სსიპ - მოსე ხონელის სახელობის ქალაქ ხონის №1 საჯარო სკოლა

მისია სსიპ-მოსე ხონელის სახელობის ქალაქ ხონის N1საჯარო სკოლა ერთ-ერთი პირველი საგანმანათლებლო კერაა ქალაქ ხონში, რომელსაც საუკუნე-ნახევრის ისტორია გააჩნია. სადაც მოსწავლეზე ორიენტირებულ, პოზიტიურ სასწავლო გარემოში ფორმალური და არაფორმალური განათლების ორგანული შერწყმით, ჰუმანიტარული და STEAM მეცნიერებების გაძლიერებული სწავლებით, აღვზარდით ტოლერანტ, კონკურენტუნარიან, ეროვნულ და გლობალური ღირებულებების დამცველ, მაღალი პასუხისმგებლობის მქონე მოქალაქეებს. ხედვა სკოლა უახლოესი ათწლეულის განმავლობაში შეძლებს მოსწავლეთა აღჭურვას 21-ე საუკუნის კომპეტენციებითა და გლობალურ-ფუნქციური უნარებით, რასაც მივაღწევთ ინოვაციური და ტრადიციული სწავლების მეთოდების, სტრატეგიებისა და მიდგომების ორგანული შერწყმით. კურსდამთავრებულები მეტაკოგნიციის საშუალებით შეძლებენ განათლების უწყვეტ პროცესში ჩართვას, რითაც თავს დაიმკვიდრებენ ეთნიკურ-რელიგიური მრავალფეროვნებით გამორჩეულ კავკასიის რეგიონსა და მსოფლიო შრომით ბაზარზე. ღირებულებები: 1. პატრიოტიზმი-სასკოლო კურიკულუმსა და აქტივობებში გათვალისწინებულია სამშობლოს თემატიკისათან დაკავშირებული საკითხები. 2. გუნდურობა-ჩვენი გუნდი არის მიზანმიმართული ერთობა, სადაც თითოეული წევრი მიზნის მიღწევაში საკუთარ პასუხისმგებლობას გრძნობს. 3.თანამშრომლობა- ვირჩევთ გუნდური მუშაობის პრინციპებს, ჩვენ ღია ვართ დაინტერესებულ მხარეებთან თანამშრომლობისათვის. კონსტრუქციულად განვიხილავთ სიახლეებს, წინადადებებს, განსხვავებულ პოზიციებსა და ორიენტირებულნი ვართ პრობლემების გადაჭრაზე. 4. სამართლიანობა: ჩვენ უზრუნველვყოფთ, რომ სკოლის მიერ მიღებული გადაწყვეტილებები შეესაბამება მოქმედ კანონმდებლობასა და ითვალისწინებს დაინტერესებულ მხარეთა საუკეთესო ინტერესებს. 5. გამჭვირვალობა-ჩვენი საქმიანობა, ხედვები და ღირებულებები საჯაროდაა ხელმისაწვდომი და წინასწარ ცნობილია ყველა დაინტერესებული პირისათვის, უზრუნველყოფილია სკოლის საქმიანობის შესახებ ინფორმაციის საჯაროობა. 6. ტოლერანტობა- სასკოლო საზოგადოება ხელს უწყობს განსხვავებული მსოფლმხედველობის მიმღებლობას 7.ობიექტურობა-ჩვენ მიერ განხორციელებული შეფასებები, ეფუძნება ეროვნულ სასწავლო გეგმას და ფაქტობრივ გარემოებებს. დადგენილი პროცედურები მაქსიმალურად გამორიცხავს შეფასებაში მონაწილე პირების სუბიექტივიზმს. 8. განვითარება და ინოვაციურობა-სისტემატურად ვაფასებთ ჩვენს საქმიანობას და შეფასების შედეგებზე დაყრდნობით, ვგეგმავთ განვითარებას განვითარების ინოვაციურ გზებს, ღია ვართ სიახლეებისადმი. 9. პასუხისმგებლობა: სასკოლო საზოგადოების ყველა წევრს გააზრებული აქვს საკუთარი როლი, ფუნქცია და მოვალეობები.

