სსიპ - საგარეჯოს მუნიციპალიტეტის სოფელ კაკაბეთის საჯარო სკოლა

სსიპ საგარეჯოს მუნიციპალიტეტის სოფელ კაკაბეთის სკოლის ფილოსოფია მისია სკოლის მისიაა შევუქმნათ მოსწავლეებს/სტუდენტებს გონებრივი და ფიზიკური განვითარებისთვის პიროვნული პოტენციალის გამოვლენის, ტოლერანტული სულისკვეთების და იდენტობის ჩამოყალიბებისთვის ხელსაყრელი გარემო. სკოლა მოწოდებულია აღზარდოს მოქალაქეები, რომლებსაც შეეძლება გადაწყვეტილებების დამოუკიდებლად მიღება, საკუთარი მიღწევების პრაქტიკაში გამოყენება, რათა საკუთარი წვლილი შეიტანონ საქართველოს სოციალურ, ეკონომიკურ და კულტურულ განვითარებაში და ხელი შეუწყონ ქვეყნის მდგრად განვითარებას. პროფესიული საგანმანათლებლო პროგრამების დანერგვით და განხორციელებით, სკოლამ შეძლოს პროფესიული სტუდენტებისათვის მაღალ დონეზე სწავლების განხორციელება და შრომის ბაზარზე ორიენტირებული, კონკურენტუნარიანი, კვალიფიციური კადრების მომზადების უზრუნველყოფა; ხედვა სკოლაში სწავლა-სწავლების მაღალი ხარისხის სისტემა მოსწავლეებს/სტუდენტებს და ზოგადად კურსდამთავრებულებს მისცემს შესაძლებლობას, გააკეთონ საუკეთესო არჩევანი თავიანთი კომპეტენციებისა და შესაძლებლობების განსავითარებლად, საკუთარი ბიზნესის წამოწყებისა თუ თვითდასაქმების ხელშესაწყობად; რაც, თავის მხრივ მოგვცემს მდგრადი, ცოდნაზე დაფუძნებული და ძლიერი სამოქალაქო საზოგადოების ჩამოყალიბებას. ჩვენი სკოლის პრიორიტეტია 2030 წლისთვის საქართველოს საუკეთესო სკოლებს შორის დამკვიდრება და ძლიერი პროფესიული საგანმანათლებლო პროგრამების განმახორციელებელ დაწესებულებად ჩამოყალიბება ძლიერი პროფესიონალი გუნდით, თანამედროვე საგანმანათლებლო სივრცით. ღირებულებები გუნდურობა თანამშრომლობითი კულტურა დემოკრატიულობა ინოვაციურობა ადამიანის უფლებათა დაცვაზე ორიენტირებულობა განვითარებაზე ორიენტირებულობა მოსწავლეთა/პროფესიულ სტუდენტთა საუკეთესო ინტერესების მხარდაჭერა გამჭვირვალობა და ღიაობა უსაფრთხო, ინკლუზიური და წამახალისებელი გარემოს შექმნა

დაწყებითი, საბაზო და საშუალო საფეხური. სწავლება ქართულენოვანი. სტრუქტურა იხილეთ ფაილში

კაჭრეთის კოლეჯთან გაფორმებულია მემორანდუმი; მე-8და მე-9კლასის მოსწავლეებთან მიმდინარეობს ,,კულინარიის" სწავლება. სხვადასხვა უნივერსიტეტების წარმომადგენლები ატარებენ საინფორმაციო შეხვედრებს მე-9 - მე-12 კლასის მოსწავლეებთან და აბიტურიენტებთან. და სხვა... ფუნქციონირებს სკოლის ეკოკლუბი და დაგეგმილი ღონისძიებები ხორციელდება რეგულარულად. მიმდინარე პერიოდში მოეწყო სკოლის ეზოს გამწვანება. ნარგავები მოთხოვნის შესაბამისად ადგილობრივი თვითმმართველობის დახმარებით გადმოგვეგზავნა. სკოლაში ჩატარდა მე-2 კლასის ღონისძიება ,,შემოდგომის ზეიმი" . ძალიან მრავალფეროვანი და მრავლისმომცველი იყო მოსწავლეთა შთაბეჭდილებები...ფოტოები ატვირთულია ფაილში.

ქცევის წესები და აპელაციის მექანიზმები შინაგანაწესშია გაწერილი

ინფრასტრუქტურა მოწესრიგებულია. არის კომფორტული მოწესრიგებული ფიზიკური გარემო. დამონტაჟებულია 14 ვიდეოსათვალთვალო კამერა. სკოლას ყავს ორი საგანმანათლებლო მანდატური, სკოლის ექიმი, აქვს კომპიუტერული და საბუნებისმეტყველო ლაბორატორიები სრულად აღჭურვილი, აქვს რესურსოთახი, სპორტული დარბაზი და სხვა..

სკოლის ფინანსური სახსრები მწირია