სსიპ - თელავის მუნიციპალიტეტის სოფელ აკურის საჯარო სკოლა

სსიპ თელავის მუნიციპალიტეტის სოფელ აკურის საჯარო სკოლას შემუშავებული აქვს 2023-2024 სასწავლო წლის მისია, ხედვა და ღირებულებები, რომელიც შეესაბამება ზოგადი განათლების ეროვნულ მიზნებს. მისი შემუშავებისას გათვალისწინებულია სასკოლო საზოგადოების ყველა წევრის ინტერესები და საჭიროებები. სკოლას გააზრებული აქვს, რომ მნიშვნელოვანია თითოეულ მათგანს ჰქონდეს მიკუთვნებულობისა და თანაშემოქმედობითობის განცდა.

სსიპ თელავის მუნიციპალიტეტის სოფელ აკურის საჯარო სკოლის სტრუქტურა: 1.მმართველობით ძირითად პროცესებზე პასუხისმგებელი პირები: სკოლის დირექტორი, დირექტორის მოადგილე, სამეურვეო საბჭო, ბუღალტერი, პედაგოგიური საბჭო, მოსწავლეთა თვითმმართველობა, დისციპლინური კომიტეტი. 2. მმართველობით პროცესებზე დამხმარე პასუხისმგებელი პირები: სკოლის საქმისმწარმოებელი, მატერიალურ ტექნიკური უზრუნველყოფის კოორდინატორი, საინფორმაციო მენეჯერი, ბიბლიოთეკარი, ექიმი, ხარისხის განვითარებისა და პროფესიული მხარდაჭერის ჯგუფი, საგნობრივი კათედრები, სპეციალური მასწავლებლები, სპეციალური საგანმანათლებლო საჭიროების პირის ასისტენტი, ღამის დარაჯები, დამლაგებლები. მათი მოვალეობები სკოლაში გამოკრულია თვალსაჩინო ადგილას.

