სსიპ - საჩხერის მუნიციპალიტეტის სოფელ სავანის საჯარო სკოლა

სსიპ საჩხერის მუნიციპალიტეტის სოფელ სავანის საჯაროსკოლის მისიაა: გააგრძელოს და გაამყაროს აკაკის მემკვიდრეობა, აღზარდოს თავისუფალი, ეროვნული, ესთეტიკური, კანონმორჩილი, ტოლერანტი, მრავალმხრივად განვითარებული, სამოქალაქო და ზოგადსაკაცობრიო ღირებულებების მქონე პიროვნება, მრავალპროფილური პროფესიული პროგრამების განხორციელების გზით მოამზადოს მაღალკვალიფიციური სამუშაო ძალა, შრომის ბაზრის მოთხოვნების შესაბამისად, რითაც საკუთარ წვლილს შეიტანს საზოგადოების წინსვლას, ეკონომიკის განვითარებასა და საქართველოს მსოფლიო ინტეგრაციაში. სსიპ საჩხერის მუნიციპალიტეტის სოფელ სავანის საჯარო სკოლის მომავლის ხედვაა: შევქმნათ ისეთი სკოლა, სადაც ყველა მოსწავლე შეძლებს ცოდნის შეძენას, გამოყენებას, საკუთარი პოტენციალის სრულფასოვან გამოვლინებას და პროფესიულ საგანმანათლებლო სივრცეში გავხდებით ლიდერი სასწავლებელი, რომელიც უახლესი სტანდარტებით ხელს შეუწყობს ქვეყანაში უკეთესი ხვალინდელი დღის შექმნას. სსიპ საჩხერის მუნიციპალიტეტის სოფელ სავანის საჯარო სკოლის ღირებულებებია: განცხადებული მომავლის ხედვისა და სკოლის მისიის განხორციელების მიზნით სასკოლო საზოგადოება თანხმდება, რომ სკოლამ მთლიანობაში და მისმა ყოველმა ცალკეულმა თანამშრომელმა თავიანთი ყოველდღიური საქმიანობის განხორციელებაში უნდა იხელმძღვანელოს შემდეგი სამუშაო პრინციპებითა და მიდგომებით: მიიღებს მოქალაქეს, რომელსაც განვითარებული ექნება: • სოციალური უნარები; • გუნდურობა; • თანასწორობა; • პასუხისმგებლობა; • ჯანსაღი ცხოვრების წესის დამკვიდრება; • ინოვაციების დანერგვის ღიაობა. • პატრიოტიზმი • მუდმივი პრაქტიკა

...სკოლაშო მოქმედებს სტრუქტურული ერთეულები: სკოლის დირექცია რომელიც შედგება სკოლის დირექტორის, მისი მოადგილისდა ბუღალტერიისაგან, რომელიც უზრუნველყოფს სკოლის მართვას. სკოლის სამეურვეო საბჭო , რომელიც შედგება სამი პედაგოგისგან, სამი მშობლისა და ერთი თვითმმართველობის თავმჯდომარე მოსწავლისაგან, პედაგოგიური საბჭო, რომელიც შედგება სკოლის ყველა პედაგოგისგან და მართავს პედაგოგიური საბჭოს თავმჯდომარე, თვითმმართველობა, რომელიც შედგება არჩევნების შედეგად აჩეული წევრებისა და საბაზო და საშუალო საფეხურის თავმჯდომარეებისგან. მრჩეველთა საბჭო , რომელშიდაც შედის დირექტორი, დირექტორის მოადგილე, მანდატური, პედაგოგიური საბჭოს თავმჯდომარე და სამეურვეო საბჭოს თავმჯდომარე, ასევე რესურსცენტრის წარმომადგენელი. დისციპლინური კომიტეტი, რომელიც შედგება ორი მასწავლებლის, ორი მოსწავლის და ორი მშობლისაგან. სკოლაში შექმნილი სტრუქტურული ერთეულების ფუნქციები გამიჯნულია ერთმანეთისაგან, ყველა მათგანი მოქმედებს დამოუკიდებლად, მაგრამ თანამშრომლობენ ერთმანეთთან და საბოლოო ჯამში ქმნიან სასკოლო კულტურას .

