სსიპ - საჩხერის მუნიციპალიტეტის სოფელ ჯალაურთის საჯარო სკოლა

სსიპ საჩხერის მუნიციპალიტეტის სოფელ ჯალაურთის საჯარო სკოლის ფილოსოფია სკოლის მისია ჩვენი სკოლის მისიაა უზრუნველყოს ხარისხიანი, ინკლუზიური და ტექნოლოგიებით გამდიდრებული ზოგადი განათლება სამივე საფეხურზე, რომელიც ხელს შეუწყობს: • საქართველოს სახელმწიფო ენის, ისტორიისა და კულტურის პატივისცემაზე დაფუძნებული, სახელმწიფოებრივად მოაზროვნე და პატრიოტი მოქალაქის ჩამოყალიბებას; • მოსწავლეთა უფლებებისა და მოვალეობების გაცნობიერებას, ჯანსაღი ცხოვრების წესის დამკვიდრებას; • კრიტიკული და შემოქმედებითი აზროვნების, დამოუკიდებელი გადაწყვეტილებების მიღების, ინფორმირებული არჩევანისა და შრომისმოყვარეობის უნარების განვითარებას; • თანამედროვე ტექნოლოგიების ეფექტიან გამოყენებას სწავლა-სწავლების პროცესში, რაც უზრუნველყოფს მოსწავლეთა მზადყოფნას დამოუკიდებელი ცხოვრებისა და უწყვეტი პროფესიული და პიროვნული განვითარებისათვის; სკოლის ხედვა სსიპ საჩხერის მუნიციპალიტეტის სოფელ ჯალაურთის ჯაროს სკოლა 2032 წლისთვის იქნება წარმატებული და კონკურენტუნარიანი საგანმანათლებლო დაწესებულება, რომლის ხედვაც არის: შექმნას თანამედროვე, ტექნოლოგიურად განვითარებული საგანმანათლებლო სივრცე, რომელიც აღზრდის ეროვნული და სახელმწიფოებრივი ღირებულებების მქონე, მოქალაქეობრივად პასუხისმგებელ, სახელმწიფო ენასა და კულტურაზე დაფუძნებულ, დამოუკიდებლად მოაზროვნე და შემოქმედ პიროვნებებს, რომლებიც მზად იქნებიან სწრაფად ცვალებადი სამყაროს გამოწვევებისთვის და მთელი ცხოვრების განმავლობაში სწავლისთვის. სკოლის ღირებულებები: სკოლა უპირველეს ყოვლისა, ხელმძღვანელობს სასწავლო პროცესში ჩართული პირების საუკეთესო ინტერესებით და საქმიანობას წარმართავს შემდეგ ღირებულებებზე დაყრდნობით: დემოკრატიულობა გუნდურობა სამართლიანობა პატრიოტიზმი თანასწორობა პასუხისმგებლობა ურთიერთპატივისცემა პრინციპები, რომლებსაც ეყრდნობა სასწავლო პროცესი სკოლა უზრუნველყოფს: ა) სიღრმისეულ სწავლას; ბ) პოზიტიურ სასწავლო გარემოს; გ) ინკლუზიურ განათლებას.

სსიპ - საჩხერის მუნიციპალიტეტის სოფელ ჯალაურთის საჯარო სკოლაში სწავლა მიმდინარეობს ზოგადსაგანმანათლებლო პროგრამის სამივე საფეხურზე: ზოგადი განათლების დაწყებითი საფეხურის ზოგადსაგანმანათლებლო პროგრამა I საფეხური (I-VI კლასები); ზოგადი განათლების საბაზო საფეხურის ზოგადსაგანმანათლებლო პროგრამა II საფეხური (VII- X კლასები) ; ზოგადი განათლების საშუალო საფეხურის ზოგადსაგანმანათლებლო პროგრამა III საფეხური (XI - XII კლასები). სსიპ საჩხერის მუნიციპალიტეტის სოფელ ჯალაურთის საჯარო სკოლაში საქართველოს კანონმდებლობაზე დაყრდნობით შემუშავებულია მოსწავლის ჩარიცხვის, საფეხურის დაძლევის, კლასიდან-კლასში გადაყვანის, სტატუსის შეჩერებისა ან/და შეწყვეტის, მობილობისა და უცხოეთში მიღებული განათლების აღიარების საფუძველზე მოსწავლის ჩარიცხვის წესი. სკოლაში ჩარიცხვა ეფუძნება თანასწორობის, გამჭვირვალობისა და დისკრიმინაციის დაუშვებლობის პრინციპებს. სკოლა უზრუნველყოფს ინკლუზიურ განათლებას და ტერიტორიული პრინციპის დაცვას. სკოლის საბაზო და საშუალო საფეხურის დამთავრების შემდეგ სახელმწიფოს მიერ დადგენილი ფორმით გაიცემა შესაბამისი საფეხურის დამთავრების დამადასტურებელი დოკუმენტი-ატესტატი: საბაზო (VII–X)-საბაზო განათლების ატესტატი; საშუალო (XI–XII)-საშუალო განათლების ატესტატი; საბაზო განათლების ატესტატი იძლევა საშუალო განათლების საფეხურზე სწავლის გაგრძელების უფლებას. საშუალო განათლების ატესტატი იძლევა: • უმაღლეს საგანმანათლებლო დაწესებულებაში ჩარიცხვის უფლებას (ეროვნული გამოცდების გავლის შემდეგ). • პროფესიულ საგანმანათლებლო პროგრამებში მონაწილეობის შესაძლებლობას.