სკოლას აქვს სამინიტროს მიერ შემუშავებული შინაგანაწესის პირველად ფორმაზე დაყრდნობით სკოლის ინდივიდუალური საჭიროებებიდან გამომდინარე პედაგოგიურ საბჭოსთან შეთანხმებული და სამეურვეო საბჭოს მიერ დამტკიცებული შინაგანაწესი, რომლის შემუშავებაში მონაწილეობდნენ სასკოლო საზოგადოების წევრები, მასწავლებლები, სამეურვეო საბჭოში შემავალი მშობლები, თვითმართველობის წარმომადგენელი. სასწავლო წლის დაწყებამდე სკოლასა და მშობელს შორის ფორმდება ხელშკრულება , რომლითაც განსაზღვრულია: სკოლის უფლება-მოვალეობები , მშობელთა/კანონიერ წარმომადგენელთა უფლებები, მოსწავლის პერსონალური მონაცემების გამოყენება, სასწვლო დრო, დასვენების დრო , უქმე დღეები . ხელშეკრულების მოქმედების ვადა და ხელშეკრულების შეწყვეტის წესი. სკოლის ადმინისტრაცია, სკოლის დირექციასთან ერთად, შინაგანაწესის სრული დაცვით უზრუნველყოფს სკოლაში უსაფრთხო გარემოს შექმნას. სკოლაში დამტკიცებულია ბავშვის მიმართ განხორციელებულ ძალადობასთან დაკავშირებული შიდა ინსტრუქცია, ასევე, განსაზღვრულია რეფერირების პროცედურების განხორციელებაზე უფლებამოსილი პირი, რომელიც შიდა წესის შესაბამისად, უზრუნველყოფს მოსწავლეთ უფლებების დაცვას. ამასთანავე, სკოლაში შექნილია დისციპლინური კომიტეტი და სამეურვეო საბჭო, სადაც მოსწავლეები ახდენენ თავიანთი უფლებების დაცვისა და გარანტიების უზრუნველყოფას. სკოლის თანამშრომლის ან მოსწავლის მიერ მოსწავლის უფლებების დარღვევის შემთხვევაში, ტარდება ადმინისტრაციული წარმოება კანონმდებლობით დადგენილი წესის შესაბამისად და დარღვევის დადასტურების შემთხვევაში შესაბამის პირს ეკისრება დისციპლინური სახდელი. საჩივრის შემთხვევაში მოსწავლეს შეუძლია მიმართოს სკოლის ადმინისტრაციას, დირექციას, მანდატურს, რომელთა მიერ ხდება სათანადო ღონისძიებების გატარება. მოსწავლეთა ჯანმრთელობის უფლების დაცვას ახორციელებს სკოლის კვალიფიციური ექიმი. სკოლას აქვს მოსწავლეთა უფლებების დაცვის სასკოლო რეგულაციები , რომელიც ჩაშენებულია შინაგანაწესში და მშობლებთან/ კანონიერ წარმომადგენლებთან სასწავლო წლის დასაწყისში კლასის დამრიგებლის მიერ მოწვეულ მშობელთა კრებებზე ხდება მისი გაცნობა, რაც ფორმდება- დასტურდება მშობელთან კრების ოქმით . ზოგადი განათლების შესახებ“ საქართველოს კანონის მე-9 მუხლის 6 1 პუნქტის შესაბამისად, სკოლასა და მშობელს/კანონიერ წარმომადგენელს შორის უნდა გაფორმდეს ხელშეკრულება. ზემოაღნიშნულის დაცვით, ყოველწლიურად, ასევე, მობილობის საფუძველზე, ახალი მოსწავლის სკოლაში ჩარიცხვისას სკოლასა და მოსწავლის კანონიერ წარმომადგენელთან/მშობელთან ფორმდება ხელშეკრულება საგანმანათლებლო მომსახურების შესახებ, რომელიც შეესაბამება მოქმედ კანონმდებლობას. ხელშეკრულებაში დეტალურადაა გაწერილი სკოლის ვალდებულებები, მშობლისა და მოსწავლის უფლება-მოვალეობები, მოსწავლეთა და მშობელთა პერსონალური მონაცემების დაცვის მექანიზმი და წესი, სკოლის საქმიანობის ძირითადი მიმართულება და ზოგადი ქცევის წესი. მოსწავლის კანონით გათვალისწინებული უფლებების დაცვის სასკოლო რეგულაციები გამჭვირვალეა და გაზიარებულია სასკოლო საზოგადოებაში. მოსწავლის კანონით გარანტირებული უფლებების დაცვის ამსახველი დოკუმენტი შინაგანაწესი გამოკრულია სკოლის თვალსაჩინო ადგილზე. აღნიშნულის გაცნობის უფლება აქვს ყველა დაინტერესებულ პირს. მოსწავლესთან/მის კანონიერ წარმომადგენელთან გაფორმებულია კანონმდებლობის შესაბამისი გამჭვირვალე და მკაფიო ხელშეკრულება, სადაც გაწერილია სკოლის უფლებები და მოვალეობები, მშობლის/კანონიერი წარმომადგენლების უფლებები და მოვალეობები, მოსწავლის უფლებები და მოვალეობები, მოსწავლეთა პერსონალური მონაცემების გამოყენების წესი და სხვა მნიშვნელოვანი პირობები. სკოლა კანონმდებლობით დადგენილი წესით და სათანადო კვალიფიკაციის მქონე პერსონალის მეშვეობით უზრუნველყოფს დამატებითი/არაფორმალური აქტივობების წახალისებასა და მოსწავლეთა ინიციატივების მხარდაჭერას. კერძოდ, სკოლაში დასაქმებული პერსონალის კვალიფიკაცია შეესაბამება საქართველოში მოქმედ კანონმდებლობას. პერსონალის აქტიური მონაწილეობით იგეგმება სკოლის მოსწავლეთა არაფორმალური აქტივობები როგორიცაა ექსკურსიები, თეატრებში გასვლით ღონისძებები, სასკოლო პროექტები და ა.შ. ყველა აღნიშნული ღონისძება ეწყობა კანონით დადგენილლი პროცედურების დაცვით. სკოლა გამოთქვამს მუდმივ მზადყოფნას, რათა მიიღოს მოსწავლეთა/დაინტერესებულ მხარეთა უკუკავშირი სკოლის პროგრამების, წრეებისა თუ არაფორმალური აქტივობების შესახებ, მიღებული ინფორმაცია გაუზიაროს სასკოლო საზოგადოებას, რათა შეაფასონ წარმოდგენილი უკუკავშირის შესაბამისობა და გაზიარების შემთხვევაში დასახონ მისი გაუმჯობესების გზები და გაითვალისწინონ შემდგომ სასწავლო პროცესში. სკოლამ ქ. თელავის ა(ა) იპ კოლეჯ ,, პრესტიჟი“ -სთან გააფორმა მემორანდუმი ,,სკოლის მოსწავლეებში პროფესილი უნარების განვითარების ქვეპროგრამის“ ფარგლებში ურთიერთთანამშრომლობის შესახებ. პროექტის ფარგლებში მოსწავლეებმა შეისწავლეს თექაზე მუშაობა. სკოლასა და პროფესიულ სასწავლებელს შორის გაფორმდა მემორენდუმი. სკოლის მიერ შერჩეული იქნა მოსწავლეების ჩართულობაზე პასუხისმგებელი პირი. სკოლას მიღება-ჩაბარების აქტით გადმოეცა სამუშაო ინვენტარი. პროფესიული კოლეჯის წარმომადგენელი დადგენილი გრაფიკის მიხედვით, სკოლის მიერ სპეციალურად მოწყობილ სივრცეში, მუშაობდა მოსწავლეებთან. პროექტის დასრულებისას მოეწყო მოსწავლეების მიერ შექმნილი პროდუქტის გამოფენა სასკოლო სივრცეში.

