სსიპ - კონსტანტინე მეძველიას სახელობის ხონის მუნიციპალიტეტის სოფელ ნახახულევის საჯარო სკოლა

ზოგადსაგანმანათლებლო დაწესებულების მისია მოსწავლის გონებრივი და ფიზიკური უნარ–ჩვევების განვითარება, აუცილებელი ცოდნით უზრუნველყოფა, ცხოვრების ჯანსაღი წესის დამკვიდრება, ლიბერალურ–დემოკრატიულ ღირებულებებზე დამყარებული სამოქალაქო ცნობიერების ჩამოყალიბება, მოსწავლის მიერ კულტურულ ფასეულობათა პატივისცემა, ოჯახის, საზოგადოების, სახელმწიფოსა და გარემოს წინაშე უფლება–მოვალეობების გაცნობიერებაში ხელის შეწყობა. სწავლება სამსაფეხურიანია: დაწყებითი; საბაზო და საშუალო სამივე საფეხურზე ერთმანეთისგან განუყოფლად, მიზნობრივად, მიმდინარეობს სასწავლო და სააღმზრდელო პროცესები, ეროვნული სასწავლო გეგმისა და სასკოლო სასწავლო გეგმის მოთხოვნების შესაბამისად. სასწავლო პროცესი მიმდინარეობს დირექტორის მიერ დამტკიცებული საგაკვეთილო ცხრილის მიხედვით: ცხრილი დგება ეროვნული სასწავლო გეგმის მოთხოვნების გათვალისწინებით, მასწავლებელთა დატვირთვის შესაბამისად. მასწავლებლებს საშუალება ეძლევათ, სასწავლო პროცესის წარმართვისა და მოსწავლეებთან ინდივიდუალურად მუშაობის პარალერულად ჰქონდეთ პროფესიული განვითარებისათვის საჭირო დროის რესურსი. ზოგადსაგანმანათლებლო დაწესებულების მისია საფეხურების მიხედვით 2023-2024 სასწავლო წლის სკოლის სასკოლო სასწავლო გეგმა შედგენილია საქართველოს განათლებისა და მეცნიერების მინისტრის 2016 წლის 18 მაისის N40/ნ ბრძანებით დამტკიცებული ეროვნული სასწავლო გეგმის საფუძველზე. სკოლაში საგანმანათლებლო პროცესი მიმდინარეობს ქართულ ენაზე, დაწყებით (I-VI კლასები), საბაზო (VII-IX კლასები) საშუალო (X-XII კლასები) საფეხურზე . დაწყებითი საფეხურის მისიაა: ა) საგანთა თანამიმდევრული სწავლა-სწავლების გზით მოსწავლის გონებრივი, ფიზიკური, ემოციური და სოციალური განვითარების ხელშეწყობა; ბ) საბაზისო უნარების - წიგნიერებისა და რაოდენობრივი წიგნიერების განვითარების ხელშეწყობა; გ) სასკოლო გარემოსა და სწავლის მიმართ დადებითი დამოკიდებულების ჩამოყალიბება, ცნობისმოყვარეობის ცოდნისმოყვარეობაში გადაზრდა და მოსწავლის მომზადება საბაზო საფეხურისთვის. საბაზო საფეხურის მისია საბაზო საფეხურის მისიაა საგანთა სწავლა-სწავლების საფუძველზე მყარი, დინამიკური და ფუნქციური ცოდნის კონსტრუირება, მოსწავლის ინტერესებისა და მიდრეკილებების გამოვლენა, მოსწავლის დამოუკიდებელი სწავლის უნარისა და შრომისუნარიანობის განვითარება, აქტიური მოქალაქის ფორმირების ხელშეწყობა და საფუძველების შექმნა განათლების მომდევნო საფეხურზე სწავლის გაგრძელებისთვის ან შრომითი საქმიანობისთვის. საშუალო საფეხურის მისია: ა) საგანთა გაღრმავებული სწავლების გზით სისტემური ცოდნის კონსტრუირება; ბ) მოაზროვნე, მაძიებელი, ახლის შემოქმედი, წიგნიერი, ინფორმირებული და პასუხისმგებლობის გრძნობის მქონე მოქალაქის ჩამოყალიბება, რომელსაც შეუძლია გადაწყვეტილებების დამოუკიდებლად მიღება, საკუთარი მიღწევების გამოყენება ახალი მატერიალური, ინტელექტუალური თუ სულიერი ღირებულებების შესაქმნელად.

სკოლის ადმინისტრაცია 1.საქმისმწარმოებელი 2.ბიბლიოთეკარი ძირითადი და დამხმარე სტრუქტურული ერთეულები 1. პედაგოგიური საბჭო; 2. ხარისხის განვითარებისა და პროფესიული მხარდაჭერის ჯგუფი 3. სამეურვეო საბჭო; 4. მოსწავლეთა თვითმმართველობა 5. დისციპლინური კომიტეტი 6. მრჩეველთა საბჭო 7. კლასის დამრიგებელი 8. საგნობრივი კათედრები 9. სკოლის ექიმი 10. დამლაგებელი 11. დარაჯი 12. მუშა 13. უსაფრთხოებაზე პასუხისმგებელი პირი

ქცევის წესები და აპელაციის მექანიზმები გაწერილია სკოლის შინაგანაწესში