სსიპ საჩხერის მუნიციპალიტეტის სოფელ სავანის საჯარო სკოლა არის ზოგადსაგანმანათლებლო დაწესებულება, რომელიც დაინტერესებულ პირებს სთავაზობს მრავალპროფილურ პროფესიულ საგანმანათლებლო პროგრამებს. სკოლა იძლევა საშუალებას ახალგაზრდამ მიიღოს როგორც ზოგადი, ასევე პროფესიული განათლება. სასწავლო დაწესებულება ორიენტირებულია მოსწავლე/პროფესიული სტუდენტი იყოს მეტად კონკურენტუნარიანი, მაქსიმალურად შეძლოს საკუთარი შესაძლებლობების რეალიზება და პიროვნული ფასეულობებითა და მიღებული ცოდნით ხელი შეუწყოს ქვეყნის ეკონომიურ გაძლიერებას.

.სკოლას შინაგანაწესში ჩადებული აქვს პერსონალის, მოსწავლის მშობლის/კანონიერი წარმომადგენლის უფლებების დაცვის მექანიზმი, მშობელს/კანონიერ წარმომადგენელს და სკოლას შორის დადებულია ხელშეკრულება, რომელშიც გაწერილია მათი უფლებები და მოვალეობები. სკოლის მოქმედ პერსონალს, მშობელს/კანონიერ წარმომადგენელს კანონიერი უფლების დარღვევის შემთხვევაში შეუძლია მიმართოს განცხადებით დირექტორს. განცხადება გატარდება რეგისტრაციაში და რეაგირებისთვის გადაეცემა დისციპლინარულ კომიტეტს. დისციპლინარული კომიტეტი იმსჯელებს და გაატარებს შესაბამის ღონისძიებებს.