სკოლას შემუშავებული აქვს მოსწავლეთა ქცევის წესები, რომელიც გამოკრულია თვალსაჩინო ადგილას.

სკოლა უზრუნველყოფს საგანმანთლებლო საქმიანობისთვის შესაბამის ინფრასტრუქტურასა და მატერიალურ რესურსს მინიმუმ ავტორიზაციის ვადითა და დადგენილი მოსწავლეთა ადგილების ზღვრული რაოდენობის გათვალისწინებით; სკოლის ინფრასტრუქტურა, მათ შორის საერთო სარგებლობის სივრცეები და მატერიალური რესურსი ხელმისაწვდომია სასკოლო საზოგადოების წევრებისთვის; სკოლის ინფრასტრუქტურა ქმნის სწავლის ინკლუზიურ გარემოს და ემსახურება სკოლის სოციო-კულტურულ სივრცედ ჩამოყალიბებას; სკოლის ინფრასტრუქტურა ქმნის სწავლის ინკლუზიურ გარემოს, სკოლის შენობის რეაბილიტაცია განხორციელდა მილენიუმის პროექტის ფარგლებში. სკოლას აქვს სრულად ადაპტირებლი გარემო, რესურს ოთახი, პანდუსი, ადაპტირებული სველი წერტილი. სკოლის შენობის სამივე სართულზე განთავსებულია სველი წერტილები სქესის მიხედვით.

სკოლის ფინანსურ რესურსს შეადგენს ვაუჩერული დაფინანსება, სკოლის ექიმის თანამდებობრივი სარგო, სსსმ მოსწავლის დაფინანსება, მასწავლებლების კუთვნილი დანამატის და ეკონომიკური საქმიანობიდან მიღებული შემოსავლებისაგან. ყოველი კალენდარული წლის დასაწყისში სკოლაში იქმნება ფინანსური საქმიანობის სამოქმედო გეგმა - საპროგნოზო ბიუჯეტი, რომელიც წლის განმავლობაში სხვადასხვა მიზეზით გამოწვეული შეცვლილი ფინანსური დინამიკის შესაბამისად განიხილება, იცვლება და მტკიცდება სკოლაში არსებული სამეურვეო საბჭოს მიერ. ფინანსური რესურსი ქმნის შესაძლებლობას უზრუნველყოს სკოლამ კომუნალური გადასახადები, სანიტარულ-ჰიგიენური საშუალებები, საკანცელარიო ნივთები, საგნობრივი კათედრების მიერ მოთხოვნილი სასწავლო რესუსები და სხვა, რათა სასწავლო პროცესი შეუფერხებელად წარიმართოს. სკოლას აქვს, როგორც ფინანსური რესურსის დაგეგმვის, ასევე მისი განკარგვის და მონიტორინგის სისტემა. სკოლის ადმინისტრაცია მუდმივად აორგანიზებს შეხვედრებს სამეურვეო საბჭოსთან, კათედრის ხელმძღვანელებთან, პედაგოგიურ საბჭოსთან, თვითმართველობასთან, ტექნიკურ პერსონალთან და ვთანხმდებით თუ რა ესაჭიროებათ სამუშაო გეგმის შესასრულებლად. ამის შემდეგ ტარდება საბაზრო კვლევა თითოეულ საქონელზე. ასევე, ყოველი თვის ბოლოს კეთდება საკასო ხარჯი ბანკის ამონაწერის საფუძველზე, ხოლო წლის ბოლოს დგება ფინანსური ანგარიშგების დოკუმენტი, სადაც დეტალურადაა აღწერილი წლის განმავლობაში შემოსული და გახარჯული ფინანსები. სკოლას ჰყავს ბუღალტერი, რომელიც ფინანსების გათვალისწინებით შეიმუშავებს ბიუჯეტს დირექტორთან ერთად და დასამტკიცებლად წარუდგენს სამეურვეო საბჭოს. სამეურვეო საბჭოში, არიან სასკოლო საზოგადოების წარმომადგენლები და მათი ინტერესებისა თუ აზრების გათვალისწინებით ხდება ბიუჯეტის შედგენა. ბიუჯეტი პერიოდულად საჭიროებს გადახედვას და ცვლილებას, რაც განპირობებულია სკოლის ინტერესებიდან.