხარდაჭერის დოკუმენტი

გასაჩივრების წესი