სკოლაში ქცევის წესები და აპელაციის მექანიზმები

სსიპ საჩხერის მუნიციპალიტეტის სოფელ ჯალაურთის საჯარო სკოლის მისამართია საქართველო, საჩხერის მუნიციპალიტეტი სოფელი ჯალაურთა (ს/კ 239403882). სკოლის შენობა-ნაგებობების საერთო ფართი: 2268 კვ.მ, ხოლო მიწის ნაკვეთი 26451 კვ.მ. საჯარო სკოლის შენობა-ნაგებობის დანიშნულებაა საგანმანათლებლო საქმიანობის განხორციელება. სკოლის ტერიტორიაზე განთავსებულია სასწავლო კორპუსი და საქვაბე. სასწავლო კორპუსი - ორ სართულიანი შენობა, ორი სადარბაზოთი. შენობა აგებულია რკინაბეტონით და აგურით. ადმინისტრაციული და საგანმანათლებლო დანიშნულება. სართულებს შორის კავშირი ხორციელდება ბეტონის საფეხურებიანი კიბის უჯრედით, რომელსაც მოწყობილი აქვს ლითონის კონსტრუქციის მოაჯირი. პირველ სართულზე განთავსებულია პირველ სართულზე განთავსებულია სპორტდარბაზი, კლასები, საპირფარეშოები, სასადილო ოთახი. მეორე სართულზე განთავსებულია კომპიუტერული კლასი, ბიბლიოთეკა, სამასწავლებლო, კაბინეტები ადმინისტრაციისათვის, კლასები, საპირფარეშო. პირველ სართულზე არის 3 გასასვლელი, ხოლო მეორე სართულზე 2 გასასვლელი. . სკოლის შენობაში არის წყლის გაყვანილობა, ელექტროენერგია და ცენტრალური გათბობა. სკოლის სასწავლო კორპუსი ამ ეტაპზე არ არის ადაპტირებული, შშმ პირებისთვის, თუმცა დაგეგმილია და უახლოეს ხანებში განხორციელდება შშმ პირებისთვის ადაპტირებული გარემოს შექმნა. სკოლა აღჭურვილია შესაბამისი სახანძრო ინვენტარით, საევაკუაციო გეგმებით, ვიდეომეთვალყურეობის სისტემით, ავარიული განათებით, საევაკუაციო გზის მაჩვენებლებით, ცეცხლმაქრებით. სკოლის ეზოში განთავსებულია დამხმარე ნაგებობა, კერძოდ საქვაბე. შენობა აგებულია რკინაბეტონით და აგურით. გადახურულია თუნუქის სახურავით. აქვს ერთი შესასვლელი. შიგნით განთავსებულია ცენტრალური გათბობის ქვაბი დიზელ-გენერატორით. საქვაბის ფართი 42,72 კვ.მ.

სკოლაში ხდება ფინანსური მართვა, რომელშიც იგულისხმება: დაგეგმვა (ანუ ბიუჯეტის შედგენა); განკარგვა (შესყიდვების გეგმის შედგენა), მონიტორინგი (სამეურვეო საბჭოსთვის ფინანსური ანგარიშის წარდგენა). სკოლას აქვს ფინანსური რესურსები, შემოსავლების წყაროს წარმოადგენს ვაუჩერული დაფინანსება. სკოლის დირექტორი ფინანსური საქმიანობის შესახებ ანგარიშს წარუდგენს სამეურვეო საბჭოს. სამეურვეო საბჭო ამტკიცებს სკოლის ბიუჯეტს. სკოლას ემსახურება სახელმწიფო ხაზინა, რომლის საშუალებითაც ხორციელდება ფინანსური რესურსების მართვა და მონიტორინგი.