სსიპ მოსე ხონელის სახელობის ქალაქ ხონის N1 საჯარო სკოლის პროგრამებისა და მხარდაჭერის სერვისები

ქცევის წესებისთვის (ეთიკის კოდექსი/შინაგანაწესი) აპელაციის მექანიზმებისთვის (საჩივრების განხილვა)

სსიპ- მოსე ხონელის სახელობის ქალაქ ხონის N1 საჯარო სკოლა მშენებლობის განმახორციელებელი: საქართველოს განათლების, მეცნიერების და ახალგაზრდობის სამინისტრო ვადები: სკოლის პროექტირება-მშენებლობის სამუშაოები 2023 წლის 5 სექტემბერს დაიწყო და 2025 წლის 31 აგვისტოს დასრულდა. აღწერილობა: სსიპ მოსე ხონელის სახელობის ქალაქ ხონის N1 საჯარო სკოლას ყველა შესაბამისი სასწავლო რესურსით და თანამედროვე ინფრასტრუქტურით აღჭურვილი სკოლა ამ დრომდე არ ჰქონია. 460 მოსწავლეზე გათვლილ შენობას (სკოლაში სწავლობს 671 მოსწავლე. სასწავლო პროცესი უნდა აეწყოს ორ ცვლად)აქვს როგორც შიდა სპორტული დარბაზი და გარე მოედანი, ასევე ბიბლიოთეკა, სამკითხველო დარბაზი, რესურს ოთახი, ექიმის კაბინეტი, ტექნოლოგიური და საბუნებისმეტყველო ლაბორატორიები. შენობაში დამონტაჟებულია გათბობის, წყალმომარაგების და კანალიზაციის სისტემები და სრულადაა ადაპტირებულია განსაკუთრებული საჭიროების მქონე ბავშვებისათვის. ღირებულება: სკოლის მშენებლობაზე სახელმწიფო ბიუჯეტიდან 7 580 683 ლარი დაიხარჯა. დამატებითი ინფორმაცია: სკოლაში დასაქმებული 75თანამშრომლიდან , 58 მასწავლებელია. მათ შორის 8 წამყვანი, 38 უფროსი, 2 მოწვეული ( საგნის გამოცდა ჩაბარებული აქვთ) და 2 მასწავლებლობის მაძიებელი . 2012 წლიდან დღემდე სკოლას ჰყავს ვერცხლისა და ოქროს 72 მედალოსანი მოსწავლე. სკოლის ისტორია: 1870 წლის 23 აპრილს ადგილობრივი მოსახლეობის სახსრებითა და ცნობილი საზოგადო მოღვაწის ივანე შარაშიძის ინიციატივით გაიხსნა პირველი ორკლასიანი სასწავლებელი ნაქირავებ შენობაში.1872 წლიდან უკვე სკოლას საკუთარი შენობა აქვს.1899წელს ივანე შარაშიძის მცდელობით იგი სამკლასიან სასწავლებლად გადაკეთდა. რის შესახებაც ინფორმაცის გვაწვდის გაზეთი ,, დროება ‘’1899წელი N176.სწავლების ხარჯებს ქველმოქმედი დიმიტრი ჩხიკვიშვილი იხდიდა. 1903 წელს სკოლა გადაკეთდა ექვსკლასიან სამოქალაქო სასწავლებლად 1921 წლიდან შვიდწლიანი შრომის სკოლაა. 1932 წელს მის ბაზაზე დაარსდა ზოგადსაგანმანათლებლო საჯარო სკოლა, რომელიც ერთადერთი საშუალო სკოლა გახლდათ ხონის რაიონში. სხვადასხვა წლებში სკოლაში მოღვაწეობდნენ გამოჩენილი პედაგოგები- პაატა წულუკიძე, ლუკა ბახტაძე, დავით ჭუბაბრია, მოსე ქიქოძე, ვარლამ გაგუა, აკადემიკოს სალვა ნუცუბიძის მამა ისაკ ნუცუბიძე. მალაქია ჯაფარიძე, ვლადიმერ მებუკე. სკოლის აღზრდილები არიან დიდ მეცნიერი და საზოგადო მოღვაწე შალვა ნუცუბიძე, პოეტ-აკადემიკოსი ირაკლი აბაშიძე, ,,ვეფხისტყაოსნის“ არაბულ ენაზე მთარგმნელი ლევან საღარაძე, მწერალი ლევან ვარლამ ხუროძე. 1998 წლიდან სკოლა იწოდება ხონის მოსე ხონელის სახელობის პირველ საშუალო სკოლად.

სსიპ -მოსე ხონელის სახელობის ქალაქ ხონის N1 საჯარო სკოლის დირექტორის ანგარიში 2025წლის ფინანსური საქმიანობის შესახებ . სკოლის ბიუჯეტი