სსიპ - საჩხერის მუნიციპალიტეტის სოფელ ჩიხის საჯარო სკოლა

ზოგადსაგანმანათლებლო დაწესებულება უზრუნველყოფს, შექმნას უსაფრთხო მიმზიდველი სასწავლო გარემო, რომელიც ხელს შეუწყობს პროგრესულად მოაზროვნე თაობის აღზრდას, მრავალპროფილური პროფესიული პროგრამების განხორციელების მიმართულებით საერთაშორისო სტანდარტების შესაბამისი, შრომის ბაზრის მოთხოვნებზე ორიენტირებული მაღალკვალიფიციური კადრების მომზადებას, მოსწავლეთა/პროფესიულ სტუდენტთა უწყვეტ პროფესიულ და პიროვნულ განვითარებას და წვლილს შეიტანს ქვეყნის სოციალურ-ეკონომიკურ განვითარებაში. სსიპ საჩხერის მუნიციპალიტეტის სოფელ ჩიხის საჯარო სკოლის მომავლის ხედვაა, რომ იგი 2032 წლისთვის იყოს მდგრადი და მუდმივ განვითარებაზე ორიენტირებული ცოდნის კერა, სადაც ყველა მოსწავლე და პროფესიული სტუდენტი შეძლებს კონცეპტუალური ცოდნის შეძენას, მაღალი სააზროვნო უნარების განვითარებას და დემოკრატიულ საზოგადოებაში თანაცხოვრებისთვის და დასაქმებისთვის საჭირო უნარ-ჩვევების ჩამოყალიბებას, მრავალფეროვანი, კონკურენტუნარიანი პროფესიული საგანმანათლებლო პროგრამების და თანამედროვე მიდგომების დახმარებით. სკოლა ხელმძღვანელობს სწავლის პროცესში ჩართული პირების საუკეთესო ინტერესებით და საქმიანობას წარმართავს შემდეგ ღირებულებებზე დაყრდნობით: ობიექტურობა: ჩვენ მიერ განხორციელებული შეფასებები, ასევე თვითშეფასება ეფუძნება კანონმდებლობით დადგენილ სტანდარტებს და ფაქტობრივ გარემოებებს. დადგენილი პროცედურები მაქსიმალურად გამორიცხავს შეფასებაში მონაწილე პირების სუბიექტივიზმს. გამჭირვალობა: სკოლის საქმიანობაში მოქმედი სტანდარტები და პროცედურები, სკოლის ხედვა და მისია, გახორციელებული ყველა საქმიანობა საჯაროდაა ხელმისაწვდომი და წინასწარ ცნობილია სასკოლო საზოგადოებისა და თემისათვის. მიუკერძოებლობა: სკოლა უზრუნველყოფს, რომ მიღებული გადაწყვეტილებები შეესაბამებოდეს მესამე თაობის ეროვნულ სასწავლო გეგმას, მოქმედ კანონმდებლობასა და ითვალისწინებს სასკოლო საზოგადობის ინტერესებს. თანამშრომლობა და გუნდურობა : სკოლა ღიაა დაინტერესებულ მხარეებთან, სასკოლო საზოგადოებასთან, თემთან თანამშრომლობისათვის. კონსტრუქციულად განვიხილავთ სიახლეებს, წინადადებებს, განსხვავებულ პოზიციებსა და ორიენტირებულნი ვართ პრობლემების გადაჭრაზე. განვითარება და ინოვაციურობა: სისტემატურად ვაფასებთ ჩვენს საქმიანობას და შეფასების შედეგებზე დაყრდნობით, ვგეგმავთ განვითარების ინოვაციურ გზებს, ვსახავთ ამოცანებს სწავლის მაღალი ხარისხის უზრუნველსაყოფად. კვალიფიციურობა და პროფესიონალიზმი - ცოდნა და უნარები, რომლებიც მოზარდს საშუალებას მისცემს იყოს შრომის ბაზარზე კონკურენტუნარიანი. ინკლუზიურობა: თითოეული მოსწავლე/სტუდენტი, განურჩევლად სოციალური, ეთნიკური ან სხვა მახასიათებლებისა, სარგებლობს თანაბარი განათლების მიღების შესაძლებლობით.