სავანის საჯარო სკოლა არის სამ სართულიანი და გათვლილია 500 მოსწავლეზე, სკოლას აქვს ყველა საჭირო ინფრასტრუქტურა-20 საკლასო ოთახი, ბიბლიოთეკა, კომპიუტერული ლაბორატორია, სამი საბუნებისმეტყველო ლაბორატორია, სამასწავლებლო, სააქტო დარბაზი, სპორტ დარბაზი, სასადილო, ექიმის კაბინეტი, რესურსოთახი, დირექციის და ადმინისტრაციის კაბინეტები, მანდატურის და დარაჯის ოთახი, ტექნიკური ოთახი, კეთილმოწყობილი ეზო. ყველა კაბინეტი აღჭურვილია შესაბამისი ინფრასტრუქტურით. შერწყმული სკოლა არის ერთ სართულიანი შენობა, სამი საკლასო ოთახი, ერთი სამასწავლებლო, გარე სპორტული მოედანი. სკოლაშ არის მხოლოდ ერთი კომპიუტერული ლაბორატორია სადაც მიმდინარეობს საგაკვეთილო პროცესი, იგეგმება ლაბორატორიაში მოსწავლეთა საერთო სამუშაო სივრცის მოწყობა, რომელიც ხელმისაწვდომი იქნება ყველა მოსწავლისათვის სამუშაო საათებში და აღჭურვილი იქნება კომპიუტერული ტექნიკით. სკოლის სამასწავლებლოში იგეგმება მასწავლებელთა საზიარო სამუშაო სივრცის შექმნა, ასევე შერწყმული სკოლის სამასწავლებლოში აქვთ სამუშაო სივრცე მასწავლებლებისათვის. სკოლას აქვს ყველასათვის ხელმისაწვდომი სპორტული დარბაზი, სააქტო დარბაზი, სასადილო, რომელიც აღჭურვილია საჭირო ინვენტარით და ხელმისაწვდომია ყველასთვის. სკოლას აქვს პანდუსი სსსმ მოსწავლეებისათვის და ადაპტირებული საპირფარეშო, ასევე რესურს ოთახი, რომელიც აღჭურვილია შესაბამისი ინვენტარით, სკოლას ჰყავს 11 სსსმ მოსწავლე და 2 სპეციალური მასწავლებელი. შერწყმულ სკოლაში არის პანდუსი, არ სწავლობს სსსმ მოსწავლე. ...სკოლას აქვს ბიბლიოთეკა, რომელშიდაც მრავალფეროვანი ლიტერატურა დევს. ბიბლიოთეკაში გამოკრულია ქცევის წესები, წიგნები გაიცემა აღრიცხვის ბილეთების მეშვეობით, ელექტრონულად აღრიცხულია წიგნადი ფონდი, პერიოდულად ხდება წიგნადი ფონდის განახლება, როგორც ნაჩუქარი ისე შეძენილი წიგნებით, ხელმისაწვდომია კომპიუტერი და ინტერნეტი. იგეგმება ელექტრონული ბიბლიოთეკის შეძენა და სათანადო ტექნიკით აღჭურვა, მოსწავლეებს საშუალება ექნებათ ელექტრონულად გამოითხოვონ ლიტერატურა. ეს ყველაფერი საჭიროა, რათა სკოლაში ჩამოყალიბდეს სოციოკულტურული სივრცე. სავანის სკოლას აქვს შერწყმული სკოლა, რომელიც არის მცირე კონტიგენტიანი, ირიცხება 17 მოსწავლე, სკოლის შენობაში კერძოდ სამასწავლებლოში გამოყოფილია კუთხე საკითხავი ლიტერატურისთვის, მასწავლებლებს და მოსწავლეებს აქვთ საკუთარი ბუკები, ძირითადი სკოლა ყველანაირად ხელს უწყობს, რომ სწავლის პროცესი წარიმართოს მოთხოვნების შესაბამისად.

სკოლის ფინანსური რესურსი ქმნის საგანმანათლებლო საქმიანობის, სტრატეგიული და სამოქმედო გეგმების განხორციელების მყარ საფუძველს. ამ ეტაპზე სკოლის ბიუჯეტი საკმარისია, იმისათვის, რომ სკოლა ნორმალურ პირობებში ფუნქციონირებდეს. ბიუჯეტი განაწილებულია ისე, რომ სკოლას შეუძლია დააფინანსოს სკოლის ყველა საჭიროება. დროდადრო ბიუჯეტს სჭირდება კორექტირება, საჭიროების და მიხედვით. ამისთვის შეთანხმება ხდება სამეურვეო საბჭოსთან. სკოლაში წინასწარ დაგეგმილია ფინანსების მართვა და შექმნილია სამოქმედო გეგმა და დროდადრო ხდება სამოქმედო გეგმის მონიტორინგი. სკოლა წინასწარ შეიმუშავებს სკოლის ფინანსებიდან გამომდინარე საპროგნოზო ბიუჯეტს და შემდგომ სამეურვეო საბჭოს მიერ დამტკიცდება ბიუჯეტი. საჭიროების შემთხვევაში ბიუჯეტში შედის ცვლილება სამეურვეო საბჭოს თანხმობით, დგება შეცვლილი ბიუჯეტი. სკოლას აქვს ფინანსური რესურსების დაგეგმვის , მართვის სისტემა. სკოლა ყოველი წლის ნოემბრის თვეში შეიმუშავებს შესყიდვების წლიურ გეგმას და შესყიდვების წლიურ წესს. ეს გეგმა აიტვირთება სახელმწიფო შესყიდვების გვერდზე ePLAN . სკოლას არ აქვს არანაირი დავალიანება და ბოლო 6 წლის განმავლობაში არ მიუმართავს განათლებისა და მეცნიერების სამინისტროსთვის დამატებითი თანხის გამოყოფასთან დაკავშირებით.