მოსწავლის ინიციატივის მხარდამჭერი მექანიზმი მუხლი 1. ზოგადი დებულებები 1. აღნიშნული დოკუმენტი განსაზღვრავს სსიპ საჩხერის მუნიციპალიტეტის სოფელ ჩიხის საჯარო სკოლის მოსწავლეთა ინიციატივების მხარდამჭერ მექანიზმს. 2. აღნიშნული მექანიზმი ვრცელდება სკოლის ყველა მოსწავლეზე სასწავლო და სამუშაო პროცესში მუხლი 2. მოსწავლის ინიციატივის მხარდამჭერი მექანიზმის აღმწერები: 1. მოსწავლეს უფლება აქვს კანონმდებლობით დადგენილი წესით, წერილობით ან/და ზეპირად გამოხატოს საკუთარი აზრი და გამოიჩინოს ინიციატივა 2. მოსწავლეს ან/და მოსწავლეთა გარკვეულ ჯგუფს შეუძლია ინიციატივით მიმართოს სკოლის მოსწავლეთა თვითმმართველობას/კლასის დამრიგებელს/დირექციას და ჩაერთოს ინიციატივის განხილვის პროცესში 3. მოსწავლეთა თვითმმართველობა ან/და კლასის დამრიგებელი უფლებამოსილია მხარი დაუჭიროს მოსწავლის ან/და მოსწავლეთა გარკვეული ჯგუფის ინიციატივას და მიმართოს სკოლის დირექციას 4. სკოლის დირექტორის ინდივიდუალური სამართლებრივი აქტის საფუძველზე მოსწავლის ან/და მოსწავლეთა გარკვეული ჯგუფის ინიციატივების მხარდასაჭერად შესაძლებელია შეიქმნას: 4.1. მოსწავლეთა ინიციატივების განხილვისა და განხორციელების მხარდამჭერი ჯგუფი 4.2. მოსწავლეთა ინიციატივების განხორციელების პროცესისა და შედეგების მონტორინგის ჯგუფი 5. მოსწავლეთა ინიციატივების განსახორციელებლად სკოლას შეუძლია ფინანსური რესურსის მობილიზება 6. მოსწავლეთა ინიციატივების მხარდაჭერის მიზნით სკოლა უზრუნველყოფს სპეციალური სამუშაო სივრცის მოწყობასა და საინფორმაციო კამპანიას 7. მოსწავლეთა ინიციატივების განხილვა-განხორციელებისას დაუშვებელია რომელიმე მოსწავლის დისკრიმინაცია ან ნებისმიერი ქმედება, რომელიც პირდაპირ ან ირიბად უკავშირდება მოსწავლის უფლება-ვალდებულებების შეზღუდვას. 8. კანონმდებლობით დადგენილი წესით სკოლა უფლებამოსილია შეიძინოს და განკარგოს ნებისმიერი რესურსი, რომელიც ხელს შეუწყობს მოსწავლეთა ინიციატივების განხორციელებას 9. ნებისმიერ მოსწავლეს აქვს უფლება ღიად ისაუბროს საკუთარი ინიციატივის შესახებ და აღნიშნული მექანიზმის საფუძველზე განსახილველად წარადგინოს საკუთარი სამომავლო ხედვა. 10. ნებისმიერი მოსწავლე უფლებამოსილია საკუთარი ინციატივის მხარდაჭერისა და განხორციელების მიზნით ითანამშრომლოს სასკოლო საზოგადოების ნებისმიერ წევრთან მუხლი 3. პასუხისმგებლობა 1. წინამდებარე მექანიზმის სრულად დაცვის მიზნით გარკვეული პასუხისმგებლობა ეკისრებათ: 1.1. მოსწავლეებს 1.2. მოსწავლეთა თვითმმართველობას 1.3.სკოლის დირექციას 1.4. კლასის დამრიგებელს 2. აღნიშნულ დოკუმენტში შეტანილმა ნებიმიერმა ცვლილებამ არ უნდა გამოიწვიოს მოსწავლეთა ინიციატივების მხარდაჭერის რაიმე სახით შეზღუდვა 3. ,,მოსწავლის ინიციატივების მხარდამჭერ მექანიზმს“ ამტკიცებს სკოლის დირექტორი შესაბამისი ინდივიდუალური სამართლებრივი აქტით. 4. აღნიშნულ დოკუმენტში ნებისმიერი ცვლილებისა და დამატებების შეტანა შესაძლებელია ამავე მუხლის მე- 3 პუნქტის საფუძველზე

სსიპ საჩხერის მუნიციპალიტეტის სოფელ ჩიხის საჯარო სკოლას შემუშავებული და დამტკიცებული აქვს სკოლაში შემოსული განცხადებისა და საჩივრის განხილვის პროცედურის წესი

სსიპ საჩხერის მუნიციპალიტეტის სოფელ ჩიხის საჯარო სკოლის 2023 წლის ბიუჯეტი (დანართის სახით)